كيف اخبر والدي

[مشكلتي]

عليكم السلام


مشلكتي هي انه يريد احد خطبتي وطريقة تعرفناعلى بعض غريبة كان يعرفني بالوجه من قبل وبعد بحث وجد رقمي وكلمني

في بداية الامر رفضت التكلم معه ولكن بقي مصرا على التكلم معي واكد لي ان نيته صافية تقابلنا وجها لوجه مرة واحد دون ان نرى بعضنا فيا بعد الا صدفة

ولانه كان على مشارف مشروع مهم في حياته كان دائما مشغول والان قرر بان يتكلم مع والدي الشهر القادم

لااعلم عنه شيء سوا انه صاحب شركة ومن اسرة معروفة في مدنتي وحسبت تصرفاته معي دو اخلاق وتربية والله اعلم

و المشكلة طلب مني ماذا اقول لوالدي لو سأله كيف عرفتها لو قال له هذه القصة والله سوف تنقلب حياتي كلها لان والدي صعب جدا من هذه الناحية ان ابنته تكلم رجل في الهاتف وقابلته سوف يقتلني اكيد

ممكن تتساعدوني

[ياربي اني راضية]

يا اختي ربي اهنيك وادا هدا الانسان فيه الخير ربي يكتبولك انت اما تحكي مع امك وتتفهم او اطلبي منوا يروح يحكي مباشرة مع والدك او مع اي احد من الاقارب مش لازم انت تحكي للوالد هادا راه زواج يحكوا فيه الرجال مع بعض وانت من الافضل ماتقوليش لوالدك لخاطر رايحة تجيب المشاكل لروحط

[/زهرة عصفور الجنة/]

نصيحتي لكي اخبري امكي بكل شيء.وقولي له ان يأتي لخطبتكي في أقرب الاجال وان يقول لوالدك ان الناس قد دلوه عليكي

[yasmina dz]

خليه يجي لدار ماشي شرط تخبري انتي المهم كي يسقسوك ولي انا قابلة هاذا ماكان
اذا هدرتي مع هاذ الولد قوليلو كي يجي يخطب يقول بلي سقسيت عليها و عرفت بل بنت محترمة و متربية و اكيد باباك راح يوافق ربي يوفق ان شاء الله

[سجل أنا جزائري]

علاه ذرك اللي نيبتو حلال مش مليح ؟؟

هو قاصد الحلال و شاف رايك و جاي يخطبك نشوف فيها نورمال

و ما نظنش بابك راح يسقسيك وين عرفتيه اذا جاء يخطبك من الباب

كيما قالولك ما تقوليوش نتي خلي هو يجي يخطبك مباشرة من الوالد تاعك

و ربي يهنيكم و يكملكم ان شاء الله

[رزان.]

مادام طالب الحلال فليتوكل على الله و يدخل من الباب حتى تتأكدين من نيته و اللوم ماراهش فيك كونك ما عطيتيهش الرقم شخصيا هو من بحث ووجده اللوم يكون إذا تماديتي في التحدث معه و مقابلته لأنك ستتعودين على ذلك الله يجيب الخير

[اسيل]

ربي يجيب لي فيه الخير استخيري الله اولا ولا تخافي لو كان هاد الشخص مناسب لك وربي مكتبهولك راهو كلشي يفوت ساهل وبدون مشاكل وحتى لو كان باباك صعيب كيما راكي تقولي توكلي على ربي واخبري امك وهو يجي للدار شغل ميعرفكش ومتحدتتوش مع بعضكم من قبل

[جار الله المهدي]

اطلبي منه ان يرسل امه الى بيتكم للتكلم مع والدتك ولا تعطيها تفاصيل تعارفكم سوى انه تم ارسالهم اليكم لا غير اعتقد ان الامور ستسير على ما يرام .... اتمنى لكم التوفيق والصلاح

[الجزائري حموز]

في رايي تكلمي مع أمك واحكيلها قصتك وفهميها بنيتك

[مناد بوفلجة]

السلام عليكم

كيف سيسأله والدك : كيف عرفتها ؟

و ما هو موقع السؤال في التقدم للخطبة

إن كان فعلااا في المستوى , فلن يسأله والدك بل بالعكس , سيسعد لذلك

الأمر بسيط جدا , هو يتقدم للخطبة و يقول لوالدك , سألت فوجدت , و فقط

سؤال بسيط و جواب بسيط , و أستر ما ستر الله , فلما الوسوسة و التعقيد و كثرة الحسابات

سلااام

[صُبح الأندلس]

إذا كان من مدينتك فلم يسأله كيف تعرف عليك؟

[ريماس]

اختي انا نقلك ربي يسهلك
وانا راني نقدر نقلك معاك .............لانو الوقت مابقاش الزواج التقليدي تاع تعرفت عليه صاحب بابا او خويا او عمي او جارتنا الكل اصبح يتزوج بالتعارف
مي اختي انا حبيت ننصحك انك تصارحي باباك لاخاطر ماتضمنيش الوقت لوكان تزوجتو وقلتي لباباك اي سبة اخرى...............وجاء يوم مثلا وتعاركو لقدر الله يبعد المشاكل وتبدى السيرة تظهر والكلام يجيب بعضاه ويقول زوجك كلش الي كان بيناتكم مش تتفضحي وتظهر الكذبة .........................ثمة باباك ماعادش يثيق فيق ولا يوقف معاك وتعود كي تحرقت كي طابت زي بعضاهم.............
ان شاء الله تكوني فهمتي قصدي اهتي والي فيه الخير يقدمو ربي

[hodayena]

اختي منظنش كاين واعر وراسو خشين كيما بابا انا تاني تعرفت عليه وقالي قولي ليماك يما انا قتلها اختو تعرفني هكذا متفاهمين ويما قالت لبابا شفها في الكوس تع الجامعة زادت خلطتها مي دورك ميحوسوش يعرفو المهم يجي يبان قودام الاهل واحكي الامك وهي دبر كاش قصة وتفاهمي معاه اذا عندو اختو زيدوها معاكم انا هكذا درت والحمد لله

[honey bees]

والله يا اختي بانتلي القصة نورمال متعقديش الحالة و متهدري والو انت فهميه الوضع للخطاب وان شاء الله يكون خير و متنسايش راكي تدي غير مكتوبك هتكلي على ربي و متخافيش.

[ناصرالدين الجزائري]

إذا كان من مدينتك فلماذا يطلب منك إخبار والدك ... لماذا لا يذهب إليه مباشرة و يكلمه رجُل لرجُل ..
قد يكون هذا الشاب يجهل الطريقة الصحيحة ليخطبك من أهلك و قد يكون أحد أشار عليه أن يقدم بهذه الطريقة ..
فإذا كلمك مرة أخرى أخبريه أن يكلم أباك بطريقة مباشرة ..
و بما انه بذل مجهود ليجد رقم هاتفك الخاص فلن يكون أمر مستحيل أن يجد والدك ليكلمه ..
و الله أعلم ...

بالتوفيق إن شاء الله ...