يامحبــــوبة حبــك دارني انصاص ***وشتت شمــــــلي ماصـــــبت نـــلم
لي يعـــــشق فيـك ماهو بخــاص ***ولــــــي حــــــبك راجل بن الــــعم
مانقـــدرش مــــرة نقــــول خلاص***سكــــــنت بين انفاسي تربـــيت ثم
عن جالــك ندير صـــدري لرصاص***ونديـــــرك مابـــــين الضلعة واللحم
واش نقـــــولك ويــــلا الحب فاص***من غيــــر المولــــى بمحالو يرحـــم
وسط مقاحر رندات جنودي خلاص***جيش قاهر ويناه لقــــــحارو ينــجم
لا سكن لكبــــاد علاجــو يوعاص *** مايفيدش طــــــب في امـــــر مزمم
يعود العــــــبد في وسط الملاص *** ساعة ينــــوض ســـاعة يبـــرك ثم
ياك النــسوة راهم قالـو اقصاص***وانت الخيـــر في قشــــوتك معلـــم
ماننــــكرش خيرك مانعود محاص***خيرك عديتـــــو عيب علــــيا نــردم
طــــل عليا بـــدرك نـــورو بقاص *** وضوالي بري لـــــي كان مظــــلم
نورت دربـــــي بعدن كنت هماص***ورديتيني للوطا بعدن كنت نهــــوم
سقيتيني كاس الحـب طعمو خاص***ازرع وسط المعـــــارق علــــى الدم
متنتي فيا بزنادك شـديت القراص *** قرادك كســـــر ضلعي للقلب دحـم
من يومها لاشوفة غير التبصــاص*** نتلمــــس بدنك الحنــــين لي تيـــتم
اضيمي قـــع القلوب في لقفــاص***غير انا قلبي عاف قفصي واجـلطم
طار بجنحيه من بعد التقــــــصاص *** وحــــط في وكرك عشـــــالي ثم
ملكتيه ياالعارم مايولــــيش خلاص***وعـــــشرلي في برك بقـالو مرسم
متولع بغرامك يا ردافـــت لخـراص *** يا زينة اللــــوامح وطـباع المبسم
حسدوني فيــــك وكــثرت لمقاص *** كـل واحـــد حال مقــــصو مايـزم
انت ليعتي ميزانك عندي ماينقاص***ومعـــاديك نعــــاديه ولو ولد الام
انت محزمتي ماتفرق من القرطاص***انت سلاحي بيــــه رانــــي متحزم
عينك سدادة في ضربة قــــــناص *** شوار من هـــــو جار علينا مجرم
لي يشلل فمو قلبــــو مصـــــماص ***وانا ريـــــقك تحسيتو دوا الهـــم
ماني طربي ولاني مهفوف رقـاص***ولا كنت ياوليعة في حبـــك نقجم
القاجف في المــحبة عبـــد مقــاص *** يسهوى قا تهزاب عكـلي يتلطم
لا قترتيني بسلاحك مانطلب قصاص***حق نموت على صدرك يابنت العم
بقلمي(زفزافي الحاج)