السلام عليكم ,
ليوم دخلت في نقاش مع بعض الاخوة فالتعليقات حول قوقل ادسنس و البنوك الجزائرية. كيما سبقلي و قلت في منشور سابق حول كيفية استخراج الاموال باليورو من البنوك الجزائرية ( https://*******/hq9Siv ) انه ممنوع منعا باتا في معظم الدول استخراج الدفعات المصرفية بعملة اخرى من غير عملة البلد , كاين حبابنا قالك ما كانش منها, اخرين قالك حقرونا صديقي , واحد قال راهم يدوهم هوما , و واحد الاخ قالي جيبلي القانون اللي يقول هاذ الشيء .
يا اخي ما عليش ضيعت شوية وقت و جبتلك القانون
المادة 67 من نضام بنك الجزائر 07-01 المؤرخ في فيفري 2007 واش تقول :
بمجرد تحقيق ترحيل الايرادات الناجمة عن الصادرات من غير البيترول يضع الوسيط اللي هو البنك تحت تصرف المصدر ما يلي :
-الحصة بالعملة الصعبة التي تعود اليه طبقا للتنظيم المعمول به و التي يتم ايداعها في حسابه بالعملة الصعبة ( هاذي ما تخصناش لانك ما حطيت حتى فراك )
- مقابل القيمة بالدينار لرصيد الايرادات الناجمة عن التصدير
- ( هنا ندخلوا فالمسقي هههه ) ان ايرادات الصادرات غير الموطنة ( كيما حنا , نصدروا خدمات ماشي فالوطن ) و تلك التي يتم ترحيلها بعد الاجال المحددة لا تعطي الحق لصاحبها في الاستقادة من الحصة بالعملة الاجنبية ( دا قانون ولا مش قانون يا متعلمين يا بتوع المدارس )
ضرك اللي كانو يروحو للبنك و يقولولهم صحابنا راهم يجبدو بالاورو , ها ما كان لا اورو لا دورو لا جد ماليكم ههههه راهم تحلبوا و بعتو لكامل الوكالات و طبقوا المادة 67 , يعني كي هدرت فالمنشور السابق و قلتلكم ما تحلبوهمش , البعض عمبالوا استخسرنا فيه , كيما قال واحد النهار حسام, حنا دايما نلقاو حل, بصح هكذا المرة الجاية الواحد كي يصيب حل يحتفظ بيه لنفسوا .
المفيد ربي يوفق الجميع , سبحانك اللهم وبحمدك، أشهد أن لا إله إلا أنت، أستغفرك وأتوب إليك
منقول للافادة