موضوع لنقاش ✍️ أنـا مع إلغاء #الولائـم فـي العزاء والجنائز ..

[محمد علي 12]

موضوع لنقاش ✍️
أنـا مع إلغاء #الولائـم فـي العزاء والجنائز ..
- ياعجابة رجل يفقد أمه أو أبيه أو أحد من عائلته وهوما في حزن كبير تلقاهم يجريو في الساعات الأولى من الوفات باه يديرو عشاء وغداء مدة ثلاث أيام أو أكثر .. ممكن حالتهم المادية متسمحش وتعب وحزن وممكن ضيق المنزل .... وتلقى المعزيين يجيو وياكلوا ويتقهواو ويشيخوا و عادي....
- على الأئمة التدخل وإلغاء هذه العادة . الصدقة للميت ليست بهذه الطريقة وليست في ذلك الوقت بالذات .

[محمد محمد.]

هذا مما لا مجال للرأي فيه لأنه من البدع المحدثة

[أم ميرال و آرال]

سلام
الائمة علاه يهدروا؟؟ قالك لمن تقرا زابورك يا داود
الناس تعرف و لكن قلة الإيمان و الزوخ يخليهم يتسابقوا في العشا
شكون يدير خير باش يهدروا عليهم مليح مور الموت او كاين لي مشي من باب الزوخ و انما ضعف شخصية و خوف من ردة فعل المحيطين بيهم يروحو يكلفوا رواحتيهم و يعشوا باش ما يهدروش عليهم من بعد.
من سنين زميلة عمل انتقلت لولاية أخرى و حكاتلي شي غريب شافتو عندهم
انو أهل المريض كي يشوفوه بلي لحق وقتو يشروا حوايج جدد او يبقاو يبدلو كي شغل عرس، بعد سنين لحقت عندنا هاذ الموضة ، ناس نعرفهم باباهم مرض بالسرطان في أيامه الأخيرة جابوا شخص نقالهم الحديقة و امراة نقاتلهم الدار او صبغوا شعوراتهم ...الخ وين يبان العشا
يعني من لخر القلوب قساحت و الناس ولات تافهة يحبوا المظاهر ز يهمهم يبانو قدام الناس