طريقة عمل بيتزا بالتونة

[zain ahmed]

طريقة عمل بيتزا بالتونة
اليكم المقادير الاتيه نحتاج الي اثنين كوب من الدقيق والي ملعقه من شاي الخميرة ونحتاج الي رشة ملح وملعقه سكر وملعقتين من الزبادي اما الماء واللبن سوف نقوم بإضافتهم حتي نصل الي عجين متامسك ونحتاج الي ملعقتين من زيت الزيتون او ثلاثة ونحتاج الي علبتين من التونة والي بصله تم تشويحها وكمون ونقوم بتحضير الصلصله التي تحتاج ثلاثه طماطم وثلاثه العربجي من فصوص التوم ونضف اليها ملح وفلفل اسود ونضيف رشه من الزعتر والزيت وحسب الرغبه نضع شرائح من الفلفل الملون للعجن نقوم بوضع كل من الدقيق والخميره والسكر والملح وزبادي ولبن ومياه للعجن ونعجن ومن ثم نقوم بتغطيتها بكيس من البلاستك وتركها لمده ساعتين حتي تختمر ومن ثم نحضر العجينه قم نقوم بفردها جيدا وفرد الصلصه عليها جيدا ومن ثم نضع جميع المكونات التي ذكرناها من قبل وووضع التونه ونقوم بتدخيلها الي الفرن

المكوّنات
عجينة بيتزا مكوناتها وطريقتها علي صفحتي شرفوني وشفوها
2 حبات فلفل اخضر والوان حار وبارد حسب الذوق مقطع حلقات أو مكعبات
من 2 ل 3 علبة تونه قطع مش مفتته بيبقى طعمها احلا
التونه حسب كام صنيه هنعملها
زيتون مخلي ومقطع
شرائح بصل رقيقه
شرائح طماطم رقيقه
جبن رومي مبشور
جبنه موتزاريلا
صلصه طماطم لو مافيش نسبك حبه عادي ونتبلها بزعتر وتوابل
الخطوات
1
نبدا بفرد العجينه بشوية دقيق لحد لما تاخد حجم الصينيه المراد وضع العجينه فيها وتكون في السمك المراد عملها بيه تخينه ولا رقيقه مع مراعات أنها بتزيد في الفرن
2
ندهن الصينية شوية زيت وناخد العجينه براحه علي المنشاب ونحاول واحنا بنلفها عليه لو في دقيق نخفه شويه ونحطها في الصينيه ونساوي الاطراف ونسيبها ترتاح دقتين أو 3 في الصينيه لو مش عاوزه تحطي زيت في الصينيه ممكن نسيب الدقيق علي العجينه مانفضوش ونفردها عادي
3
لما العجينه ترتاح نبداء في توزيع الصلصة على العجينه بس نبعد عن الأطراف شويه عشان ماتتحرقش
4
بعد كده نفضي علب التونه في طبق ونديها تكسير بالمعلقه لحد لما تفك من بعضها وبعد كده نوزعها فوق الصلصه بالتساوي
5
وبعدين نبدأ نحط باقي المكونات الزيتون وشرائح البصل والطماطم
6
وبعد كده نحط الجبنه الرومي بس
7
نشغل الفرن يسخن شويه علي نار متوسطه ونحطها علي اخر طبقه من الفرن وبعد شويه نشوفها نرفع طرف بسكين أو معلقه مسطحه لو استوت ولونها بقه دهبي غامق نرفعها علي شبكة في منتصف الفرن ونحط عليها الجبنه الموتزاريلا ونوزعها كويس علي الوش ونحط شويه محترمين كده
8
ونسيبها تكمل سواها عادي ولحد لما الجبنه الموتزاريلا تسيح نطلعها من الفرن ونسبها تبرد شويه بسيطه وبعدين نقطعها ونقدمها