واش رأيكم ......

[مشكلتي]

أنا شاب و منذ مدة تعرفت على بنت حكينا مع بعض و من بعد شفتها
مع مرور الوقت عجبتني خطراكش وقفت معايا شحال من مرة في ظروفي صارحتها بإعجابي رفضت فالأول و من بعد قبلت و أنا اخبرتها بلي حاب نكمل معاها حياتي يعني نطلبها فالحلال قبلت بكل ظروفي و و و بصح بعد مدة قالتلي بلي ما عندها حتى إحساس إتجاهي و قلبها ميت و هي كانت تبينلي العكس دايما معايا فالهاتف و تتقلق نهار ماتشوفنيش....... أنا صرحة تفاجأت و غاضتني و قطعت علاقتي بيها...... يعني حتى فالحلال الواحد مش حاكمة معاه أعطوني رأيكم بصراحة لأني مازال ما فهمت والو كيما يقولو قعدت بلا راس
ملاحظة للمسؤلين هنا طرحت شحال من موضوع هنا و لم يتم نشره لا اعرف السبب

[هـــدوء]

وشمن حلال يا راجل .
عرفتو بعض حتى شبعتو من بعض و ملت البنت.
البنت عاشت جو قصص الحب و خلصت .
وصل وقت الصح لي هو الزواج و التعايش مع ظروفك لي تبان صعبة .
لقات بلي الحالة ماتخرجهاش الطفلة شبعت حب و حان دور المصالح الأخرى لي ظروفك ممكن تكون عائق في تحقيقها.
بدل ما تضيع وقتك مع البنات على شكون تقبل ظروفك و شكون ما تقبلش
حاول تحسن من ظروفك الصعبة هذي بش ترفع نسبة قبولك نهار تحوس على لحلال.

[toulay]

السلام عليكم
نصيحة اخطيك من حكايات التلفون لانهم يجيبوا غير المشاكل و en plus تولي صماطة وبعدها تولوا تحكوا في حوايج تافهة ماعندها حتى معنى
من الاحسن مين صارحتيها بلي عجبتك وناوي الحلال وهي قلبت كون حطيتيها فالامر الواقع ورحتي طلبتيها رسمي مشي تبقاو بالاعوام حتى تكرهوا من بعض
كيما يقولوا السوريين دق الحديد وهو حامي يعني كانت عاجبتك وانت عجبتيها كون رحتي خطبتيها وفرات
l'essentiel اعتبرها تجربة تعلمتي منها الدرس باش متزيدش تغلط
بالتوفيق

[مسرورة بحياتي]

كانت تجيب بيك في الوقت.

[بناتي نور العين]

لا حول ولا قوة الا بالله

الله يهديك و يهديها

حرام تتكلمو فالهاتف

بدون ما تغضب من كلامي هذا رأيي

و انصحك بعدم العودة الى هذا الفعل

اسئل الله ان يرزقك زوجة صالحة ( صالحة ! تأمل مليح في الكلمة )

بالتوفيق

[محارب الحمق]

عن أي حلال تتحدث؟ أنت أردت بناء أسرة على أساس متداع. لا أنت تصلح حاليا للزواج ولا هي. عليك أن تتوب الى الله من علاقتك بها وأن تقطع علاقتك بها نهائيا. قصص الحب والهيام الهاتفية والفايسبوكية لا تبني البيوت. روح صحح علاقتك مع المولى وروح استرزق وحسن من وضعك المعيشي وممبعد خمم في الزواج.

[ابو سليمان10]

حلال!!!!!!
تقيم علاقة مع اجنبية و تتقلك عليك كماتجبش و حلال...هذا هو الحرام بعينه
و الحرام يجيب الحرام ..هذا العلاقات كلها كذب في كذب