حياتي الزوجية البائسة

[فافا مينوشة]

ادا هدا القصة نقلتها وحيرت لعيباد معاك بغرض تسلية الله لا يتربحك

[khelifa09]

المشاركة الأصلية كتبت بواسطة kacimo.samy

سلام
اذا كان موضوع ليس لك حسب ما قالو الاعضاء
والله نتا تدي ذنبي وجعتلي قلبي وبديت نفكر ما نتزوجش
دوكا فهمونا نتزوجو ولالا
طيح في وحدة عام تقلك طلقني ؟؟
ربي يجيب الخير برك... لازم واحد يخير نساب رجال كي تبدا لمرا تتعوج باباها ولا خوها يصفقها بكف ويقولها طيري لراجلك موش يعواج معها (راني نشوف كاين بنات مزالهم ذراري في العقلية)

بحكم التجربة غير أزرب أزوج الزواج راه مليح بصح خير المرأة مليح ونساب ملاح. خير نتاع الدين برك باش أطيعك و تعاونك على طاعة الله.

اياك و تخير مرأة همها الدنيا والمال والتحواس والخدمة. وتظل تنكد عليك وما ترضاش واش عندك.

[زبدة ذايبة]

يا أخي ردينا عليك في مواضيعك السابقة

وكان واضح أن زوجتك لقات شخص آخر

والمشكلة ماراهيش فيها راهي فيك انت

هي دارت قرارها وأوقفت حياتها معاك بشكل حقيقي

والآن تريد إيقافها بشكل قانوني

خليك من العاطفة الزايدة

ذليت روحك بطريقة بشعة جدا

هذا من السنة اللي فاتت وكل الأعضاء اللي ردوا عليك نبهوك لهذا الأمر

راحت الله لايردها

ماتربطش سعادتك مع وحدة ماتستاهلش

وهي أصلا ماعندها بيك حتى رابطة

زواجها منك كان تسوية وضعية بالنسبة ليها

ولو كان تعاود تراجع روحك تلقى أنك أنت اللي كنت تحبها ماكانتش هي تحبك

انت اللي كنت تعطيلها العاطفة ، وهي كانت مجرد متلقية

وعمرها ماكانت تحبك

حتى ماتوهمش نفسك أنك كنت عايش معاها قصة عاطفية مجنونة

كذبت على نفسك وصدقت الكذبة

والدليل على هذا

بدلاتك بأول واحد تعرفت عليه عن طريق أختها.

تهنيت منها ومن عائلتها

واضح أنهم عائلة غير صالحة

لو كان جاو يعرفوا للشرف طريق كانوا مايشجعوش بنتهم على الخروج من بيت الزوجية

وإذا مارانيش غالطة أنت نفس الشخص اللي كتبت بأن أهل زوجتك جابو شاحنة باش يرفدو القش تاع بنتهم

ورحت حللتها وحللت دارهم شحال من مرة

يا أخي

غير توقف من هذ الأوهام وهذ الأغلال اللي ربطت روحك بيها

زوجتك السابقة سطرت حياتها ولم تلفت إليك

ومن المفروض تكون أكثر منها قوة

وتعيش حياتك من جديد

أطوي صفحتها من حياتك مثلما طوتها هي

أكثر من سنة وانت في المشاكل

إلتفت لحياتك خير من يفوت الوقت وتلقى راسك تعمر شيب على جال وحدة ماتستاهلش منك كل هذا

خيرها في غيرها

[beautifulmin85]

بغض النظر عن صحة القصة من عدمها نحن نحكم بمضمونها فكثير هي القصص الواقعية المشابهة لهاته الحالة

اولا الحب او الاحرى العشق مرض ان سلط على احد فليس له الا الله لينقده من آلامه وعداباته خاصة ان كان من جهة واحدة

ثانيا الزواج ومشاكله حين يكتشف احد الزوجين ان هناك خلل في الطرف امقابل من ناحية مبادلة الحب والعاطفة

فهنا يجب وضع النقاط على الحروف فالزواج عماده واساسه الحب والمودة ومدكور دلك في كتاب الله

فان قرر احد الطرفين انه لن يستمر في حبه للطرف الآخر فهنا شرع لنا الله الطلاق مع انه ابغض الحلال

وليس من المعقول ان يرفضك الطرف الأآخر وانت تصر ان يقبلك فالامر يس بالغصب وكما اشار الاخوة

حتى لو قبل الطرف الآخر فلن تكون الحياة طبيعية بل سيتخللها هم اكبر ومشاكل لها اول وليس لها آخر

الانفصال والطلاق احيانا يكون احسن حل ان وصلت القطيعة خاصة العاطفية الحدود فلم يبقى ما يبنى عليه ما يسمى بحياة زوجية

حسب القصة الفتاة قررت الانفصال فهنا على الرجل تقبل الأمر وكلما اراد وتشبث بارجاعها الا وزاد الطين بلة

وتزيد المشاكل بالضغط عليها وجعل ردات فعلها بتلك الطريقة منافية للشرع والعرف

على كل حال اخيرا الولد يفتيك فيه المحامون اهل الاختصاص وحسب علمي ان حضانة الاولاد تسقط عن الام بمجرد زواجها مجددا

فلا يهم قصص العلاقات مع هدا او داك هده انتهت والفراق عليه ان ينهي كل شيء الان التفكير في الطفل وكيفية ارجاعه لك

ان تزوجت فالطفل قانونا يرجع اليك ان شاء الله فاستمر في حياتك وتزوج مرة أخرى واختر دات الدين التي تصونك وتحافظ على شرفك وكرامتك

ونسال الله ان يهدي جميع بنات وشباب المسلمين وان يلم شملنا ويصلح امرنا يا رب