الجزء 179 من كوزينة احلى رفقه كوزينة الحراير

[سحابة باردة]

مساء الخير على الحراير

انا كنت مريضة علابيها منيش نحط في أطباقي

المهم شفت العشا والغدا انتاع أختي حياة بصحتك شهتوني

أمينة الكيكة جاتك هايلة يعطيك الصحة

أم الاولاد راكي قايمة بالكوزينة الله يبارك والعشاة هايل

مولات الخيمة واش راكي يالحبيبة

اللي نسيتهم يسمحولي

[cilia]

صباح الخير
حياة عشاك يشهي ممممم يعطيك الصحة
امل ام الاولاد ربي يشافيك حبيبة
سحابة الحمد لله اختي و انتي واش راكي
زخرفة ، بيان نتمنى تكونو بالف خير حبيباتي

[zokhrofa]

صباااااااااااااح الخيرات

الحمد لله يا ربي سيليا انا بخير

راني مع الصيام ما تشهونيش بزاف اليوم ولا راني نجي نفطر عندكم هههه

[بيان 5]

سيلي اختي بارك الله فيك زخرفة ربي يقبل عليك ان شاء الله

[cilia]

زخرفة ربي يتقبل اختي و ارواحي مرحبا بيك شرف كبير ليا كون جي عندي لدارنا نحطك فوق راسي حبيبتي

[امل ام الاولاد]

مساء النور سلامي للجميع ,عشايا البارح حريرة وبيتزا


اليوم درت غدا تشيشة باللبن ماصورتهاش
زخرفة ربي يتقبل ان شاءالله وارواحي برك ,سيليا شكرا للدعائك لي وانت ثاني ربي يسهلك امورك ويفرحك
بيان,سحابة وحياة زخرفة شكرا على تشجيعكم لي كي نحط كاش حاجة هذا بفرحني ياسر
نهاركم سعيد حبيباتي.

[حياة نور الدين]

السلام عليكن
واش راكم البنات الحمد الله كملت ميناج وفطوري اليوم كان بواقي وقليت البيض والحمد الله

[حياة نور الدين]

زخرفة يوم المنى جي ونطيبلك فطور حنونة ربي يتقبل انا كنت حابة نصوم لكن الله غالب خدعتني الظروف هههههههه

سحابة ربي يشفيك حنونة

امل امممم مانيش صائمة وشهيتيني هههه يعطيك الصحة

سيليا واش راكي اختي يا درا المورال كيفاش راه ههه وشكرا على كلامك

[بيان 5]

سلا اخواتي واش راكم امل البيتزا امم شهيتؤني غدايا فريت وللعشاء لبن ورخس ان مانتعشاش

[بيان 5]

سلام لبنات ان شاء الله تكونوا لاباس امل البيتزا تشهي امممم اختي غدايا كان فريت وللعشاء رخسيس ولبن للزوج انا مانتعشاش

[omjoujou]

السلام عليكم
مساء الخيرات حبيباتي
علابالي راني روطارجبتلكم باه تتقهواو معليش اذا كملتو تقهويتوا خلوها لغدوة تفطروا بيها صباح
تطبيقي لبسبوسة بالجوز والنيستلي لحبيبتي ايمان يمن هاااايلة الله يعطيك الصحة

[ايمان يمن]

المشاركة الأصلية كتبت بواسطة omjoujou

السلام عليكم
مساء الخيرات حبيباتي
علابالي راني روطارجبتلكم باه تتقهواو معليش اذا كملتو تقهويتوا خلوها لغدوة تفطروا بيها صباح
تطبيقي لبسبوسة بالجوز والنيستلي لحبيبتي ايمان يمن هاااايلة الله يعطيك الصحة

اممممممممممممممممممم سخفتيني وقيلا نوض نعاودها.

[omjoujou]

شفت غير الصفحة الاخيرة
امل ام اولادي الله يبارك طياباتك ماشاء الله عليهم سورتو البيتزا يمي يعطيك الصحة
بيان مرحبا بيك اختي في وسطنا
زخرفة صيامك في الجنة ربي يتقبل منك امانة ادعيلي معاك ربي يشفيني ويشفي كل المرضى
حيوتة لعميرة تاعي كي تدخلي شوفي الخاص تاعك راني جاوبتك
سحابة عزيزتي الف لاباس عليك ربي يشافيك ويعافيك

[بيان 5]

اختي ام جوجو شكرا على الترحيب بسبوستك هايلة ماشاء الله

[RIMA.87]

السلام عليكم ،
بسم الله ما شاء الله ام جوجو تطبيق ممتاز ربي يبارك فيك و يشفيك ،
أختي بيان5 و امل ام الاولاد ما شاء الله على أطايبكم لي حطيتوها ،ربي يبارك فيكم و بصحتهم عايلتكم ،و مرحبا بكم بين اخواتكم في الله ،ربي يجمعنا في جناته جنات النعيم،
زخرفة ربي يتقبل منا و منكم صالح الاعمال ،
اختي سحابة باردة و سيليا و حياة و كل الغائبات و الحاضرات و الملتحقات بصحتكم العشا،
و تفضلوا عشيا اليوم لابيري و نحبها مصوصيا هههههه على قول الاخت رزيقة ربي يحفظها ،
اللهم لك الحمد حتى ترضى و لك الحمد إذا رضيت و لك الحمد بعد الرضى