عندي 50 مليون وخيروني بين 3 مشاريع

[chabibadz]

سلام عليكم بالنسبة ل 50 مليون مبلغ صغير ولكن يكفي لمشروع صغير .
أولا اخطيك من مقهى انترنت مشاكلها كثر منها و زيد ال3جي قتلت الحالة
بالنسبة لمحل فليكسي والاكسيسوارات لازم مكان تجاري ولا اخطيك
اما اقتراحاتي فهي.
اولا بالنسبة للسيارة في عوض شراء سيارة ب 50 مليون تعمل بيها فرود اشري هربيل د ف م اخدم بيها نقل عمومي قاري قدام بائع مواد البناء و لا الاثاث ولا الفايونس ...الخ وخدم وكتنقس الخدمة بيع بيها الخضرة يعني حلين في حل واحد
ثانيا . افتح بيتزيريا صندويتشات ..الخ أو محل مواد غذائية عامة المواد الاستهلاكية تمشي في اي مكان
ثالثا واخيرا محل بيع الشاي والمكسرات والحلويات الشرقية مايطلبش مال كثير وفيه مدخول لباس بيه

هذي اقتراحاتي

[laouss]

rebi yjibe kire nchalah

[brahim-22]

أنا درت مقهى الأنترنت ماراهوش كيما كان بكري الشعب الأغلبية راه مدخل الأنترنت فالدار الحاجة اللي تقدر تديرها على ما أظن fast food ودير حاجا نقية وشابة وتوكل على ربي

[barcacatalon31]

السلام عليكم اخي
الردود كلها كانت مليحة
نزيدك وحد النقاط فمثلما سبق وان تفضل به الاخوان انا اقول لك من هذا الباب فكر في المشروع جيدا وبعد ان تحتار مثلا افضل مشروع هو مقهى انترنت والله سبق لي وان طرحت هذه الفكرة على احد اصدقائي ونجحت معه الى حد الان والحمد لله
ثانيا مادام ان كل الناس تقريبا تستعمل الانترنت بشكل يومي فالاحسن هو انك تحتار مكان شعبي او على الاقل يكون ذو انوار واضواء في الليل مثلا
او مكان بالقرب من اخدى المؤسسات التعليمية
والاكثر من كل هذا هو انك تكون خدام مثابر ومهتم بالزبائن وتلبي طلباتهم وتندمج معهم مثلا في الالعاب والى غير ذلك حتى وان كنت غير مهتم
او تاتي باحد تكون له خبرة في مثل هاته التعاملات من جهة انت تستفيد منه ومن جهة انك تتعلم
وضف له الفليكسي و كل ماله علاقة بمقهى الانترنت مثل الفلاشات والسماعات وغيرها
وفقك الله اخي الغالي وكل من شاهد الموضوع في المستقبل اتمنى انه يستفيد

[مختار خالد]

في الحقيقة كانت لاخي تجربة في مقهى الانترنات ونقول لكل من اراد ان يفتح اخطيك منها لعدة اسباب
1/- شعب غير واعي واغلب المواقع التي يدخلونها هي الشات مع البنات والمواقع الاباحية او تحنميل الاغاني الساقطة هذا مااكتشفته في محل اخي كنت نخدم معاه تحسب روحك راك حال بيت دعارة الا اذا حليت المحل في مكان مثل الجامعة
2/- وقتك ليس ملكك اي لن تستطيع ان تقفل المحل اذا دخل واحد ما تقدرش تخرجه
3/- وقت العمل هو في الليل اكثر اي ليس كمحل اخر
4/- مكان عام وهو مراقب من جهات الامنية وربما تقع في مشكل خاصة اذا اتصل احدهم بموقع مشبوه او استعمله لاعمال مشبوهة خاصة اذا لم تكن وثائق المحل رسمية
وفي الاخير انصحك بمحل حلويات شرقية خاصة اذا كنت تصنعها لوحدك

[dingo]

رسي سيارة ودير كلونديتسان

[الحو شلفاوي]

خطيك من السيارة فقط...ادرس المشاريع لوخرين

[Vigito]

خويا واحد ميكدب عليك

على حساب البلاصة وانا ننصحك
توجه للعمارات السكنية الكثيفة الي فيها ناس مزوجين جدد وعندهم دراري صغار شوي
ونوع شوي في العمل
مثلا
انا راني مداير مقهى خاسر عليه 18 مليون تكلفة ومعاها كراء سنة ب 6 ملاين
والحمد لله
نفتح يوميا من 5 تع لعشية ل 12 تع ليل
ال 1000 دج اقل قيمة نحققها والحمد لله
ومتوسط الدخل 1300 دج فاليوم

واحيانا تنقطع النت ونحقق 1200 دج والنت مكانش فقط من الالعاب للاطفال
اللهم لا حسد لكن اخي
انصحك باماكن فيها تجمعات سكنية جديدة واطفال كثر

[علي لقواطي]

أشري سيارة و فرودي بيها

[*عاشق فلسطين*]

دير صلاة إستخارة وربي معاك

[جنقلونة]

شوف خويا كيما قالك planet07 عندو الحق في دراسة الموقع
اما بخصوص فتح مقهى انترنت دير في حسابك باللي فيها المحال من حيث المواقع الاباحية وراح تقلي ندير برنامج يحجبها نقلك العولمة تطورت واصبح هناك برامج خاصة لفتح تلك المواقع اضافة الى السماع للأغاني و و و و .
و أنت تريد الكسب الحلال شوف افتح محل فليكسي و هواتف وبيع الأرتيكل وفي كل موسم دراسي اشري قدر معين من حاجيات الأدوات المدرسية .
عندي صديقي فتح مقهى انترنت وممباعد حبس منها كي سقسيتو علاش قالي كرهت وانا نعافر في الغاشي من متابعة المواقع الاباحية بالرغم من تفعيل الحجب وقالي اللي نكتشفو نرخسو و ما نخلصش عليه و بالرغم من ذلك يعود غدا و كان شيئا لم يحدث . لذلك قلت الله الغني وباع المقهى وفتح مكتبة ومداير النت للبحوث ودار لفليكس وراه في نعمة ربي .
اوصيك أخي الحلال الحلال وربي يوفقك

[HAMID TACHI]

انصحك بالتجارة

[dragodz]

بالتوفيق dccccccccccccccc