التحضير البسيط لرمضان و ما بعد رمضان

[جهينة اليقين]

السلام عليكم والله ضحكتيني* ام هارون تاع بكري يعني ام البنين* هههههه وعلاش بدلتي اسمك*
الله يعينك انت وقرويجة بلعقل عليكم صحتكم اسبق ربي يوفق الجميع

[omharoun]

اهلا جهينة وهنا محمد ،بدلت اسمي ما حبتش تدخلي كلمة السر حتان بدلت كلش .
بالنسبة للشغل راني انقي بالشوية ونركز على الكوزينة والغرف شوية شوية وخلاص .

[رندة.]

صباح الخير عليكم جميعا
بارك الله فيك يا رويدة على هاذي المبادرة الطيبة لتحضيرات رمضان، نشكرك كثير لأنك جمعتينا من جديد بأحلى رفقة في هاذي اللمّة ان شاء الله ربي يجعلها في ميزان حسناتك، وعجبتني ياسر المقدمة إلي درتيها و تذكيرك لينا بأنو الدنيا هي جسر للآخرة.
ام هزار، جهينة اليقين، قرويجة، ام هاجر، ام البنين وهناء محمد ان شاء الله تكونو كامل بخير.

[omharoun]

اللهم ما أصبح بي من نعمة وبأحد من خلقك فمنك وحدك لاشريك لك فلك الحمد ولك الشكر .
صباح الخير فراشات ،انا اليوم من غير الروتين اليومي راح انظف جهة تحت البوتاجي .
يومكم موفق .

[crono]

السلام عليكم وصبحكم الله بكل خير
اللهم بك اصبحنا وبك امسيناوبك نحيا وبك نموت واليك النشور
بارك الله فيك اختي rowaida18على هده المبادرة الشجاعة اللي نحيك عليها
جا في وقتو بالاستعداد للشهر الفضيل.رانا بحاجة لموضوع
يجمعنا من جديد ونتشاركو فيه تحضيراتنا وتجاربنا اكيد باذن الله نحاول نتفاعل مع هذه اللمة الطيبة كلما سنحت لي الفرصة
فرحت كي لقيت الفراشات دخلو
التنظيفات مازال شوية راني كيما السلحفاااااااااااة
اول شيء نعملوه للاستعداد لشهر رمضان هو شد الهمة للعبادة وكسب الاجر الكبير في هذا الشهر
تثبيت الموضوع في انتظار التحاق بقية الفراااشااات نبداو نشاطناان شاء الله اختى أم شمسو تكون بخير
لي عودة لقراءة الموضوع
يوم موفق للجميع .

[ام هزار]

مساء الخير حبياتي الفراشات
تحية اليكن جميعا جهينة رويدة ام هاجر ام هارون و الله وايام توحشناك و ربي يسهلك انت و اختنا قريوجة بلاما ننسى هناء محمد و كل اللي ما زالو ما لتحقوش
انا كيفك يا ام هاجر مخليا المطبخ للاخير اليوم درت تنظيف عميق للغرفة الكبيرة اللي هيا في الوقت نفسه غرفة الاستقبال خرجت الافرشة اللي كانو تحت الاسرة و كدا المطارح و لغلافت للحوش باه يتهواو و يتسمشو و غسلت الحيوط و السقف و النافدة جيدا مع الباب و مسحت الغبرة ملييح بقالي غير نرجهعم لاماكنهم و باه نربح الوقت و الجهد درت للغدا بيري بطريقة سريعة و للامانة هدا وين رايحة نغسل ماعن الغدا لاني اخدت قيلولة قصيرة قبل العصر حسيت بطاريتي فرغت ههههه و ثاني ريحت ظهري شوي حكيتلكم يومي التنظيفي بالتفصيل باه تتحمسو و نواجهو مع بعضانا جميع العراقيل بادن الله
دمتم نشيطات

[bachir anber]

مشكوووووورات

[rowaida18]

المشاركة الأصلية كتبت بواسطة bachir anber

مشكوووووورات

و لا شكر على واجب

[rowaida18]

المطبخ

بدأت في تنظيف المطبخ لأنني سأحتاج إلى تنظيم الأواني و البهارات و التخلص من الأغراض التي لا أحتاجها ، كما سأستخرج لاحقا الأواني الخاصة بالشهر وأعيد غسلها و ترتيبها شيئا فشيئا ......و سأشتري الأغراض الظرورية مثل الأغراض التي تربحك الوقت ((سكين جديد ذو نوعية جيدة، مفرم للبصل جديد ، لوحة تقطيع ، منظمات للثلاجة. علب بلاستيكية للتخزين....................الخ أي كل ما يساعدك في ربح الوقت و ربح المكان في الرفوف و سهولة الوصول إليها..

و نظفت الثلاجة و المجمد و بدأت في الترتيب






و فيك بارك أختي هناء محمد و ربي يوفقنا جميعا و يجمع شملنا كيما زمان و نتعاون على الخير باذن الله.

أختي أم هارون مرحبا بيك في لمتنا و ربي يسلكك على خير ان شاء الله...و ننصحك كيما نصحت أختنا قرويجة و ان شاء الله تفيدك.......و بالشوية حتى تخلصو ، و ان شاء الله ربي يهدينا لما فيه الخير.


و المهم أخواتي هو أن نتعامل مع هذا التحضير ببساطة لأنه وسيلة لهدف أسمى و أهم كما ذكرت في المقدمة و هو أننا نحاول أن نستعد لشهر رمضان المبارك كل أخت حسب قدرتها و ذالك لربح الوقت و جو نظيف......و هذا لا يعني أن الأخت التي لم تكمل التحظير المادي لا يمكنها أن تتمتع بصيامه كالأخريات .............
بل تبذل ما في وسعها دون أن تهمل أهم تحظير وهو مراجعة فقه العبادات من فقه الوضوء و فقه الصلاة و الصوم حتى تؤديها على الوجه الصحيح الذي يرضي الله تعالى و يكون بهذا رمضان بداية لاصلاح عبادتنا و التي هي عماد ديننا .....

[rowaida18]

و فيك بارك أختي رندة ....مرحبا بيك معانا ....و ربي يعيننا و نقدمو أفضل ما عندنا إن شاء الله ..

أم هزاز و أم هارون ربي يعينكم في تنظيفاتكم و أذكركم و نفسي باحتساب الأجر عند الله عند الشروع بأي عمل ...ثم الاستغفار أو الصلاة على النبي صلى الله عليه و سلم أو سماع درس مفيد يعينني على تعلم ديني أو يذكرني بالآخرة أو سماع القرآن باستعمال السماعات .......و هذه الطريقة استعملها كثيرا .......لأن أوقات التنظيف و الغسيل و الطبخ تكون غالبا بالساعات ....و نكونو وحدنا فتضيع هذه الأوقات الثمينة بدون فائدة..........و والله استفدت كثيرا بهذه الطريقة ....(ما عدا بيت الخلاء إذا قمت بتنظيفه أطفئ الجهاز أو أبدأبه ثم أضعه و أكمل التنظيف مع السماع) .هكذا نكونو قمنا بواجب التنظيف و نأخذ الثواب و المحبة من عند الله.

[جهينة اليقين]

اهلا فراشات شكرا رويدة راكي تحمسينا والله راني عياااانة لان راه عندي ضغوطات هذه الايام راني تعاون فالعائلة الكبيرة عندهم شوية اشغال وبالتالي انعكس على مردودي في بيتي
لكن هذا ما يمنعش اليوم غسلت القمح وراه ييبس باش ندير الخبز الكامل في رمضان ان شاء الله
والامس مسحت ليزيليمون بخلطة الكريستو والخل والازيس ودقيت الكركم في المهراز ومن بعد كملتو فالرحيوة لانو هو اصعب تابل عندي ومرة على مرة نرحي حاجة اخرى
وراني نطلب من الله العون اللهم بلغنا رمضان وبارك لنا في شعبان

[ام هزار]

[COLOR="DarkOrchid"]اهلا بجميع الفارشات المثابرات كرونو ام هارون رويدة رندة قريوجة هناء محمد ام هاجر جهينة و اللي نستها تسمحلي
كيما تعرفو عطلة نهاية الاسبوع ما فيها والو المهم خططت فيها كالعادة و كيما يقول اسلوب الفراشة
و انا معاك يا رويدة حول موضوع استغلال الوقت التنظيفي في سماع برامج مفيدة لخدمتنا و بالتالي خدمة ديننا الحنيف
حاليا راني نعمل بهدا المبدا و راني مع محاضرات الدكتور مصطفى ابو سعد حول تربية الابناء و العلاقات الاسرية و باه نكون دقيقة راني مركزة على نفسي و سلامها الداخلي من اجل تحقيق التوازن الاصري المنشوود
اكتشفت الحجم الكارثي لظلمي لنفسي دون مبالغة و كيف اني سلبتها حقوقها بدافع التضحية و لمن اردات التعمق في الامر ما عليها سوى الدخول الى برنامج كما ربياني و برامج اخرى دات صلة بالموضوع
و ختاما اوجه نداء قوي و عميق جدا لاختنا الراااااائعة ام شمسو الراقية للالتحاق بركبنا و حقيقة وجودها مكسب عظيم للدورة بارك الله فيكن جميعا/COLOR]

[اكرام براءة]

بارك الله فيك أختي رويدة
بلغنا الله و إياكن الشهر الفضيل
و أعاننا على الصيام و القيام

[rowaida18]

السلام عليكم و رحمة الله أخواتي ،

كيف حالكن ....ان شاء الله نشيطات و مقبلات لما فيه خيري الدنيا و الآخرة .........

أختي جهينة اليقين ان شاء الله ربي يعينك و رانا كامل في هذه الفترة تعبانين لاكن لازم نعملو و لو بالقليل المهم ما نتخلاوش عن العمل ....

أختي أم هزاز أنت على حق في ما يخص أسلوب الفراشة ساعدنا كثيرا و أحدث تغييرا ملموسا في حياتنا اليومية...... و فكرة استغلال وقت التنظيف في سماع دروس أو قرآن فكرة رائعة و أرجو أن تستفيد منها الأخوات........

و فيك بارك أختي اكرام براءة و مرحبا بيك في لمتنا و ان شاء الله ربي يباركلنا فيها آآآآآآآآآآآآآآآآآآآآآميييييييييييييييين

بالنسبة ليا راني قمت بشراء البهارات حبوب و سأقوم بتنظيفها و رحييها إلا الكركم اشتريته مرحي لأني ساكنة في عمارة و لا أريد ازعاج الجيران....و بالنسبة للمطبخ راني سايرة معاه بالعقل لأن البلاكارات حكمولي وقت كبير و أن شاء الله ربي يعيينا ...
و في نفس الوقت راني نحضرلكم في موضوع التجميد و غير نكملو ننزلو في الصفحة الأولى ان شاء الله ..

[OM DHOHA ANES]

السلام عليكم ورحمة الله وبركاته
بادئا ببدأ أشكر أخيتي رويده على هذه المبادرة وفتحها هذا الفضاء الهادف لتبادل الآراء وتقاسم التنظيمات بين الأخوات, فبارك الله فيك غاليتي وجعله الله في ميزان حسناتك.
ثم بعد ذلك أشكر أختي أم هزار على دعوتي إلى هذا القسم الذي لم أكن أمر عليه....
اما بالنسبه لتحضيراتي راني نمشي بالشويه, أولا بديت بالثلاجة اشتريت منظمات رائعه نظمتلي الثلاجه (كيما تقولي لوستي ثلاجتك تبان خزانه هههه) وغسلت المجمد, خدمت كميه كبيره من مركز الليمون,وجففت بواقي الخبز ورحيتو.
أما فيما يخص البهارات شريت شوي ومازال شوي .
وأيضا نضمت خزانتي ومازال شوي أمور كل مره حويجة حتى نكمل بإذن الله.