سأتزوج بثانية

[مشكلتي]

انا صاحب المشكلة التي تحمل عنوان ساتزوج بثانية
بصراحة اغضبتني جدا التعليقات كلكم معارضين زواجي البنت تعجبني وانا اعجبها انا استغل ظروفها نعرف فهي لوكان ماجاتش هكذا مراحش تقبلني عارف ولهذا نستغل ظروفها لاني نحب نديها صغيرة وهي ثاني تستغل جيبي
المهم ضركا راني ديسديت راح نتزوجها واخر همي مرتي وبنتي وواش راح يقوله عليا انا نعيش حياتي لفات مات مديتلهم حياتي لحد ضرك خلاص وضركا لازم نعيش لنفسي انا واش دخلني في مرتي اذا زعفت ؟ ولا رضات؟ المهم انا نرضي مرتي تزعف ترضي هذا شغلها هي علاه ماتحبوش تشوفه شخص فرحان؟

[حورية تو]

لماذا إذن وضعت منشور هنا تزوج بما أنك تريدأحتار في أمثالكم في البداية تقولون أنكم مقتدرون وتستطعون العدل و... ثم تقلبوها إلى مصلحتكم الخاصة ..أنت تستغل ضروفها وهي تستغل جيبك فأين الإعجاب هنا بل زواج نزوة ومصلحة...ولا تنسى النزوات تمضي و المصلحة تنتهي وتعود لتبحث عن رضى إبنتك في النهايةزواج هذا ولا خليني يا من تختبؤون وراء الدين وشرعلي ربي

[مراد سابقا10]

اعجبتني عبارة :

لاني نحب نديها صغيرة وهي ثاني تستغل جيبي

تفكيرك زيرو يا راجل كيفاش يعني انت تديها صغيرة وهي تستغل جيبك

روح ربي يهديك هذا ما نقولك .

[نبض قلبي]

عمبالك جامي قلتها لعبد و بلاك تحتسب حاجة موش مليحة ليا هنا في المنتدى
لكن مع كل احتراماتي ماراكش راجل بأتم معنى الكلمة
يبالي عايلتك هم لي راح يتهنو منك و من عقلية الاطفال لي عندك
وش يهمني في عايلتي؟ و تستغلني و نستغلها ؟
كاين واحد المثل يقول ماتسعظم مايخش فيك عظم
عظمة ربي فوق كلش و الظلم ظلمات ( ظلم عايلتك و ظلم للقاصر لي راح تتزوجها )

الدنيا هذي ماتدوم و كون جات دوم راهم خلدو لي قبلنا
الآخرة تروحلها بالفعايل يا الاخ
قادر عام عام شهر شهرين يوم يومين دقيقة دقيقتين ماتدري وكت الانسان مكتبلو ربي يغادر الدنيا هذي لي راح تبقى فيها مجرد ذكر و خيال
فخلي ريحة طيبة من وراك موش روح يا بابا ربي يشعلك في الدنيا قبل الآخرة

بلادنا وش هازة و الشيطان وش واعر

[pharmacie1801.]

هيا مليح ، على الاقل خرجت على حقيقتك ، دخلتها بالامام و الدين ،و كي تفضحت خرجتها ندير واش حبيت.
يا مسكين تكبر ما شئت فالله اكبر ، و اظلم ما شئت فالله اكبر، الارض لله و الملك لله ، غرتك تفسك و كما اقررت انك ظالم و لا يقدر عليك احد . فاسال الله في ايام الله هده ان ينتقم منك كما غرتك قوتك و يفقرك كما غرك مالك و يعجزك كما غرتك قدرتك و يذلك كما غرتك عزتك و يغني زوجتك عنك فانت لا تستحقها . قولوا امين.