ماقدرتش ننساها

[مشكلتي]

السلام عليكم
أنا شاب متزوج حديثا من فتاة دامت بيني و بينها علاقة لمدة عام, مشكلتي قبل ما نتزوج كنت نحب بنت خالتي و خطبتها مرتين , مرة من يماها كي كانت تعقب الباك و مرة من خوها كي طلعت للجامعة, وقتها حاولت نتواصل معاها على انفراد بصح ماحبتش و غلقت كل الطرق في وجهي يعني ماخلاتلي حتى امل بش نزيد نصبر عليها, من غضبي وليت نتصرف تصرفات غريبة غير باش نبينلها بلي صاي خرجت من راسي و مانيش سامع بيها بصح ماكنت نسمع والو من جيهتها و لقيت بلي هي لي مش سامعة بيا و مش مهتمة أصلا بالموضوع . قلت بلاك عندها واحد في حياتها و بديت نراقبها و نعسها من تخرج للدار حتى ترجع و جبت تلفونها و فيسبوكها و شفت مع من تحكي لقيتها ملتزمة مليون في المية وخاطيها كلش...كنت معول نعاود نخطبها بصح كرامتي ماخلاتنيش خفت تزيد ترفضني مالا قررت نكمل حياتي و نشوف طفلة اخرى و تعرفت على بنت من العايلة و تعلقنا ببعض و تزوجنا ... . البارح كنت مع خوها و فتحنا موضوعها فجأة و سقسيتو علاه ختو رفضتني خاصة انها مازالت ترفض كل الخطاب لي يجيوها. قالي خطبتها في وقت ماكانتش مستعدة تتزوج و كانت تقرا و هي طفلة تحب قرايتها بزاف. و حاليا راهي توجد للدكتورا تاعها ....روحت للدار مقلق و وزنت كلامو في راسي لقيت بلي أنا زربت روحي و تزوجت و خليت الطفلة لي خاطيها و رحت تزوجت بنت كنت مصاحبها و بديت ندخل في مقارنات هذي قارية لخرا ماشي قارية هاذي تصاحب لخرا ماتصاحبش هذي هك لخرا هك ....... و ماتهنيش حتى رحتلها للجامعة بش نحكي معاها...كي شافتني تجاهلتني ماحبتش تحكي معايا بصح أصريت عليها و قلتلها تجاوبني برك علاه رفضتني؟ قاتلي عيب تفتح سوجي هذاا و نتا متزوج و بلي السبب مهما كان فات وقتو و الخلاصة ماكانش مكتوب و راحت.

فات شهر على هاذ الهدرة و من يومها مانيش في حوالي. حاس روحي وليت حابها كثر من لول و ندمت بزاف لي تزوجت و ماصبرتش عليها كثر باسكو تستاهل نصبر عليها . قولولي وش ندير و أنا عارف مليار بالمية بلي مستحيل تقبل تكون زوجة ثانية و مستحيل حتى تقبل بيا لوكان نطلق مرتي. رايح نهبل

[مراد سابقا10]

أنت راك تخون في زوجتك بهذه الطريقة تصور لوكان زوجتك تخونك مع شخص اخر بنفس الطريقة هل ترضى ؟؟؟؟؟؟؟؟؟

[ALHIKMA]

الرجل يعاني والبعض يحكيو على الخيانة
على كل حال اعطيك حلا خااااارقا للعادة
طبقه ولا تقل انه ليس له علاقة بمعاناتك
اسمع جيدا
اكثر من الصلاة والسلام على النبي صلى الله عليه وسلم
اذا قدرت ليس اقل من 500 مرة في اليوم
ستجد راحة في صدرك لااااااااا مثيل لها
ستشعر ان شوكة نزعت من صدرك..
جربها ارجوك

[ماري نت]

السلام عليكم ورحمة الله وبركاته ، نقولك حاجة أنت مازلت متعلق بيها صح ولكن كي زدت هدرت معاها ورجعاتك ورفضاتك زدت تعلقت بيها أكثر وتمسكت بيها أكثر وأكثر لدرجة الهبال ،كاين ناس بزاف هكذا ، ربي يحسن عونك حاول تبعد عليها لأنه لا يوجد أمل وماهيش هي مكتوبك

[بـــيِسَة]

سلام

ما بك اخي ما بك راك تهدر نورمال
لا ماكش نورمال
راك متزوج افهم وراني نشوف فيك راك تشوف في رايها هي برك
لوكان تقلها تكون الزوجة 2 و راي مرتك وين راه
صايي راك متزوج انيااااااااها خلاص راهي عندك حياتك الخاصة مع مرتك
حاااااااااااااول تنساها نقلك اهدر مع مرتك بكثرة و التا بعائلتك يااا حرام اعليك الا
زدت حكيت معااااااااااهااااااااااااااا خليك منها اوكي

و ربي يهديك

[أثر]

السلام عليكم ورحمة الله وبركاته
الواضح من قصتك انت بنت خالك او خالتك لها طموحات اخرى غير الزواج
لانها ببساطة كانت قادرة ترسل لك عبارة مفادها نكمل قرايتي هذا هو شرطي
وتحلي لك الكرة في ملعبك
لكنها اغلقت كل الطرق وحابة تقول ان الزواج لايهمها
شخص موش دايرك في حسابه لاداعي كي تلوم نفسك وتقول انك تسرعت
بالعكس راك أسست عايلة وباذن الله تجيب أطفال عما قريب
وتبقى هذيك البنت موش من مكتوبك
فالتفت الى زوجتك اخي الكريم فهي أحق أن تهتم بها
واذا صح فيها الف عيب فحاول معها تصلح نفسها
البنت عادة دير علاقات فقط باه تتزوج ونهار تتزوج تهني روحها
لايعني هذا اني أحلل هاته العلاقات قبل الزواج حاشا
ولكن كل وحدة ووازعها الديني وكل وحدة وكيف تخمم
ونعرف بنات ياسر بعد الزواج تابوا وندموا على ما فات
ربي يهنيك

[kacimo.samy]

السلام عليكم
راك راجل ودير قدر لروحك

في بداية رفضاتك و انت تجري خلفها وانت الان مازلت

بالاك هي حابة تتزوج واحد دكتور ولا واحد منيش عرف كيفاه داير

على اقل قدر وقيم لي قبلت بيك و عطاتك قلبها وكلش بدون لف ولا دوران ولي هي زوجتك نورمالمو تحطها في عينك

[ابو سليمان10]

الفتاه التي تجعل من الدراسة فوق كل شىء صدقني ستعاني معها carriériste
هذا النوع لا يصلح كزوجة يصلح كزميل عمل و فقط

كما انها رفضتك ...المفروض من المحاولة الاولى تبحث عن اخرى ..انما يبكي على الحب النساء

[عبدالله-04]

السلام عليكم ورحمة الله تعالى وبركاته
فالحقيقة لست متعودا على التعليق في منتديات الجلفة واخر تعليق لي كان منذ عامين تقريبا ولكن بعد ان قرات موضوعك اردت بشدة ان اعطي رايي فيه كيف لا وقد شربت من نفس الكاس ونفس السيناريو تقريبا فانا قصتي مع بنت عمي التي احببتها منذ الصغر وتقدمت لها عدة مرات فكل عائلتها موافقة وعائلتي ايضا الا هي كانت رافضة جملة وتفصيلا وكم كان ذلك صعبا علي وكنت احس بالمه في جسدي ولم تفارق مخيلتي ابدا ففي كل لحظة افكر كنت افكر فيها وان حياتي بدونها ليست حياة ...
لن اطيل عليك الامر ولن اكذب عليك ان قلت لك انني الان لو بقيت هي فقط فالدنيا فلن اتزوجها واصبح حبي لها كرها ونفورا وحتى هي اصبحت تعرف ذلك
كيف حدث التحول بكل بساطة هي ما شي مكتوبك والله شافلك فيها الخير كي ماربطكش بيها واقول لك انها مهما كانت تعجبك وحتى لو تزوجتها فسياتي يوم تكرهها فهذه سنة الحياة ...
انت جعلك الشيطان تفكر في مزاياها وغطى عليك عيوبها وهذا فخ لتدمير اسرتك التي بنيتها مع زوجتك التي لاذنب لها في اي شيء
تذكر ان نفس ماتملك هذه الفتاة تلكه زوجتك ولا فرق بينهما
اذا حدث وتذكرتها فتذكر عيوبها قبل مزاياها وحاول بكل الطرق ان تتحاشاها وان شات ان ترحل فارحل وعش مع زوجتك واحبها ودع الاخرى فهي ماتستاهلكش فالله شافلك الخير كي بعدك عليها كيما بينلي ربي انا كي بعدني على لي خطبتها
عليك ان تنجب اطفالا فهم من يطرحون الود و ضع خطة انه كلما تذكرتها فستستغفر الله الف مرة وتصلي ركعتين كفارة على ذلك وسترى الشيطان يصبح هو من ينسيك الامر
والله يحسن العون ان شاء الله

[زبدة ذايبة]

انت حبيت تحبب روحك فيها بالسيف عليك.

حكاية راحت وماتت ماعندها حتى معنى

والبنت هذي ماتفكرش فيك نهائيا

رفضاتك وهي صغيرة

ورفضاتك وهي كبيرة


حتى مجرد أنها توقف وتهدر معاك حتى بحكم العلاقة الأسرية

ما دارتهاش اللهم بعد إلحاحك عليها.

لهذا ريح مابتنيش حكايات من وهم

راك متزوج وعندك زوجة

إنتهى

ربما كل مافي الأمر أنك تحاول الثأر لكرامتك

من خلال إيهام نفسك بأنك تحبها.

وكأن عدم زواجها فتح لك باب الأمل من جديد.


مع أن كل المؤشرات تدل على أنها لاتريدك

خاصة أنك متزوج

وانت عازب وهي في المراهقة ماقبلتش بيك

فمابالك بعد أن صارت أنضج وقطعت شوطا كبيرا في الدراسة

وصارت عندك زوجة.

ماكاين حتى نسبة تدل على أنها تريدك

حط عقلك في راسك

هي لاتريدك

ولا تحبك

أنت مجرد قريب ليها فقط.

حافظ على بيتك

رب يهديك

[fella111]

دون ان تتعب نفسك ما طلع ما تهبط مام انتظرتها تكمل قرايتها ما كانتش حتقبل بيك باينة الطفلة عندها طموح و كيما قالولك هي ممكن تحوس على دكتور او .................اعرف النوعية هاذي من الفتيات اعذرني على الصراحة الزايدة تحججت برك بالدراسة باش ما تجرحش كان ممكن تقولك استناني ..التفت لحياتك و لزوجتك

[Ninocha]

انا نظن راك دور وحدك فهاذ لحكاية وطفلة موش سامعه بيك من لول وبلاك مراهيش تتفكرك لوكان متفكرتهاش انت استغفر مولاد وارجع لمرتك ونحي توسويس من راسك ومتزيدش تغلط وتقارن بيناتهم باسكو تكمل هاك تخسر حتى مرتك وترجع فزوج ندامات*

[نجاة^^]

السلام عليكم**
نعلم انه شيء صعب فالتعلق من أصعب الإبتلاءات ،لكنه ليس مستحيلا أن تنس ،ولله الحمد فالدنيا مليئة بالأمور هذا ينسيك في الآخر ،عش حياتك ولا تلتفت أبدا أبدا خلفك لانه ما فات فقد مات ،فالحياه قصيرة ولا أحد منا يعلم متى يسفنى وتنتهي مدة صلاحيته لذا أنصحك أن تستغل كل لحظة من حياتك و مع زوجتك الحالية لا تدري علها تعينك في دينك ودنياك والمثل يقول*اللي خطيك يعييك* لا تحصر نظرتك وسعادتك الا في هذه الفتاة ،املء أوقاتك ولا تدع الشيطان يزعزع كيانك ،وليكن هدفك دائما نيل مرضاة الله والجنة ستعيش مرتاح البال طول حياتك،،
أعانك الله أخي

[محارب الحمق]

كما قال أحد المشاركين: التي تجعل دراستها فوق كل اعتبار لاتصلح زوجة في الغالب وستكرها عشرتها مع مرور الوقت. خللي عندك كرامة وعزة نفس أنا كون ترفضني وحدة منزيدش نشوف توايلها

[رندة.]

أنت راك عارف ومتأكد بلي الفتاة هاذي ماهيش ليك خاصة أنك تقول بلي مستحيل تقبل تكون زوجة ثانية ولا راح تقبل بيك حتى لو طلقت زوجتك، معناها هنّي راسك ونحيّها من بالك، التفت للزوجة تاعك وما تخليش الشيطان يوسوسلك أكثر ويخربلك دارك ويشتتلك تفكيرك، ربي يفرّج عليك ان شاء الله.