احس انني في دوامة

[مشكلتي]

ارجوكم قدموا لي نصيحة بدون تجريح او حتى دعاء في ضهر الغيب فانا في دوامة لايعلم بيها الا الله مشكلتي انني منذ صغري كنت متعلقة باختي الكبرى جدا فكنت الجاء اليها في كل شيء عند تخرجي من الجامعة كنت ارفض تماما فكرت زواجي قبل اختي الكبرى بالرغم من تقدم لي الكثير من الخطاب فانا في كل مرة كنت ارفض بدون تفكير كنت مع واحد هو يحبني وانا ايضا كان دائما يطلب منى ان اتقدم الى اهلي لكن كنت ارفض بحجة انو اختى لم تتزوج بعد فانا كنت حتى نخاف نقولها بلي راح حاب يتقدملي مرة كلمها وقالها راني حاب نخطب اختك فالمساء قاتلي بلهجة غضب فقلتلتلها مانيش راح نقبل بعد عام اصر انو يجي يخطب والا نتفارقو ولانو بالنسبة ليا ليس كباقي لي خطبوني ومحبيتش نخسروا بديت نبكي وقلت لاختى كنت خايفة من ردت فعلها تمت خطوبتي بسرية تامة كانو ارتكبت جريمة باش لااحد يسمع انى تخطبت وكان خطيبي كل مرة يسالنى عن لعرس كنت ناخر انو حتى تتزوج اختى وامي اكيد منصحتنيش ولخقيقة اهلو حاولو ميدخلوش لكن بعد عامين بدات مشاكل تضهر ودائما نقاشات لكن دائما نحاول نتنازل لانو انا سبب تاخير زواجنا جاء نصيب ااختى وتزوجت الحمد لله لكن انا كنت غرقت في مشاكل وشجارات روتين قبل حتى الزواج ومعرفتش نتصرف كل شؤء تغير عليا واي مشكل يعاتبني خطيبي انو انا سبب كل هادا واختى لم تعد حتى تهتم او تسال عنى وتحاول دائما تخبي امورها وحتى تتفادا انو تستقبلني فبيتها لانها متحبش تسمع مشاكلي في بيتها وكل مرة نحس انها تتفادى حتى ذهابي لبيتها بالرغم اننى بامس لحاجة للدعم في هذه الفترة وخطيبي حسيت انو معاملتو تغيرت ومولاش متحمس كما الاول لكن نحاول نصبر لانو انا السبب بالرغم انو نيتي كانت حسنة وكل مرة نحددو موعد وفاف كانو الف حاجة تعيقنا وميتمش ونحس روخي انى دخلت في دوامة مشاكل وروتين حتى قبل الزواج معرفتش حتى نتصرف حتى معاملة اهلو لي كانت جيدة معايا الان تغيرت تماما والله راني فحيرة وصدقوني كل مانقرروا نحددوا موعد زفاف كانو الف عائق انصحوني بدون تجريح

[هـــدوء]

لازم تتعلمي ديري قيمة لعمرك و قيمة للناس لي يستاهلو يتقيمو .
راجل بغى يخطبك بالحلال أجلتي الموضوع و بقيتو في علاقة على جال زعما بش ماتقلقش ختك لي ماعندو ما دخلها أصلا في الموضوع.
بطريقتك هاذي ختك طلعتيلها الشان ولات تحسب روحها بالفعل حاجة و بالفعل رايها مهم و السيد قلقتيه و ضيعتيلو وقتو بحجج واهية
.و نتي ما ربحتي فيها والو رجعتي ختك فرعون عليك و خطيبك كره منك .
السيد مشكور لي تحملك الفترة هاذي كل و مايتلامش كي كره منك بل أنا مستغربة كيفاش مازال خاطبك ؟!
ضك لازم ترتبي أوليوياتك و تحطي قيمة لنفسك و تحطي قيمة للراجل لي ضيع وقتو و وقت عايلتو و جابهم و كسر راسو
بش يخطبك بالحلال و عول يدير معاك دار و عايلة و و نتي مازلتي لاصقة في ختك لي راحت زوجت و تليكيدي فيك و عايشة حياتها.
بالفعل القط يحب خناقو!!؟

[زبدة ذايبة]

حاولي تلمي وش كسرتي.

وتسترجعي وش خسرتي

عامل الزمن مهم جدا.

كان زوجك متلهف وقتلتيه بالبرود تاعك.

وربطتي نفسك بأختك. ولازلتي مرتبطة بها.

لو كان تفتحلك الباب تعاودي ترجعي كيما كنت.

ديري جهدك تستقلي بنفسك وبتفكيرك.

يكون عندك رأي خاص وحياة خاصة.

بهذ الطريقة اللي راكي عليها حتى وإن تم زواجك ماراهوش رايح ينجح.

حياة فوضوية لأبعد الحدود.

خالوطة كبيرة.

استرجعي نفسك أولا.

حددي احتياجاتك.

واعرفي الوقت اللي تحتاجي فيه للآخرين.

والوقت اللي تستغناي فيه عنهم.

ماتقدريش تعيشي متعلقة في رقبة الناس.

بمافيهم أختك.

أنت ماتعرفي حقك.

ماتعرفي حق زوجك.

ماتعرفي واجباتك.

لازم تنتبهي لكل هذا

حياة فوضوية مليئة بالآلام والشكاوى.

وياريت لقيتي في كل هذا اللي يوجهك وينصحك.

اللي تجي في راسك ديريها بلاتفكير وبلا بعد نظر.

المهم تحققي غاية في نفسك وخلاص.

والنتيجة الشي اللي راكي فيه.

ماتحطيش العقدة في المنشار

وحلي مشاكلك بكريقة منطقية.

ماتسلسليش المشاكل مع بعضها البعض.

بهذ الشكل تكبر وماتنحلش.

مثلما درتي مانتزوجش حتى تتزوج أختي!!!!!!!!

هذ أسلوب التفكير هو اللي يخلط الأمور ويعقدها.

وزوجك كره من طريقتك في التصرف.

ومع طول مدة الخطبة اللي كان مخبي فيك من عبوب في شخصيتك أصبح ظاهر.

على هذا زوجك والأهل تاعو عرفوك وعرفو عيوبك.

وأصبحت مكشوفة بالنسبة ليهم

ودوامة المشاكل اللي راكي فيها نجمت عن كل ماذكرت لك سابقا.

غيري من طريقتك وروحي مع الأمور بالتدريج.

واستعيني بالله.

وثقي في نفسك وحسني علاقتك بزوجك واسترجعيه.

وبعدها رح تتحل الأمور وتتيسر لك ان شاء الله

رب يسهل دروبك.

[ام رقية74]

ربي ي،صلح امورك ...اكثري من الدعاء ....الزوج يحب ان يكون على راس قائمة اهتمامات الزوجة لا تنسي هذا ابدا

[المكارم]

أنت وحدك من أوصلت نفسك إلى هذه المحنة وها أنت الآن تحصدين ما زرعتيه
دعك من اللوم وجلد الذات فما وقع قد وقع ، ركزي كل جهدك وتفكيرك على تغيير الصورة
التي قدمتها عن نفسك أمام خطيبك وأهله تلك الصورة التي لم يجدوا فيها أدنى اعتبار له ولهم
المهم حاولي استرجاع ثقة خطيبك وأهله فيك وربي يفرج عليك ويرزقك حياة سعيدة

[ابو سليمان10]

كنت في الحرام و منعته من ان يتقدم لكي لتصبح الامور حلال بسبب غير مفهوم
التي ياتي نصيبها تتزوج لا ارى علاقة بين نصيب البنت و اختها

[نجاة^^]

ربي يفرج عليك ختي ضحيتي بحياتك على جال أختك اللي ادارت لك ظهرها خلاص اتكلي على المولى واتقدمي في حياتك وان شاء الله يفهمك خطيبك ،،

[محمد جديدي التبسي]

عيشي حياتك وتوبي الى ربك وتخلصي من تعلقك بالبشر إلا في اطار محدود صلة الرحم في وقتنا كل واحد لاتي بهمو خاصة بعد الزواج
شوفي سلبياتك وعالجيها تدريجيا و ربي يفتح عليك

[رندة.]

ما تبقايش تبكي على الأطلال الي فات مات أنسايه خلاص، أختك ذرك تزوجت وراهي مهتمة بزوجها ودارها وشؤونها الخاصة.
فكري كيفاش ترجعي ثقة زوجك واهله فيك بعد ما ضيعتيلهم وقتهم في انتظار المجهول وهو زواج أختك، أنا نحييهم على صبرهم معاك.
أنساي أختك ونحيها من راسك ركزي في نفسك وفي حياتك الجاية، أدعي ربي وأكثري من الدعاء والاستغفار والصدقة باش ربي ييسرلك زواجك في أقرب وقت، وحاولي تحافظي على زوجك هذا لأن الوقفة الي وقفها معاك وصبره عليك نعمة كبيرة من رب العالمين.

ربي يسهلك زواجك ويسعدك في حياتك ان شاء الله