مندي لذيذ وساهل

[afnan samir]

مندي دجاج لذيذ وساهل
المكونات
للدجاج
دجاجة مقطعة لنصين
2 ملعقة بهارات المندي
او البهارات السبعة
ملعقة كركم
زعفران
ملعقة ملون طعام
ربع كوب زيت نباتي
1 ملعقة شاي ملح

للأرز
2 كوب أرز
3 كوب ماء
1 حبة بصل
2 حبة طماطم
ربع كوب زيت نباتي
1 عود قرفة
4 قرنفل
4 حب هيل
1 لومي الليمون المجفف
وررق غار
2ملعقة ملح
الطريقة

نغسل الرز كويس وننقعه بماء دافي لمدة نص ساعه ( هنا استخدمت بسمتي ) ، وعلى الطنجرة نحط شوية زيت نحمس البصل لغاية مايشقر نحط القرفة عود وورق الغار والقرنفل والهيل واللومي وبعدين الطماطم ونقلبهم مع بعض واخر شيء نضيف الرز خمسه دقايق حتى تاخذ من نكهة البصل ونطفي النار ونصب فوقها ٣ اكواب ماء اوحتى يتغطى الرز بـ ١ او ٢ سانتي ( كل كوب رز منقوع ياخذ كوب ونص مويه ) ( وكل كوب رز ياخذ ملعقة ملح) ونذوق الملح اذا احتاج زياده زودو بعدين نغطيها بقصدير ونسويلها فتحات صغيره عشان عصارة الدجاج تنزل للرز ، نجيب الدجاجه المغسوله نبهرها البهارات (نخلط 2 ملعقة من بهار مشكل او بهار مندي ملعقة كركم وملح وملعقة من الزعفران المنقوع مع ملون طعام وملعقتين زيت ) نفرك كل الدجاج ونحطها فوق القصدير ونغطيها بطبقتين من القصدير وندخلها على فرن حرارة 203 درجه من تحت لمدة نص ساعة إلى 45 دقيقة ثم فكي الالمنيوم لتحمر كمان تثلت ساعة يعني ياخد الطبخ مابين ساعة الى ساعه ونص حسب حجم الدجاج لو كبيره تاخذ تقريباً من ساعه ونص إلى ساعه و٤٥ دقيقه ولو حجمها صغيره تأخذ ساعه وحده وانتو بعد مايمر الوقت ويبقى منه ١٠ دقايق طلعوها من الفرن وتاكدو ان الرز والدجاج اذا استوو وبس تتحمر طلعوها وحطوها فوق الدجاج وبخروها بشوية زيت وفحم وعلى طول غطوها لمدة خمس دقائق ، مره لذيذه والريحه طرب جربوها
واستمتعو بالطعم العربي الاصيل

[samia mimita]

مشكورة على الموضوع و الطبخة الرائعة