معمول من مطبخي ناجح 100 % ان شاء الله & بالصور ’،

[سعادتي في عبادتي]

السلام عليكم ’،

جتلكم اليوم طريقة جربتها غير مقبيل للمعمول فوووووووور ، تالمون عجبني كليت زوج حبات هههههه
صدقوني اول مرة ينجحلي المعمول هكدا ويخرج هش ويدوب فالفم الحمد لله ، على هذي حبيت نفيدكم ، اتفضلوا :






المقادير :


200غ زبدة (استعملت فلوريال)
500 غ فرينة (ممكن قل شوية وممكن كتر على حساب نوع الفرينة)
1/2 كاس لحظة
1/2 كاس زيت نباتي
1/2 كاس سكر ناعم
بيضة
نصف ملعقه صغيرة خميرة الحلوة وومكن قرصة برك (باش المعمول مايتنفخش يحافظ على الرشمة ديالو)
ملعقة صغيرة فانيلا معمرة مليح

الحشو:
حوالي 200 غ غرس نخدموه بـ 3 مغارف كبار زيت ونزيدولو شوية جلجلان محمص’،

الطريقه
نخليو الزبدة خارج التلاجة حتى تولي طرية كيما la pommade ومبعداتيك نزيدولها الزيت نخلطوهوم بالباتور ونزيدولهوم لافاني ونزيدو نخلطو ملييييح حتى تولي كيلي كغآم ونزيدو السكر وننبقاو نخلطو والبيضة تان نفس الشي
ومبعداتيك نزيدو لحليب بلا مانحبسوا الخلط ديالنا ومبعداتيك نزيدو الفرينة بالتدريج ونخلطو بيدنا حتى تولي عجينة هشة وطرية ، نشكلو كويرات بلعجين نحطو في كل واحدة كويرة تاع الحشو ونرشموهوم بالمول ديال المعمول ونحطوهم فسنيوة مرشوشة بالفرينة بلا ماندهنوها خاطكش اصلا هوما معمرين بالدهن ، نحطوهم في فرن مسخن من قبل بحوالي ربع ساعة ، ومن المستحسن يكون شاعل من لفوق ولتحت ، وتخلوه يطيب حوالي نصف ساعة ’،


وهذي صورة قبل ما يدخل للفرن





وهذي كي خرج






وبالصحة ولهنا ’،

[سعادة الدارين]

السلام عليكم


بارك الله فيك

[lilyann]

merci hanouna

[سامية الجزائر]

يعطيك الصحة هايل

[wassila21]

يعطيك الصحة يا الشاطرة،

مشكورة على الوصفة

[سعادة الدارين]

السلام عليكم

مشكورة و بارك الله فيك

هايلين

[sofiane2075]

بارك الله فيك تاكلوه بالصحة ان شاء الله

[ملكة الورود]

فحلة الله يبارك يعطيك ألف صحة يالغالية

[محامية العدل]

لحليب كيفاه نديروه سائل او بودرة ؟؟؟؟؟؟؟؟

[ام رحوقة]

هل النار في الفرن تكون ناقصة؟

[أم مريم]

الله يعطيك الصحة ماشاء الله

[سعادتي في عبادتي]

بارك الله فيكم على المرور العطر ’،

[سعادتي في عبادتي]

المشاركة الأصلية كتبت بواسطة anais_avocate

لحليب كيفاه نديروه سائل او بودرة ؟؟؟؟؟؟؟؟

بودرة حنونة ’،

[سعادتي في عبادتي]

المشاركة الأصلية كتبت بواسطة ام رحوقة

هل النار في الفرن تكون ناقصة؟

شوفي يا حنونة انا عندي فرن الغاز درتو على اقل درجة الي هي 1 ، اما اذا فرن كهرباء ديرية 180° وعينك هي ميزانك (يعني انتِ تعرفي الفور ديالك وهو يطيب في نفس الحرارة اللي تطيب فيها لغريبية ) ، وبالتوفيق ’،

[ام إثري]

اممممممممممممممممممممممم شكرا يا الفحلة
عيدكم مبارك