محتاجتكم خاوتي خياتي

[إسلام الفاروق]

اختي نصيحة مجربة و فعالة
يدير footing ou kingboxing المهم يتعرق حاجة مليحة لصحته
يولي كي الخروف فالدار هههههه
سلام

[amirrs]

ربي يعفو علينا أجمعين

[cherif algeria]

المشاركة الأصلية كتبت بواسطة القائدة

انت لم تكمل الجملة الملونة بالأحمر ! كنت رح تتكلم على نفسك و مبعد ديرابيت !

و رآك دخلت في الأخت قوليلو قوليلو قوليلو قوليلو حسستني انك فيصل القاسم في الاتجاه المعاكس !
المهم ... نعود الى الموضوع
أوافقك الراي بعض الشيء
وش رح تربي وش رح تعدل هاذ المخلوقة ! تربية تع
سنين طويلة تع صغر مش تع نهار ! و هاذي مهمة الأبوان مش الزوجة ! و لكن هذا هو الحال للاسف
هاذ العجايز مايربوش ولادهم و المرا مسكينة تديه بياس ديطاشي و تجيب عمرها ترقع فيه و تتحمل و تصبر و فوقها تزيد تدي السب من العجوز و السلافات !
اللي قلقني في كلام هاذ الخاطب انو يقولها ( دبري راسك واش ديريلي ) !!! يعني موتي امرضي اهبلي سوطي اطلعي انزلي نوضي ارقدي تكسلي تكمشي ميهمنيش المهم ديريلي حل دبري راسك و تحملي مخلفات السنين اللي فاتت !!!!!!!!! هذا اللي ميعجبنيش انا ياريت لو العجوز تقدر هاذ الكنة اللي شايلة مثالب تربيتها لابنها .
و الله الحكاية مش خسارة فيه يعني كون تعاونو و تريسكي معاه تدي فيه اجر ولد الناس بصح المشكلة صعييييب تربية تع سنين من الصغر تبدلها لازمها صبر و تضحية و بعض التنازلات و ممكن في الاخير يا تنجح يا لا .
الله يهديه على كل حال و يجمعهم على طاعة الله و يهبهما الحياة السعيدة الهنية ، فيكفي انه يطلب العون و هذا مؤشر إيجابي ينم عن رغبة في التغيير و معاتبة النفس ، نسال الله ان تكون الأخت سبب في هدايته و سعادته و ما ذالك على الله بعزيز ، بالدعاء و الصبر و حسن الضن بالله .

اعتذر على التأخر في الرد لأنني لم أنتبه لردك
بالنسبة للتكملة كنت أقصد ان اقول عكسي انا هادئ كثيرا وأحل المشاكل بمنطقية وهدوء وتعقل وتفهم هذا كل ما في الامر

المشاركة الأصلية كتبت بواسطة ~أميرة أميري~

السلام عليكم ،،، حبيت نشكركم واحد بواحد لانكم عاونتوني ولو بكلام ريحني زخلاني نخمم ونعرف الصح من الغالط برك حبيت نصحح حاجة
لي راهم يقولو تربية الوالدة والله حرام عليكم الوالدة بعد ماخلاهم باباهم برا مرميين صبرت وتعبت عليهم ورباتهم ورجعتهم رجال قساو بزاف في حياتهم لانو باباهم سمح فيهم وهوما كانو صغار وعاشو معانات كبيرة ويماهم سهرت عليهم وكانت حتى تملس الطواجن وتبيع في البيض باش تربيهم وحتى كانت بيضة تقسمها مابيناتهم والله وربي شاهد غير مرا ونص وقفت مع ولادها ورجعتهم غير الراجل وخوه قراتهم وكامل راحو للخارح وكملو قرايتهم وجاو ليماهم بناولها الدار نتاع الصح تعبت عليهم
وهو سبب عصبيتو صغرو لي عاشو مع باباهم لي كان ديما يسب ويشتم ويضرب يماهم قدامهم
حكالي خطيبي انو كرطاب واحد كانو دايرين الدالة عليه وكانت عندهم دار وحدة متقاسمينها بيزار اييييه وعلى ديك خرج عصبي وباباهم راه توفى ماعندوش بزاف وخلالهم عقدة كان خطيبي ديما يحكيلي يقلي راه معدبنا وسامح فينا كان ديما بجي للدار يضرب يماهم ويكسر و و و و
يعني حبيت نوضح انو سبب غضب خطيبي والنرفزة نتاعو هو الشي لي عاشو في صغرو قالي كنا نباتو برا قالي يمى تناحي حوايجها وتغطينا
يعني راكم غلطتو بزاف لانكم دخلتو في تربيت الام
واليوم الحمد لله خرجتهم رجال وكل واحد راه بدارو وبمرتو ودايرين يماهم فوق ريسانهم لانها تعبت عليهم
وخطيبي طلب مني العون لانو شاف يماه كيفاش عاشت واش قاسات قالي شي لي نديرو كي نتنرفز فوق طاقتي وقالي عاونيني
يعني ماتفهموش النرفزة نتاعو جاية من تربية امو راكم غالطين بزاف ويماه راهي يمى الثانية وقالي راهي القدوة نتاعنا وراهي على الراس ولعين

اولا مر عام على نشر الموضوع والله اعلم ما الجديد عندكم هل تزوجتم ؟ هل مازلتم مخطوبين ؟ هل فصلتم الخطوبة ؟ هو تزوجتم وانفصلتم ؟ هل أنت أحياء أصلا ؟ الله أعلم ما جديدكم لكن أتمنى من كل قلبي أن تردي علينا برد يفرحنا جميعا كأن تقولي ( نعم تزوجنا ولقد عدل من تصرفه واصبح انسان هادئ ومتفهم وعاقل ورزقنا بابن بهي الطلعة او ابنة جميلة وانكم تعيشون حياة هانئة بإذن الله ) اتمنى ان اسمع هذا من كل قلبي

اما رجوعا الى ردك ولنتخيل ان الموضوع نشر اليوم فقط ولم يتغير شيء اي لم نتقدم في الزمن ولم يجد عندكم جديد

إذن حسب كلامك اتوقع والله أعلم وما لا أتمناه أنك ستعيشين نفس المعيشة التي عاشتها والدته مع زوجها وهذا ما لا أتمناه حقا ، يعني لا يجوز تبرير ردود أفعاله بالوضعية التي عاش فيها فالمفروض يكون متفهم اكثر طالما انه عاش في ظروف قاسية ويعرف ان تلك الظروف تجعل الانسان يعاني وبالتالي يحاول ان يتفادى كل ما كان يتعرض له فلا يعرض ابناءه له ويحاول ان يحمي زوجته من كل ما عانته والدته
هذا المفروض وليس العكس كما تبررين له

الشيء الثاني حتى لا أقطع الامل عليك اقول لك ببساطة ان كنت ترين انك قادرة على التعايش مع هذه الوضعية التي خضتي تجربتها وهي ان تتعرضي لكل انواع السب والشتم عند الغضب او حتى في اتفه الامور ولا تدفعون الثمن غاليا لاحقا كلاكما فتفضلا بالزواج ولتتحملي كامل المسؤولية عن قرارك

لدي أخ عصبي جدا نحن اخوته ووالداه نتفاداها لكن زوجته والحمدلله تحملته ولينت منه قليلا فاصبحا متكافئان احيانا يتعصب عليها ويتركها تبكي واحيانا اخرى تغضب هي ويعدل عن تصرفاته

الشيء الاخير الذي يمكن ان اقوله لك اذا كان هذا الشخص يريد فعلا اصلاح نفسه والتغيير فانصح كما نصح احد المعلقين قبلي بممارسة الرياضة (كمال الاجسام مثلا ... الخ) لان الرياضة اخلاق وهي تهذب النفس عن تجربة ولو تلاحظين كل من يمارسون الرياضة سواء من ابناء الحي او العائلة .. الخ يتمتعون بطبية وعقلانية وحتى ابتسامة دائمة

صدقيني الرياضة تهذب كثيرا الرجل

في الاخير اتمنى لكما التوفيق واتمنى ان اسمع ردا مفرحا بخصوصكما