|
|
|
|||||||
| قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
الملوخية التونسية على أصولها ..... لعيون أختي لبنى
 |
|
|
أدوات الموضوع | انواع عرض الموضوع |
2012-04-20, 15:04
|
رقم المشاركة : 1 | ||||
|
الملوخية التونسية على أصولها ..... لعيون أختي لبنى
السلام عليكم و رحمة الله و بركاته بسم الله هذه الوصفة هي هديتي للأخت لبنى2 اللي طلبتها, و كذلك للأخت بنت الجزائر و بالطبع لكل عضوات منتدى الجلفة. اليوم جبتلكم طريقة طبخ الملوخية التونسية اللي تكون مجففة و مرحية موش طازجة و خضراء, راهي ساهلة و بنينة برشة : المقادير : لحم بقري من الاحسن يكون فيه عظام, كاس كبير ملوخية, 3 ل ماء, قرابة 300 مل زيت نباتي, قرابة 2 م ك كزبرة و كروية ناشفين و مهرسين في وقتها, راس كبير ثوم مهرس, رند, نصف م ص فلفل أحمر(اختياري), نصف م ص فلفل اسود, بصلة صغيرة مقطعة جويدة.نصف م ص ملح. الطريقة : فوحي اللحم ب( 1 م ك كزبرة و كروية مهرسين و بصلة صغيرة مقطعة و الفلفل الاسود و الفلفل الاحمر و 1 م ك زيت) و خليه يرتاح :   في هذا الوقت حطي الملوخية في صحفة صغيرة : 8 م ك معمرين مليح , شوفو في الصورة كمية كل ملعقة :   و صبي الزيت و حركي حتى تتحصلي على مزيج سائل و متجانس , شوفو هنا :   فوق النار حطي 3 ل ماء في كسرونة كبيرة أو في المقفول , اول ما يغلي صبي مزيج الملوخية و حركي حتى تتحل الملوخية في الماء , اول ما تصبيها تحسيها لزجة شوفو الصورة :   بعد ما تحركيها تحسيها ما عادش لزجة و صارت متجانسة مع الماء, نقصي في النار خليها ما بين النار المتوسطة و الخفيفة على اصغر كانون في الغاز متاعك, خليها تغلي مدة نصف ساعة او ساعة و حطي اللحم اللي فوحتيه في الاول بعد ساعة اخرى أو أقل حطي بقية المكونات (الرند و معاه الاعواد متاعه يعطيك طعم بنين, الملح و بقية الكزبرة و الكروية المهرسين و الثوم المهرس) :   بعد 3 ساعات بالضبط من أول ما حطيتي الملوخية تلقيها جاهزة : قرت زيتها من فوق , و لونها صار أغمق و صارت أكثف من الاول و ما ننساش الريحة البنينة اللي وصلت اخر المدينة اللي تسكني فيها  . (موش لاخر الشارع كيما قلتلكم في المقرونة بالصالصة)  ملاحظة : تقدري تحطي المقادير الكل مع بعضهم من الاول , بالضبط بعد ما تحركي الملوخية اول ما تصبيها. طفي النار و خليها تبرد, قدميها دافئة  :   هذة الأكلة كل ما تخليها في الثلاجة تلاقيها صارت بنينة اكثر من قبل!!! يعني اليوم الثاني تكون ألذ من اليوم اللي طبختيها فيه. إن شاء الله تعجبكم, و دعواتكم لأمي و أختي اللي علموني هذه الوصفة.
آخر تعديل بنت الحاج 2012-12-16 في 16:09.
|
||||
|
|
2012-04-20, 15:39
|
رقم المشاركة : 2 | |||
|
بصراحة اول مرة نشوفها هاد الاكلة |
|||
|
|
|
2012-04-20, 16:36
|
رقم المشاركة : 4 | ||||
|
اقتباس:
مرحبا بيك أختي خلود هذه أكلة تونسية و ثمة برشة من الجزائر يعرفوها, يمكن ذاقوها في تونس لكن هي مختلفة جداااااااااااااااااااااااااااااا على الملوخية المصرية, هوما يستعملوها طازجة يعني مازالت اوراق خضراءو احنا بعد ما تجف و تترحى ما نقدرش نوصفلك طعمها لانه لا يشبه لأي أكلة أخرى , جربيها و شوفي طعمها لذييييييييييذبالنسبة وين تلاقيها ان شاء الله الاخوات في الجزائر يقولولك |
||||
|
|
|
2012-04-20, 19:39
|
رقم المشاركة : 7 | ||||
|
اقتباس:
نسقسي عليها وبربي نلقاها مشكورة اختي واضح بلي شاطرة فيها الله يسلملك يديك 
|
||||
|
|
|
2012-04-20, 19:58
|
رقم المشاركة : 8 | |||
|
اختي طريقتك في الملوخية نفس طريقة امي اي انها طيبها في الما وبعد تفوحها اما انا ندير لاصوص وبعد نحط فيه الملوخية الالي فيها الزيت وبعد نمرقها |
|||
|
|
|
2012-04-20, 21:45
|
رقم المشاركة : 11 | |||
|
يعطيك الصحة أختي ،، أنا جامي كليتها و جامي طيبناها فالدار ما يحبوهاش المهم راني استفدت من عندك طريقة طبخها مشكوووووووووووووووووورة |
|||
|
|
|
2012-04-21, 08:45
|
رقم المشاركة : 12 | ||||
|
اقتباس:
ثان نعرف القالمية ماتعرفهاش وثان نعرف السكيكدية ثان ماتعرفهاش شافتها في الجامعة في القالة ورحت ولقيتهم غارسينها وشريت منها في الصيف الكيلو ب50 الف وانت ياللي حاطة روحك عنابية وانت ماكش عنابية وعرفتي وحدةى تبسية وحبيتي برك تتهجمي علاها علاه لانك انسانة............ ونزيد نقلك اذا كنت عنابية كنت قادرة تقولي حتى احنا عندنا في عنابة برك مشلازم تهدري الكلام هذا الكل انا كي حبيت نعرف شكون اللي في دزاير يدير البركوكش بالحليب الناس كامل بعثت الردود بكل احترام بصح انت كي تقولي الشرق تبسة من الشرق بسيف عليك انت اللي ماكش من الشرق اصلا وماكان لاه تشوهي صورة عنابة لاني نعرفهم مليح |
||||
|
|
|
2012-04-21, 10:06
|
رقم المشاركة : 14 | ||||
|
اقتباس:
|
||||
|
|
|
| الكلمات الدلالية (Tags) |
| ....., أتود, أدبي, أصولها, لعيون, الملوخية, التونسية |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
عالأقل مسلسل حلو برشة
العرض العادي
