انتوما ثاني كيفنا *******

[ريحآنة الوفآء]

السلالالالالالالالالالالالالالام
حبيت نعرف واش تقرو في مادة العلوم الشرعية
انحنا من يدخل و هو يفتي
هذي بدعة هذي حرام هذي منعرف وش
حقيقة ماعرفتش واش ندير معاه هل الفتاوى داخل الدرس او خارجه
في الثلاثي الاول اسئلتوعلى الحفظ نورمال
بصح كيما نجيبو كلش صحيح يحطلنا نقطة من عندو و يكتب لينا ممنوع الغش
يتسمى نحالنا حقنا كي نقولولو يقلنا دون مناقشة و الصفر
ولا يديرلنا اسئلة فرض حول الثقافة الدينية مهيش حوايج ساهلة والله حوايج صعيبة و حوايج الدين مافهاش التفلسيف لازم حاجة متاكدة منها ولا خلاص
انحنا غدوة نعقبوها لان الاسبوع الي فات كسرو سبورتنا و ماعقبناهاش
و انتوما كيفنا ولا كيفاه

[الحمام الجزائري]

لا حنا أستاذنا هايل حكيم قمة ما شاء الله

[ريحآنة الوفآء]

ربي يكمليكم بيه
شكرا للمرور

[رتاج الونشريس الحرة]

لالا مش كيفكم........استاذة قمة الحمد لله

[hanna25]

مرحبااا
خنا استاذتنا رائعة بمعنا الكلمة هي توجهنا ولكن بطريقة جيدة
مثلاا على ليكفروا معيطت ماوالوا حاولت تفهمنا بلي حرام ونضت تتمسخر قالتنا لازم كل ليلة تشهد كي قلنالها علاه قالتنا تخافوا تموتوا ونتوما كافرين لانكم نهار كل ونتوما تكفروا يعني على الاقل عاودوا ادخلوا في الاسلام
ولانهار حكينا على الحجاب خلاتنا نبديو رأينا ونقاشوها ومحولتش تجبرنا عليه ههه ولات تقلهم عندوا معاكم زميلتكم يخي نتوما تغيروا من بعضاكم غيروا منها وديروا الخمار ( أححح راهي تهدر علي أحححح )
المهم هي الاستاذ رائعة وتعطيكي حقك والاسئلة شوية حفاظة وشوي فهامة كيما انا في الامتحان الاول 19.5 وهذا الفرض 20 بلعكس شكرتني وفرحت لاني درتلها حفاظة وفهاما
نتمنى ربي يهدي استاذك
وشكراااااا على الموضوع

[ريحآنة الوفآء]

شكرا رتاج
وحنان ربي يخليلكم استاذتكم و معليش ظرك نغير منك انا ثاني و نعود نجيب 19.5 و 20 هههه
في المتوسطة كنت نجيب معدل المادة 20 الفرض 20 و الاختبار 60 و التقويم يكون شفاهي ندي 20

حنا تاعنا سلفي ساعات نقول شيعي بصح ماظنيتش ههه
قالنا صدق الله العظيم بدعة بحثت عليها قالولي هي مستحبة فقط ماشي لازم تقوليها
و الكثير من البدع هبلنا عقابها كش نهار نكفرو عقابو
و قالنا حتى الاحتفال بوم المولد النبوي الشريف حرام
انا قلت ممكن لان نبينا حذرنا من الاحتفال بمولدنا بصح انحنا نحتفلو بيه لنتذكره صحيح واجب علينا ان نتذكره كل يوم لكن نمدو فرصة لي مهمش مهتمين بيه و الاطفال ثاني نعلموهم كيفاه راح يتعلمو

[بن زرام]

استاذ عادي تحدم تدي متخدم متديش يحكمك تغس 000

[ريحآنة الوفآء]

المشاركة الأصلية كتبت بواسطة بن زرام

استاذ عادي تحدم تدي متخدم متديش يحكمك تغس 000

انحنا تخدم يقلك غشيت
مافهمنا والو

[سماح الجيجلية]

احنا ديانا الحمد لله ربي يحفظو
هو سلفي وامام في مسجد لما تشوفيه ترتاحي والكل يحبو ويوصلنا الشيء الي حابو بطريقة رائعة تتقبليها بدون مناقشة
اما ادا بدى يرتل القسم كامل يسكت وتسمع صوتو يدوي في القسم والله ماشاء الله
اما بالنسبة للشرح يشرحنا مليح اما العالامات والله غير العشرينات وكايجيبنا على الشي لي كونقراوه برك
ربي يكون في عونكم

[lamismissa]

حنا تاعنا دارت لنا الامتحان بصح ما عطاتناش الورق بصح انا متاكدة بلي ما هيش النقطة تاعي الحقيقية .ربي يهدي استدتي و استادك.

[قـطر الندى]

أستاذتنا روعة دائما تنصحنا وتوجهنا للطريق الصحيحة
وهي لي قنعت القسم يهوزو الكراسي في آخر اليوم باه المنظفة ماتتعبش بالزاف وبما أنا علميين قنعتهم بطريقة رياضية
ونهتهم على الخربشة في الحيوط وتقبلوا منها النصيحة........................
قاع القسم يحبها

[سآجدْ للهْ]

|||ردد معي|||~~~|||~~~|||الله|||~~~|||أكبر|||
|||~~~|||~~~|||~~~اللهم ارزقنا الجــــــــــــــنه امين
|||ردد معي|||سبحان|||~~~|||الله|||~~~|||وبحمده|||
السلآآآم عليكم

نحن نقراو في الشريعة الدروس المقررة علينا
وديما مسكينة الاستاذة نتاعنا كيما تدخل تعيط على هذا تقولو اسكت ولاخر اقعد ...حصة كاامل تروح في اسكت واقعد وكيما تنتهي الحصة تقولنا لصخو الدرس في الدار هههه
والاستاذ نتاعكم هدا ما حقوش يتهمكم بالغش عندي طريقة يولي ما يتهمكش خلاص
أولا لازم عليك تحفظو هاذ الآيات والآحاديث مناه راح تقوليهملو من بعد
تذكرة لكل من تسول له نفسة الافتراء على خلق الله بهتانا وزورا
أشد أنواع الظلم اتهام البريء ورميه بما ليس فيه، وفقدان الثقة فيه
قال تعالى:
{ولا تحسبن الله غافلاً عما يعمل الظالمون إنما يؤخرهم ليوم تشخص فيه الأبصار}
كما قال تعالى:[ وَلا يَأْتِينَ بِبُهْتَانٍ يَفْتَرِينَهُ بَيْنَ أَيْدِيهِنَّ وَأَرُجُلِهِنّ] ][الممتحنة:12

{إِنَّ اللَّهَ يُدَافِعُ عَنِ الَّذِينَ آمَنُوا إِنَّ اللَّهَ لَا يُحِبُّ كُلَّ خَوَّانٍ كَفُورٍ}الحج38:
( مَن آذى لي وليّـاً فقد آذنته بالحرب).
يخبر تعالى أنه يدفع عن عباده الذين توكلوا عليه وأنابوا إليه شر الأشرار وكيد الفجار ، ويحفظهم ويكلؤهم وينصرهم ، كما قال تعالى : ( أليس الله بكاف عبده ) [ الزمر : 36 ] وقال : ( ومن يتوكل على الله فهو حسبه إن الله بالغ أمره قد جعل الله لكل شيء قدرا ) [ الطلاق : 3 ] .
كيما تمديلو الآيات هادو قوليلو انت تتهمني بالباطل يـآ استاذ وإن شئت فتأكد واسئلني ..!!
هكا بإذن الله ما يقولك والو لأنك راح تغلبيه بالآيات القرآنية
وبالنسبة للفتاوى نتاعو استغليها واستفيدي منه وحاولي تهزي عليها نظرة تقدري تجاوبي اذا جاوك في الفرض ولا الاختبار
وكيما يقولك الصفر عندما تناقشيه قوليلو انا اعطيتك بيانات وادلة قرآنية وإن شئت فأنكرهـآ فأنت تعلم ان هذا حقي وإن لم آخذه الآن سآخذه حتما يوم الحساب يوم لا يظلم احد عند احكم الحآكمين
وأنآ واثق كيما تقوليلو هكا ما يحطلكش صفر مستحييييل
وان شااء الله التوفيقــ’’ احفظي مليـح باه تقوى الحجة نتاعك
بصح والله ما حقهم اليوم يوم سبت وعيطولنازعمة تعويض ايام الثلج.. نقراو راني ميت بالغلبة مالف نعوض ساعات النوم يوم السبت نوض على 1.00 هههه المهم
والسلام عليكم ورحمة الله

|||ردد معي|||~~~|||~~~|||الله|||~~~|||أكبر|||
|||~~~|||~~~|||~~~اللهم ارزقنا الجــــــــــــــنه امين
|||ردد معي|||سبحان|||~~~|||الله|||~~~|||وبحمده|||

[السيدة اسيا]

حنا استاذنا قمة صوتو رائع في تلاوة القران ما يحبش يتعمق بزاف يزيرنا بصح كي نجيبو20يعطيهانا........

[نعمة القدوس]

ربي يكون في العون


حنا والله نقرااو نرومال خلاص

ماكانش مشاكل معاها


الحمد لله


ربي يعطيييكم الصبر وطولة البال

[ريحآنة الوفآء]

شكرا لكم جمعا و ربي يخلي ليكم اساتذتكم
و ياعقبة مانقدرش نمدلو الايات هو سلفي مشدد معقد يااااااااااااااسر الطفلة مايشمش ريحتها و نوقفوش حتى بجنبو و هو 2 صفوف بنات في القسم نقعدو في جهة وحدنا و الذكور وحدهم انا عجبتني حقيقة بصح مايشوف فينا ماوالو و نحنا نشاركو يقول نعم و تجاوب وحدا فينا و مسكين دايما يقول اين انتم ياذكور واحد مايرد يرجع لينا و يقولنا احسنت و ليس احسنت ههه و انا ياك غلطولي دايريني رباب نقولو ريان يقولي نعن بصح من اول العام كيما يدير منادات يقول رباب اه اقصد ريان ههه مافهمتلوش زعما ماحفظنيش وعلاه مايقولش ريان برك و تقولي نستفاد من الفتاوى تاعو حقيقة هو يبالغ و المبالغة في الدين قريب تكفرو لانها حرام المبالغة ياسر المهم انا علابالي بالصواب من الخطا