الباك رااح

Dhiaeddine Ben · 2019-06-20, 05:38

كانت الحالة ماشية فالعادي وكي لحقت ليوم خلاص الباك راح
الفيزيا 0 فالميكانيك وزيد الاهنزازات
الفلسفة حدث ولا حرج اهمية الفلسفة والحتمية هذا واش راني داخل نزيد نطل على البيولوجي وخلاص
تغيضك لي قريت العام كومبلي ممبعد علجال نهار يروح...

اسراء المعراج · 2019-06-20, 05:43

مام انا والله حالتي راهي كيفك تعبت بزاف مبعدا لحق وقت الصح لقيت روحي والو مي الحمد لله على كل حال
دير حاجة في بالك انو دوكا راك مخلط برك الوقت لي تتحطلك الورقة رح تتفكر كل شي ان شاء الله وبلاك ما يديرزش اهتزازات وميكانيك يديرو سقوط شاقولي برك روح طل عليه وهاي فرات ان شاء الله تدي نقطة ما كنتش تحلم بيها فرات

ربي يوفقك^^

اشعة الشمس · 2019-06-20, 05:49

هذا اليوم الاخير ونكملو ان شاء الله
الستراس برك راه حكمنا كامل ملقيناش كيفاه نريفيزيو
بصح قراية لعام كامل متروحش ان شاء الله
لا تستسلم اخي
درك تبدا جاوب تتفكر ان شاء الله متتحيرش
ولا الفلسفة ان شاء الله طيحلنا وحدة من لمقترحات وش حنديرو
البرنامج كبير بزاف
توكل على ربي وامض

~ قدس ~ · 2019-06-20, 05:51

بالنسبة لياا رااح من نهاار لول .. لا اهتزازات لا ميكانيك نو مقالة في الفلسفة نوو تحليل نص علوااش معملة الله اعلم ..

ياسين · 2019-06-20, 06:23

شوفو يا خاوتي ( الباك راح و راني مخدمتش ومنيش مريفيزي و ماني معول على حتى حاجة ) و هدرات كيما هك غير نحيوهم او غير توسويس
اذا كنت تخمم في المواد لي فتو و تقول مخدمتش وووو المواد هذوك انساهم ركز على لي بقاو
وزيد حاجة برك اي واحد فينا اذا الواحد فينا حط حاجة في راسو وامن بيها هذيك هي لي تجي اذا قلت الباك راح ومكش حاب تقنع بلي اك قادر راح يروح الباك صح
مالا شهد و استغفر و توكل على ربي و روح تعفب القرايا تاع عام كامل اي متروحش
وزيد نتا تقول بلي اني 0 في الميكانيك و الاهتزازات يخي نتا حليت قبل تمارين فيهم وفي ترتيب الاسئلة يخي يجي السؤال الاول ساهل و مبعد تبدا تصعاب الاسئلة حاول تحصيل اكبر عدد من النقاط
بالنسبة للفلسفة اذا كنت تعرف منهجية كتابة مقالة هذي ديجا عندها نقطة (4 مقدمة و 4خاتمة و 12 عرض (4الموقف الاول مع الحجج والامثلة او الاقوال الماثورة)4 الموقف الثاني (مع الحجج ...) 4 التركيب )هذا مثال على توزيع النقاط في المقالة الجدلية اذا مكنتش غلط
اعرف كيفاش برك تكتب
من الاخيـــــــــــــــــــــــــــــــــــــــــــــ ـر دير ثقة في نفسك و توكل على ربي
اسف اذا هدرت بزاف و لا طولت عليك (راح تقول وشبيه طفل هذا كتبللي محاضرة على 6 تع صباح هههههه)

بالتوفيق ربي يوفقكم

اسماء عاشقة فلسطين · 2019-06-20, 06:28

اقتباس:

المشاركة الأصلية كتبت بواسطة ياسين

شوفو يا خاوتي ( الباك راح و راني مخدمتش ومنيش مريفيزي و ماني معول على حتى حاجة ) و هدرات كيما هك غير نحيوهم او غير توسويس
اذا كنت تخمم في المواد لي فتو و تقول مخدمتش وووو المواد هذوك انساهم ركز على لي بقاو
وزيد حاجة برك اي واحد فينا اذا الواحد فينا حط حاجة في راسو وامن بيها هذيك هي لي تجي اذا قلت الباك راح ومكش حاب تقنع بلي اك قادر راح يروح الباك صح
مالا شهد و استغفر و توكل على ربي و روح تعفب القرايا تاع عام كامل اي متروحش
وزيد نتا تقول بلي اني 0 في الميكانيك و الاهتزازات يخي نتا حليت قبل تمارين فيهم وفي ترتيب الاسئلة يخي يجي السؤال الاول ساهل و مبعد تبدا تصعاب الاسئلة حاول تحصيل اكبر عدد من النقاط
بالنسبة للفلسفة اذا كنت تعرف منهجية كتابة مقالة هذي ديجا عندها نقطة (4 مقدمة و 4خاتمة و 12 عرض (4الموقف الاول مع الحجج والامثلة او الاقوال الماثورة)4 الموقف الثاني (مع الحجج ...) 4 التركيب )هذا مثال على توزيع النقاط في المقالة الجدلية اذا مكنتش غلط
اعرف كيفاش برك تكتب
من الاخيـــــــــــــــــــــــــــــــــــــــــــــ ـر دير ثقة في نفسك و توكل على ربي
اسف اذا هدرت بزاف و لا طولت عليك (راح تقول وشبيه طفل هذا كتبللي محاضرة على 6 تع صباح هههههه)

بالتوفيق ربي يوفقكم

اييييييييييه والله غير هدرتك صحيحة و في محلها لي فيه الخير يجيبه ربي و نضن راهم غادي يسهلو فيزيك بصح الا جا واااعر متجوش تعيروني هههههههههههههههه لانني اول مرة نحس بحاجة الفادة ربي يوفكم كاااااامل