هذا الموضوع الذي أحزنني كثيرا .

[البوديلمي]

المشاركة الأصلية كتبت بواسطة جزائرية ولي الفخر

اوافقك فيما قلت اخي..الجزائر من اروع واجمل البلدان في العالم لكن جهل البعض بذلك يجعلهم يشعرون بنوع من النقص كما قلت لكنهم لو ادركوا ما هم غافلون عنه لما فكروا يوما في تركها رغم اقتناعي انها ستبقى تسكن قلوبهم اينما كانوا..
على العموم حتى لو كانت الجزائر لا تمتلك اي شيء مما تملكه ستبقى دائما تمتلك رجولة ابنائها و عشقهم لها..
بخصوص ماقلته عن المصريين وبعض العرب الذين لا يريدون قبول حقيقة ان الجزائر جنة هم محرومون منها فدعك منهم اخي فهم لا يستحقون حتى مشاهدة ماقدمته لهم من صور..
شكرا جزيلا لك على الموضوع القيم فعلا..يزداد اعجابي بوطنيتك يوما بعد يوم..
لك خالص تقديري واحترامي..
دمت جزائريا لا تهزه ريح..

الله يبارك فيك ويعيشك على الكلام الزين الباهيرجولة أبنائها كما تفضلت تكفي وأنت محقة في أن أتركهم ولاأتعب تفكيري بتشكيكاتهم السخيفة .وبارك الله فيك أختي جزائرية جدا على مرورك الذي أسعدني كثيرا شكرا جزيلا لك.

[سيفاو]

يعطيك الصحة خويا
بزاف ناس ضرك اشوفوا الموضوع هذا
ايقولوا بووووووووووووه هذا السيد مازالو نية
لكن خويا انا نقولك انت هو الصح انتاع الصح
ماشي كيما هذوك اللي تهدر معاه ايقولك انا نحرق ...والله غير نحرق ....هذي ماشي بلاد....
ايا امشي ....هذي بلاد تاع وجهك ....ايا طير عند لالاك فرنسا ديجا راك ........
(تبالي راني نهدر وحدي)
المهم ياخويا لعزيز
مانحتاجوش الراي تاع العرب ايقولونا بلادنا شابة ولا ماشي شابة
انا حاليا راني نحضر في فيديوهات للجزائر بالألمانية والتركية أما العربية فلم أفكر فيها أصلا هههه

هاي ليك القناة العالمية ناشيونال جيوغرافيك صنفت الجزائر ضمن أجمل 10 بلدان في العالم
ويكفينا فخرا

اعتذر عن المداخلة الغريبة

[ذبُــولْ ~]

المشاركة الأصلية كتبت بواسطة سيفاو

يعطيك الصحة خويا
بزاف ناس ضرك اشوفوا الموضوع هذا
ايقولوا بووووووووووووه هذا السيد مازالو نية
لكن خويا انا نقولك انت هو الصح انتاع الصح
ماشي كيما هذوك اللي تهدر معاه ايقولك انا نحرق ...والله غير نحرق ....هذي ماشي بلاد....
ايا امشي ....هذي بلاد تاع وجهك ....ايا طير عند لالاك فرنسا ديجا راك ........:d
(تبالي راني نهدر وحدي)
المهم ياخويا لعزيز
مانحتاجوش الراي تاع العرب ايقولونا بلادنا شابة ولا ماشي شابة
انا حاليا راني نحضر في فيديوهات للجزائر بالألمانية والتركية أما العربية فلم أفكر فيها أصلا هههه

هاي ليك القناة العالمية ناشيونال جيوغرافيك صنفت الجزائر ضمن أجمل 10 بلدان في العالم
ويكفينا فخرا

اعتذر عن المداخلة الغريبة:d

هههههه..مشكور خويا..والله غير بردتلي قلبي خاصة *بلاد نتاع وجهك* كنت حابة نقولها بصح حشمت

[البوديلمي]

شوف خويا اللي قدامك واحد فحشوش وفاهم الدنيا كيفاه ماشية ولعادت ليحب بلادو نية ياخويا قلهم أنا نية وزيد لقدام أما بخصوص راي واحد أخرين مايهمونيش بصح يهمني راي ولاد بلادي بالدرجة الأولى وبخصوص معلومة أجمل 10 دول في العالم فهذا صحيح وشكرا جزيلا لك على المداخلة الغريبة العجيبة

[أبو خالد سيف الدين]

بارك الله فيك يا أخي
بلدنا الحبيب من أجمل البلدان العربية و فيه مناظر طبيعية فعلاً تجعلك لا تصدق أنك في الجزائر لروعة جمالها و سحرها
و هذا كله كما أوضحتَ يرجع لجهلنا ببلدنا