دجاج مشوي في الفرن أحسن من المطاعم

nihal159 · 2017-04-23, 09:28

بونجوغ حباباتي، ليوم جبتلكم دجاجة مشوية في الفرن من ألذ ما يكون.
نبدا أولا بالدجاجة، نضفوها مليح، نحولها الريش تاعها و من بعد نزيد نفوتها فوق النار باش الزغب كامل يتحرق، نغسل الدجاجة مليح من ذاخل و نزيل كل الزوائد الموجودة، نحك الدجاجة بالملح و الخل من الخارج و الذاخل جيدا، نتركها ربع ساعة ثم نغسلها بالماء الساخن و تكن جاهزة للأستعمال.
نحضر التتبيلة، ملح، فلفل أسود، فلفل أبيض، كركم، زنجبيل مطحون، ثوم بودرة، كمون شوية فقط، نضيف للتوابل القليل من الماء باش نتحصل على صلصة، نحك الدجاجة من الخارج و الذاخل جيدا و نتركها تتشرب النكهات على الأقل ساعتين قبل مانحطها فالفرن، أو اذا أمكن تجهزيها فاليل يكون أحسن و أحسن.

نحضر الحشو لي نحشي به الدجاج، عبارة عن أرز طيبتو نصف طياب.
في مقلاة نذبل شوية بصل، و لما يذبل و يرجع شفاف، نضيف عليه جزر مبروش، و كوسا مبروشة، سنة ثوم مبروشة، نحرك خليط الخضر جيدا فوق النار حتى تذبال جميع المكونات.
نحي المقلاة من فوق النار ونضيف الأرز لخليط الخضر، كمشة معدنوس مقطع رقيق و نتبل الخليط بنفس التوابل لي استعملتهم من قبل.
نحشي الدجاجة و نخيط الفتحة الأبرة و الخيط.

ندير الدجاجة في سيخ الشواء الخاص بالفرن، و نشعل عليها الشواية.
تاخذ فالفرن تقريبا ساعة و نصف، و هذا شكلها بعد الشوي.

وهذا صحن التقديم، مانقولكمش يالبنات على البنة يامييييييييييي، الأرز كل حبة وحدها، وفيه نكهة الدجاج المشوي يهبل.
التتبيلة اعطات طراوة للصدر، جاء طري ومش ناشف..... ..... و لمزيد من التفصايل تجدونها على المدونة

om najib · 2017-04-23, 10:06

صباح الفل يعطيك الصحة يا اختي راها تشهي و سبحان الله لبارح وجدت دجاجة قلت ليوم نديرها للفطور ذرك نجرب طريقتك و نرجعلك لخبر كيفاه جات يعطيك الصحة مرة اخرى سلام

nihal159 · 2017-04-23, 10:20

اقتباس:

المشاركة الأصلية كتبت بواسطة om najib

صباح الفل يعطيك الصحة يا اختي راها تشهي و سبحان الله لبارح وجدت دجاجة قلت ليوم نديرها للفطور ذرك نجرب طريقتك و نرجعلك لخبر كيفاه جات يعطيك الصحة مرة اخرى سلام

صباح الأنوار؛ إن شاء الله تنجحي في تحضيرها و تدعيلي بالخير؛ بصحتكم مسبقا.

امّ اياد · 2017-04-23, 10:21

يعطيك الصحة محمرة كيما يحب الخاطر باينة بنينة بصحتكم

nihal159 · 2017-04-23, 10:29

الله يسلمك أختي؛ مرورك أسعدني

nihal159 · 2017-04-23, 12:32

الله يبارك عدد المشاهدات ما شاء الله؛ لكن الردود ربي يجيب الخير.
علاه كل هذ البخل؛ هل تخسرو حاجة كي تشجعو صاحب الموضوع بكلمة طيبة؟؟؟؟؟ ربي يهديكم و يهدينا

انا هي رزيقة · 2017-04-23, 14:23

واو شهيتيني موووت اختي نهال مشاء االله عليك و ربي يباركلك في دوك اليدين

nihal159 · 2017-04-23, 14:34

اقتباس:

المشاركة الأصلية كتبت بواسطة انا هي رزيقة

واو شهيتيني موووت اختي نهال مشاء االله عليك و ربي يباركلك في دوك اليدين

ربي يبارك فيك؛ شكرا على التشجيع أختي؛ربي يحفظك

اسيل الباتول · 2017-04-23, 14:58

اممممممممممم الجاجة لمحمرة تشهي حبيبتي نهال والله ريوقي سالو يعطيك الصحة
بارك الله فيك على الوصفة تسلم الايادي

nihal159 · 2017-04-23, 15:05

اقتباس:

المشاركة الأصلية كتبت بواسطة اسيل الباتول

اممممممممممم الجاجة لمحمرة تشهي حبيبتي نهال والله ريوقي سالو يعطيك الصحة
بارك الله فيك على الوصفة تسلم الايادي

الله يسلمك أسيل أختي؛ واش راكي؟ واش راهم وليداتك؟
شهيتك فالجنة إن شاء الله؛ ربي يحفظك

سحابة باردة · 2017-04-23, 15:28

مدرتش الغدا اليوم ونجي نلقى دجاجة محشية ومحمرة
مادرتي فيا يانهال قتلتيني بسخفة لازمني نجرب طريقتك جاتك هايلة
ياسعد المسيو بيك يالفحلة

nihal159 · 2017-04-23, 15:34

اقتباس:

المشاركة الأصلية كتبت بواسطة سحابة باردة

مدرتش الغدا اليوم ونجي نلقى دجاجة محشية ومحمرة
مادرتي فيا يانهال قتلتيني بسخفة لازمني نجرب طريقتك جاتك هايلة
ياسعد المسيو بيك يالفحلة

الله يسلمك سحابتي؛ شكرا بارك الله فيك.
أكثر تفاصيل تلقاوها في المدونة

om najib · 2017-04-23, 17:01

سلام الله يعطيك و يمنيك جات هاااااااايلة خير من نتاع برة ننصح الأخوات كل يجربوها مي انا درتها في كيس الشواء مرة اخرى ربي ينولك وش في بالك و يعطيك الصحة

ام هدول · 2017-04-23, 17:29

نهولة انا من مشاجعاتك وطييابك يعجبني ...وخاصة كي راهو يشبه بززاف للطيابي دايما نلقى غير اختلاف طفيف ....جبينا الجاجة وراوحي اني عرضت للك وزينة ...تشهييييييي ..امممممممممممممممممم ..اني نسنى ...ok

امل ام الاولاد · 2017-04-23, 18:08

يعطيك الصحة سخفتينا لونها يدزع .ان شاءالله نجربها