الدرس التطبيقي الثالث في دورة التطريز بشرائط الساتان

fifiarch · 2012-04-15, 14:52

اهلا بكل الاخوات
اليوم وبعد الانتهاء من الدرس التطبيقي الثاني واكيد بعد ما رايناه من ابداع الاخوات
هذا تحفيز كبير لنا لمواصلة مشوار الدورة
نبدا على بركة الله الدرس التطبيقي الثالث
وكالعادة فتحنا موضوع جديد لتجنب ثقل الصفحات
في انتظار ان يتم التثبيت من طرف المشرفات
وحتى لا ننسى هنا روابط الدرسين التطبيقيين الاول والثاني
الدرس الاول
https://www.djelfa.info/vb/showthread.php?t=894149
الدرس الثاني
https://www.djelfa.info/vb/showthread.php?t=920050
وهنا موضوعي اعمال الاخوات وتقييماتها
الموضوع الاول
https://www.djelfa.info/vb/showthread.php?t=919137
الموضوع الثاني
https://www.djelfa.info/vb/showthread.php?t=936252

والان على بركة الله نبدا مع الدرس الثاني
وكالعادة لان الاخوات عندهم الكثير من الارتباطات و لجعل العمل اكثر راحة نقسم الدرس الى جزئين وكل جزء يطبق في اسبوع
على بركة الله نبدا

الجزء الاول من الدرس التطبيقي الثالث

الدرس مقدم من طرف اختنا الغالية

doli/M

الف شكر لها وجازاها الله عنا كل خير
ربنا يجعل ما افادتنا به في ميزان حسناتها
يعني استاذتنا للاسبوعين المقبلين ان شاء الله راح تكون اختنا دولي ربي يحفظلها لميس و يرزقها باخ

بسم الله الرحمن الرحيم

هدا هو التطبيق الثالث اتمنى لكم ولي التوفيق

وهذي الرشمة ان شاء الله تعجبكم راهي من اختراعاتي هههههههه

الوسائل المستعملة هي

1. شرائط من الساتان 0،5 الوان مختلفة 1متر لكل لون

2. شرائط لون اخضر ومن الاحسن يكونو درجتين مختلفتين

3. شريط يناسب لون السلة

4. خيط قطناخضر للطرز انا استعملتو dégradé

5. كمية من السمسم

6. خيط للخياطة

7. ولاعة

8. مقص

9.Des épingles

طريقة العمل

الجزء الاول

ننقل الرشمة على القماش

رايحين نبداو بنسج السلة

نعمل شرائط عمودية

ثم اخرى افقية بهدا الشكل

نقوم بطرز حافة السلة بخطوط مائلة

وفي الاخير هده السلة

من بعد ما كملت السلة نقوم بطرز الاغصان الصغيرة بطريقة point de tige
اللي طرزنا بيها السلة في التطبيق الماضي
نستعملو خيط قطن انا استعملت dégradé

والان نعملو الاوراق بنفس طريقة درس ام سفيان الله يحفظها

ونتحصلو على الشكل هذا

من بعد نخدمو الوريقات في الاغصان وهنا نستعملو طريقة اختي سندس رعاها الله يعني نعاودو ندخلو الابرة في الدبلة

الجزء الثاني للدرس

عمل الازهار

نرجع الابرة للخلف وندخلها في القماش

بهدا الشكل

نحكمو البتلة ب épingle

ونحكمو كل بتلة بالابرة والخيط وكي نكملو نركبو السمسم في الوسط

وهكا حتى نكملو جميع الازهار وبالوان مختلفة

ان شاء الله تكونو استمتعتو معانا بهد الدرس و كل ما تشوفو خدمتكم تتفكروني وتدعولي بالولد الصالح
اختكم في الله doli/M

هنا ينتهي درس حبيبتنا الغالية دولي
ندعولها كامل بالتوفيق وربي يحفظلها احباءها ويفرحها باخ للميس
الف شكر ليك حبيبتنا دولي

والمطلوب منكن اخواتي انهاء الرشمة ووضع تطبيقاتكن قبل يوم السبت المقبل
ليتم تقييمها
والاخوات لي عندهم افكار للدروس يحاولو يتصلو بيا
حتى ننسق معهن
بالتوفيق للجميييييييييييييييييييييع

faizarbh · 2012-04-15, 14:57

رووووووووووعة شكرا لكن ان شاء الله انكونوا في المستوى

fifiarch · 2012-04-15, 14:58

العفوووووو اختي الغالية

فتاة مسلمة · 2012-04-15, 15:07

ماشاء الله روعة
كل يوم رانا نشوفو الجديد الله يبارك
تامنو ساي نسيت قرايتي مع التطريز والخياطة ههههه، راني مقلقة وينتا ندي العطلة
قلت بالاك نديرها مخايد للصالة ومن بعد نزيد نخمم
بارك الله فيكم جيمعا

نبوغ · 2012-04-15, 15:15

روعـــــــــــــــة ماشاء الله إ

sofiane2075 · 2012-04-15, 15:29

شكرا اخت doli/M على هاد العمل الاكتر من رائع تسلم ايديك و يعطيك الصحة و ربي يوفقنا جميعا و نطبقوه ان شاء الله و نكونو في المستوى

شكرا يا بنتي فيفي على كل ما بدلته جعله الله في ميزان حسناتك ان شاء الله ربي يعطيك ماتتمناي

ام مرية · 2012-04-15, 15:36

شكرا لكل من ساهم وسيساهم في تعليمنا هذه الحرفة بوركتم

الرشمة عجبتني بزاف

هدايات26 · 2012-04-15, 15:45

مساء الخير جميعا.كل عمل راح يكون اجمل من سابقه.شكرا للاخوات فيفي وسندس وللاخت ام سفيان....وشكرا للاخت دلي على

الاختيار الموفق ونتمنى اننا نوفق جميعا في التطبيق .

زهرة الهضاب 19 · 2012-04-15, 16:32

السلام عليكم ........الآن اطلعت على الدرس الثالث ......انا صورة الرشمة مخلرجتليش للأسف .....و لكن عجبتني التحت و علابالي تخرج حاجة تحفة .......

شكرا لك أستاذة دولي ....شكرا لك أختي فيفي على الجهد الذي تبذلينه في المواضيع .......

بالتوفيق لجميع المشاركات ..........

sondse1 · 2012-04-15, 18:11

مساء الخيرات حبيباتي
مشكورة فيفي على النقل جعله الله في ميزان حسناتك
الله يبارك حنونتي دولي عجبتني الرشمة
ان شاء الله نطبقها في 2 مخايد في شهرتي " تاع التصديرة "
باذن الله

بالتوفيق للجميييييييع

جيهان13091991 · 2012-04-15, 19:28

ما شاء الله اختي دولي الدرس تحفة انشاء الله برك نتوفقو فيه و نكونو عند حسن ظنك انا سايي خممت واش راح ندير مخايد صغار دجي فيهم هايلة
حابة نسقسيك واشي هي النوعية تاع القماش لي نستعملها الطوبي بانتلي احسن واش تقولي و تاني حاجة الدبلة الخضاء نشري واحدة تبريي و وحدة سامبل هكا و شكرا

جيهان13091991 · 2012-04-15, 19:33

اقتباس:

المشاركة الأصلية كتبت بواسطة فتاة مسلمة

ماشاء الله روعة
كل يوم رانا نشوفو الجديد الله يبارك
تامنو ساي نسيت قرايتي مع التطريز والخياطة ههههه، راني مقلقة وينتا ندي العطلة
قلت بالاك نديرها مخايد للصالة ومن بعد نزيد نخمم
بارك الله فيكم جيمعا

راني نخمم كيفك هههه حالتو نحبسو القراية برك واش قلتي هههه بالاك تصدقيني انا السنة نكمل
انا تاني خممت كيفك ندير مخايد كي شفت الرشمة جاوني مخاد في بالي تخرج سواسوا

بيان 5 · 2012-04-15, 19:57

السلام عليكم

شكرررررررررا على المجهودات اللي تبدلوا فييها معانااااااااااااااااا

فتاة مسلمة · 2012-04-15, 20:26

اقتباس:

المشاركة الأصلية كتبت بواسطة جيهان13091991

راني نخمم كيفك هههه حالتو نحبسو القراية برك واش قلتي هههه بالاك تصدقيني انا السنة نكمل
انا تاني خممت كيفك ندير مخايد كي شفت الرشمة جاوني مخاد في بالي تخرج سواسوا

انا يا اختي كون ربي يكتبلي في حاجة راني متمنيتها قاع القراية ننساها والله نبلوكي العام(مشي زواج هههه)
ايه فكرة المخايد شابة

fifiarch · 2012-04-15, 20:53

مساء النور لبنات
ماشاء الله عليكم وعلى ردودكن

والف شكر للاخوات لي راهم يعلمو فينا ويعطونا من وقتهم

العفووو منكن والله انا هذا واجبي
انا نفرح كي نديرو جو ونتعلمو مع بعض

الف شكر ليك حبيبتي دولي انا عجبتني الرشمة وعملك برشة

اما عن تطبيقي راني نخمم باذن الله في طابلية كيما داروها البنات عجبتني اعمالهم
والفكرة تانا
و فكرت ندير هاذيك السلة هي الجيب
و الوردات من فوقو عادي