أحتاج إلى نصيحة

[قطر الندى]

,,,السلام عليكم ورحمة الله وبركاته , معكم طالبة مقبلة على سنة ثالثة طب ان شاء الله , منذ ان دخلت للجامعة وانا لم افرح والداي بنتيجة ممتازة فهما في كل مرة ينتظران نجاحي بتفوق ولكنني في كل مرة اخيب ظنهما , وهذه المرة للاسف دخلت للدورة الاستدراكية ,مشكلتي والتي تفاقمت مع دخولي للجامعة هو خوفي الشديد من ا النتائج الدراسية حتى صرت ومع انني ادرس ايقنت عقلي بانه ليس بامكاني ان انتقل بمعدل جيد , لم اعد تلك الشخصية التي كانت تتيقن بنيل العلامات الكاملة لقد تدهورت ثقتي بنفسي , ابي وامي واخي في كل مرة يسئلونني عن نتائجي الدراسية وفي كل مرة اتحاشى ان اقول واتهرب من أسئلتهم بخصوص الدراسة , هم من حقهم ذلك أعلم لكن عن ماذا أخبرهم أأخبرهم بعلاماتي السيئة أعلم انهم لن يتفهموا الوضع , والامر الذي زادني حزنا كل من حولي لا تقول لي يمكنكي التفوق بل تقول لي لماذا اخترت الطب كان عليك ان تختاري فيزياء او رياضيات ( لا اخفي لكم اني متفوقة في مواد الفهم ومواد الحفظ اجد صعوبة فيهاى ) , احيانا افكر في ان اغير الجامعة , بماذا تنصحوني وكيف اخبر اهلي عن مستواي في الدراسة خاصة وانه كل من يراني من اهلي او صديقاتي اللواتي ليس لهن اطلاع او احتكاك بي في الدراسة يظنون انني متفوقة لانني طالما كانت الدراسة اهتمامي واحصر كل الحرص على الا افعل الا ما يرضي الله ؟ , ارجوكم اغيثوني اريد تشجيعا منكم ؟ هل يمكن ان اعود متفوقة كما كنت في الثانوي ؟ وبماذا تنصحوني ؟

[فارما توب]

اريد ان اعرف منك طريقتك في الدراسة

[mehdi_mascara]

أتذكرك تماما ، أتذكر مشاركاتك في المنتدى في سنتي الأولى في البكالوريا ،

[shy'n]

يا أختي,,,
في الطب
لا يكفي تكوني آ جور
يلزمك تكونو آلافونس

دوكا ادا ماكيش راطراباج عاودي شوية فيزيو و آناطو

تفوقي في السنة الثالثة لأنها سهلة جدا و ممتعة - لا تنسي تكوني آجور و كل مادة مديلها حقها-

و ابتداءا من السنة 4 دك تولي الدراسة ممتعة نوعا ما,,,
برك ديري مجهود و أحفظي و افهمي و ديري لي عليك و ما ديريش على النقاط خاطر الآساتذة يحبوا يجيبوا اسئلة ماكاش قاع في البوليكوب و ماقالهاش في الدرس و يجوبلك أسئلة مل مريخ,,,,صدقيني لوكان تسقسيهم هادوك الأسئلة مايعرفوش هوما يجاوبوا عليها ,,,,بيان سور ماجيبيش مليح ,,,,
بصح ادا قريتي مليح دروسك,,,ستكونس طبيبة في المستوى,,,و هذا هو أهم شئ ليس النقاط

[قطر الندى]

......جزاكم الله خيرا

[اخت الرجل]

https://youtu.be/StanxKpWcsQ
ابدئوا بالتحضير لقائمة التخصصات و ابحثوا عن التخصصات الجيدة قناتي قد تساعدكم اضربوا طلة ربي يوفقكم أي اسئلة أنا هنا ��
وربي ينجحكم قااااع وتفرحو وتفرحو والديكم â‌¤��

استغلوا وقتكم âکک

[nadineisraa]

هل يمكم لطالب سنه2طب ان يغير الفرع خاصه مدرسه عليا اساتذه

[imad2001]

بسم الله الرحمن الرحيم

أ

ما بعد أقول لكي يا أختي الكريمة لا بد لك من مواصلة دراستك في مجال الطب وأرجو منك عدم تغيير التخصص ثانيا بالنسبة لما يخص عودتك للتفوق فلا يوجد أي إشكال ... المشكلة الكبرى هي تخوفك وبعض الشوائب التي تدور في عقلك أو في قلبك فلربما إن أزحت مشاكلك جانبا وواصلت دراستك بجد واجتهاد فاعدك بأنكي ستتفوقين بإذن الله وأنصحك بقرائة القرءان والصلاة فكوني على يقين أن ما أصابك وما أهمك فانه سيفرج بإذن الله

[حفيدة دوستويفسكي]

لا تتراجعي تقدمي ، دخولك للدورة الاستدراكية لا يعني انك فاشلة ، الطب اختلاف في القدرة على الحفظ*
انتي قادرة على ذلك صدقيني لا يوجد فرق بينك وبين المتفوقين* ، الجميع يتعثر ويمر بمرحلة يظن فيها انه غير قادر على مواصلة المشوار*
اياك وتغيير التخصص ، انتي سنة ثالثة قطعت نصف المشوار*
اتمنى لك التوفيق ، وان شاء الله تكونين طبيبة في المستوى .

[نان كيومي]

في السنة الاولى من دراستي صعدت للسنة الثانية بشق الانفس كيما يقولو بدعاوي الوالدين .... حكمني شوك وليت خايفة ملا قريت و كنت اجور ....واش درت ...نركز مليح مليح مليح في الدرس في هاذيك الحصة و نحاول نفهم و اكبر نقطة و اهمها و لي ناس قاع ما يديروهاش انهم ما يسقسوش .... وليت نسقسي على كل حاجة و الاساتذة كاين لي يفهمك عادي و كاين لي شوية يبهدل بصح هكاك وما حبستش
ثانيا ندير ملخصات .... ما نحفظش من الكايي ديراكت جامي حبسيها الا راكي يريها عاودي اكتبي من الزيرو باسكو هكاك تتغرس في راسك و تلقاي روحك شديي غير الاهم + ارسمي و لوني جامي تشدي غير في ستيلو زرق ولا كحل ...مقلمتي قاع الوان و ستيلوات من كل الالوان ... و خوذيها مني عن تجربة
ثالثا علمي روحك تقعدي تقابلي الورقة ولا الكاي ... ما تتكايش في الفراش و تقراي غلطة كبيرة لازم ديما بيرو ولا طابلة .... اقراي وحدك مام يكونو عندك صحاباتك قاريين اقراي وحدك من بعد سقسيهم اذا ما فهمتيش مور ما تكوني حاولتي وحدك ..... ديري في بالك بلي باش تقعدي قدام الكايي هي الحاجة الصعيبة سيفي على روحك تقعدي 5 دقايق مركزة و كي يخلاصو قولي 5 دقايق وحدوخرين مشي بزاف زعما انا م نقدرلهومش و كي يخلاصو زيدي قولي هكاك حتى تلقاي روحك قعدي مركزة سوايع و سوايع
اتفرجي الدروس في اليوتيوب وشوفي فيديوهات الشرح .... وديري رياضة ولو في الدار راح ترجعك ما تتفينينيش و ربي يكون معاك

[نان كيومي]

المشاركة الأصلية كتبت بواسطة nadineisraa

هل يمكم لطالب سنه2طب ان يغير الفرع خاصه مدرسه عليا اساتذه

اظن يمكن و تعيد للسنة الاولى .... لكن لماذا التراجع ....اذا بيك على الحفظ حتى في المدرسة العليا كاين الحفظ

[حفيدة دوستويفسكي]

المشاركة الأصلية كتبت بواسطة nadineisraa

هل يمكم لطالب سنه2طب ان يغير الفرع خاصه مدرسه عليا اساتذه

لماذا التغيير يا اختي ؟
انا مدرسة عليا علوم وكان حلمي الطب وياريت عاودت البكالوريا ودرتو .

["نور"]

اختي انا لا ادرس الطب*
و لكن ارا ان مشكلتك نفسية بالدرجة الاولى دائما ماتفكرين بتحسين نقاطك لاجل عائلتك ..و لوكان ماتفرحيهمش و لوكان متجيبيش و لوكان تدخلي راتراباج واش حيقولو . حاولي ديما تخمي بايجابية و تتفائلي .. اذا لا ميتود تع لقراية تاعك غالطة بدليها ... و صدقيني انتي طبيبة المستقبل النقاط مايهموش قد مايهم ادا هزيتي في رااسك و لا نو .. لانو معروف بلي كااين سابوتاااج في كليات الطب و معظم النطلاب* ينخفض مستواها* ... نتي في بلاست ماتخمي لازم نماجوري باه نفرح والديا خمي انك تقري و تفهمي اي حااجة قادرة نهار اخر تنقضي بيها حياة انسان* و ديري لي عليك و لباقي خليه على ربي ... انا شفتها من كنت نقرا كي كانو عايلتي يظغطو عليا باه نجيب معدل مليح مهما كنت حااافظة و مراااجعة من الخووووف منجيبش مي نهار خلاوني في حالي عدت نجيب نورمال لاني مكنتش sous stress< كنت نقرا و ندعي ربي يوفقني و خلاص .

[قطر الندى]

[quote=قطر الندى;3997582163],,,السلام عليكم ورحمة الله وبركاته ,

[قطر الندى]

[quote=قطر الندى;3997582163],,,السلام عليكم ورحمة الله وبركاته ,

نخخخخخخخخخخخخ