ألغاز شعبية جزائرية - الصفحة 2

fifiarch · 2011-12-25, 17:44

16يعني الدلاعة
4يعني النار
5يعني العضمة
8يعني اللسان
10يعني الرصاصة
ماعابليش صحيحة ولا لا
المهم حاولت فيهم

نهاد23 · 2012-02-02, 22:19

اذنه *الظل * يا اخي

mimimimo · 2013-01-02, 15:57

هي تجري وانا نجري هي الطريق

amel_26 · 2013-01-03, 11:59

السلام عليكم
ألغاز شعبية جزائرية والله على ليعرف يحلها:
1_ هاو هاو ما ينشاف......البرق
2_سردوا بردوا جاو في حفرة ورقدوا.......الاموات
3_ حاجة ماتشتيش تلبسها وكي تلبسها ما تشوفهاش........الكفن
4_ حاجة توكل كلش وكي تشرب تموت.......النار
5_حاجة سائلة كي تسخن تتصلب........البيض
6_كي نجبد لحبل يطرطق لجبل.......ماعرفتوش
7_جدي فوق الصور يضرب فالطنبور.......ماعرفتوش
8_نبتة في الغار ما تيبس ما تصفار......اللسان
9_جدة في الغار تبيع لفلفل لولاد صغار........ماعرفتوش
10_ طير بلا جنحين و تاكل اللحم بلا سنين.......ربما الرصاصة
11_أيض رفروف يشرب الماء كالخروف......الاسفنجة
12_داير كي الخبزة وجلدوا من معزة.......الطبول
13_ في راسو تاج بصح ماهوش سلطان يعرف الوقت بصح ما هوش رافاي......الديك طبعا
14_جيت نصرعوا صرعني......النعاس
15_من فوق لوح ومن تحت لوح و فالنص روح.......الفكرون
16_ سماءها خضراء سكانها عبيد مفتاحها من حديد......الدلاعة

بلقاسم مسعود · 2013-04-16, 20:33

السلام عليكم

انا نحب نعطيكم لغز :

فيه حرف ك والكتان يلمه راسو فالسماء وعينيه في كرش امه

ب.علي · 2013-04-17, 00:08

اقتباس:

المشاركة الأصلية كتبت بواسطة chicou

هي تجري وانا نجري .

وااش هي

أعتقد هي الطريق

سيلا98 · 2013-06-15, 16:43

15/السلحفاة
16/الدلاع

ريتاج سوف · 2014-03-27, 21:28

1_ هاو هاو ما ينشاف **الرعد و البرق** 2_سردوا بردوا جاو في حفرة ورقدوا **الاموات 3_ حاجة ماتشتيش تلبسها وكي تلبسها ما تشوفهاش **الكفن 4_ حاجة تاكل كلش وكي تشرب تموت **النار 5_حاجة سائلة كي تسخن تتصلب **البيض 6_كي نجبد لحبل يطرطق لجبل7 **القنبلة** _7_جدي فوق الصور يضرب فالطنبور **السيجارة** 8_نبتة في الغار ما تيبس ما تصفار **اللسان** 9_جدة في الغار تبيع لفلفل لولاد صغار **العقرب** 10_ تطير بلا جنحين و تاكل اللحم بلا سنين **الرصاص** 11_أيض رفروف يشرب الماء كالخروف **العجينة** 12_داير كي الخبزة وجلدوا من معزة **البندير (الطبل)** 13_ في راسو تاج بصح ماهوش سلطان يعرف الوقت بصح ما هوش رافاي **الديك** 14_جيت نصرعوا صرعني **النعاس** 15_من فوق لوح ومن تحت لوح و فالنص روح **السلحفاة** 16_ سماءها خضراء سكانها عبيد مفتاحها من حديد **البطيخ الخضر(الدلاع)** أتمنى أن تكون الإجابات صحيحة