راني موالف وحدي

[فاطمة شلف]

راني موالف وحدي وربما خيرة فيه
القلب اذا نجرح واش يداويه
باه نصبر محال قلبي نكذب ونلهيه
كلما نقول ينقص يزيد الضر بيه
نبات نخمم وهمي ماغير يما تعنيه
تقدم سني والقطار جاز من لهيه
قلت نشكي همي لميمتي بلاك تنسيه
اذا ماسمعت شكوتي واش فيه
من حنانتك لا تحرميني وحهك لاتصديه
هذا حق من الحقوق واجب عليك تلبيه
راني موالف وحدي وربما خيرة فيه
القلب اذا نجرح واش يداويه
الدنيا مع الواقف سعد اللي راضت عليه
واحد تعطيلو والاخر تحت قدمها ترميه
اسمك غالي ياميمتي وخط احمر عليه
مانغلط فيك مايجي نهار ونندم عليه
مهما غلطتي الحطا شعندي فيه
انا ابنتك الخطا ما نحاسبك عليه
تبقي ميمتي وقلبك انا ديما نشتيه
نطلب ربي عطش المحنة انت اللي ترويه
بقلم فاطمة شلف

[Ali Harmal]

نعم خيتي القارىء للمقطوعة الشعرية يشعر بانك تكلمية وجها لوجة .... عظيم خيتي .

[بسمة ღ]

شعر جميل
مؤثر كثيرااا
كالعادة متالقة اختي الغالية
ربي يحفظك ان شاء الله

[فاطمة شلف]

المشاركة الأصلية كتبت بواسطة ali harmal

نعم خيتي القارىء للمقطوعة الشعرية يشعر بانك تكلمية وجها لوجة .... عظيم خيتي .

شكرا لك اخي الكريم على المرور
راني موالف وحدي وربما خير فيه بسبب انقطاع الناس
من كثرة المشاكل ابقى وحدي احسن من المخالطة
بارك الله فيك اخي الكريم

[فاطمة شلف]

المشاركة الأصلية كتبت بواسطة نسمةُ الصَفاء

شعر جميل
مؤثر كثيرااا
كالعادة متالقة اختي الغالية
ربي يحفظك ان شاء الله

شكرا لك حبيبتي الغالية على المرور الطيب والرائع
كم هو جميل عندما يكتب الانسان ويجد من يقرا له من يشجعه
بورك فيك الرحمان حبيبتي الطيبة
ولك بالمثل اخيتي
سلام