Word stress

[hadjer hadjora]

المشاركة الأصلية كتبت بواسطة toulay

اكيد مافيها والو
شوف اختي هدا الدرس يحكي علىstress ولمعناها الشدة

الاسماء والصفات لفيهم two syllables يعني فيهم زوج مقاطع الشدة تجي في first syllable يعني فالمقطع الاول
كيما فالاسم export الشدة جات في ex

والافعال ليفهم two syllables الشدة تجي في المقطع الثاني كيما في الفعل to decide الشدة جات في ci

الكلمات لتكمل ب cy,phy,gy,ty الشدة فيها تجي فالمقطع الثالث بصح تبدا تحسب من الاخير مثلا في الكلمة democracy الشدة تجي في mo بدينا نحسبو من الاخير حتى وصلنا للمقطع الثالث

والاسماء لتكمل ب ic,tion,sion الشدة تجي فالمقطع الثاني ونحسبو تاني من الاخير مثلا في كلمة education الشدة جات في ca

بصح كاين استثاء في كلمة politics لانو الشدة فيها تجي في po مشي li

والاسماء لفيهم زوج اجزاء كيما greenhouse الشدة تجي فالجزء الاول تاع الاسم ولهو green

والصفات والافعال لفيهم زوج اجزاء الشدة تجي فالجزء الثاني مثلا فالفعل to understand الشدة تجي في stand
والصفة old-fashioned الشدة تجي في fashioned

ان شاء الله تكون فهمتي وادا مزال كاين اشكال سقسي عادي

بالتوفيق

السلام عليكم

واش نقولك و الله اي كلام نقولهلك ما كفيكش حقك

كل ما نتبع مواضيعكي نزيد نفهم اكثر فاكثر


شرحكي مبسط و مفهوم و واضح جدا

بارك الله فيك
شكرا