راهم حابين يوخدونا في الباك - الصفحة 2

وحيد دالي · 2011-06-01, 12:39

شكرا ليكم ان شاء الله ربي ينجحكم مزية قلتولي خطراكش حنا الليسي تاعنا ماقالولناش وحبو يعاودولنا نفس الحكاية ***في البيام خلاونا بلى كاشي ورحنا نعقبو نورمال كي وصلنا وين نعقبو عاودو قلبونا قالولنا لازم الكاشي عاودنا ولينا الخلعة تاع البيام وزادولنا الخلعة تاع الكاشي *** واش نقولو ربي وكيلهم انا نروح نقول لي يقراو معايا لازم الكاشي وكثر خيركم وربي يجازيكم

وحيد دالي · 2011-06-01, 12:42

حنا الليسي تاعنا والله ماعلابالو فينا لا مدير لا مراقبين حاشاكم دايرين رواحنا نقراو في حديقة ماهوش قاع ليسي واصلا المدير تاعنا منعرفوهش خلاص كيفاه داير كل واحد يجبد لمصلحتو

AYACHI39 · 2011-06-05, 10:52

ما تخموش الاستدعاء تاع العام الماضي نفسه ولا تكاشيه في المؤسسة ولا هم يحزنون

toulay · 2011-06-01, 12:58

مكانش منها هاذي خلاص

وحيد دالي · 2011-06-01, 13:09

والله ما عرفنا شكون صح وشكون غالط بصح كاينين لي كاشاوهم تخاف تطفر فينا حنا

الهام علي · 2011-06-01, 13:10

شكرا والاحرار
واش يديروا يروحوا الي مديرية التربية
انا راح نروح غدوة نسقسي شكرا

يارب رحمتك · 2011-06-01, 13:53

اقتباس:

المشاركة الأصلية كتبت بواسطة الهام علي

شكرا والاحرار
واش يديروا يروحوا الي مديرية التربية
انا راح نروح غدوة نسقسي شكرا

الله يرضى عليك اختي كي تروحي رجعيلي الخبر ..بارك الله فيك رجعيلي لخبر هنا

toulay · 2011-06-01, 13:17

حنا فالمؤسسة قالونا اجبدو الاستدعاء من الانترنت جبدناه وخلاص حاجة فوق هاذي مكانش المهم هاذي مجرد اشاعات باش يخوفونا برك حنا المهم نقرو وننجحو ان شاء الله

وحيد دالي · 2011-06-01, 13:23

بصح تخافي لازم نسقصيو ونتاكدو مليح باه مايكون عندنا حتى مشكل نهار الباك

toulay · 2011-06-01, 13:29

الاستدعاء لما تجبدو من الانترنت راه مكاشي من عند الوزارة

وحيد دالي · 2011-06-01, 13:31

ايه علابالنا في هاديك مي كاينين لي زادو كاشاوهم في الليسيات

وحيد دالي · 2011-06-01, 13:33

psq بلا كاشي تاع الليسيات الغاشي كامل يقدر يدير استدعاء ويدخل بيه

toulay · 2011-06-01, 13:35

مكانش منها هاذي خلاص حنا المؤسسة تاعنا اي جديد يجي يقولونا عليه ومقالوناش بخصوص هذا الموضوع معناها راه مجدر اشاعة
وكون كاين منها صح يبعثو استدعاءات ميقدروش يخبو حاجة كيما هاذي لخاطرش الموضوع يتعلق بالبكالوريا راهي شهادة مهمة ومهمة جدا
ان شاء الله تكون اقتنعتي بالكلام تاعي اخي المحترم واذا مزال مقتنعتيش اتوجه للمؤسسة باش تزيد تتاكد

nounette · 2011-06-01, 13:45

متزيدونيش ,,,,لازم نكاشيوها ؟
مظنيتش لان المدير تاعنا حريص بزاااف ودار علينا بالوحدة وتأكد بلي خرجناها ومناش غالطين وثاني في التعليمات لي في الاستعاء ماقلاش لازم نكاشيوها وربي يستر

وحيد دالي · 2011-06-01, 13:51

ميرسي ختي تولاي الله يحفضك واللي فيها خير يجيبها ربي ان شاء الله وادا كاش خبر نعلمكم ان شاء الله