مشاركتي في احسن طبق تقليدي بين الولايات

ام هدول · 2016-11-20, 15:16

=https://up./][/url]
نشكرالاخت زينب على هاد الفكرة لي تخلينا نتعرفو مليح على اطبقنا التقليدة البسيطة واللديدة ..والصحية ..من مختلف ولايات الوطن ....
الفكرة كانت عندي مسبقا اني نديرها موضوع ..كيما طلبو مني الاخوات ..تكاسلت شوية..الان جاتني الفرصة ...
طريقة عمل او تحضير شخشوخة الضفر ..قبل طهيها بالمرق وااللحم ..الطبق تقليدي قسنطيني ..محض ...اليكم الطريقة بالتفصيل
اولا.....تبلي السميد يكون من النوعية الرفيعة ....بالملح والما عادي فقط ...حتى تتحصلي على عجينة ماتكونش طرية بزاف لانها رايحة تطرى بالعجن ..غطيها بكيس بلاستكي وخلها ترتاح على قد ماترتاح تجيك ساهلة في العجن ...انا نبلها في الليل والصباح نعجنها

ثانيا نعجن العجينة دون تقطاع ..يعني ندلكها فقط ...تتعجن مليح ..ونعمل حربوش ونقطعو الى قطع متساوية ...نكون منها خبزات اي نقرصها

ثالثا تحطي الكورات العجين داخل كيس بلاستكي باش ماتنشفش ..وابداي تطرحيها رقيقة وتحطيها في قطعة قماش ..بالوحدة حتى تكمليها

رابعا ...كي تكملي الطريحة ...تسخني الطجين تاعك ...ونبداي اطيبي فها ..لكن غير تجمد برك على الجيهتين ..بلاماتنساي تتقبيها باش ماتتنفخلكش وتولي غير قشور اثناء التشخشيخ..كل ما طيبي خبزة قطعيها ارباع وحطيها في طرشونة وغطيها حتى تكملي

خامسا ...كي تكملي ...خلها تبرد ولميها في طرشونة ومن بعد كيس بلاستكي والى المجمد .وفي كل مرة تحتاجي تشخشخي اجبديها من المجمد قبل بفترة ..وشخشخي ..وهكا حتى تكمليها ...

نتمنى نكون وفيت في الشرح ...و نشكر الاخت ريمة لي ...جمعتلي التفاصيل الف شكر

وفي االاخير نحطلكم طرقتي في طهيا لشخشوخة بالمرق واللحم ....ودعوة خير تكفني ....

حبيت برك نضيف ملاحضة.....الشخشوخة قبل طهيها باللحم نيبسها سع...ونصيرها.....يعني نغربلها ..في سيار الزرع ..مانعرف كيفاش تسموه ..عيونومفتوحة ..شوية .....باش يهبط الدقداق..والفتفات وتبقى الشخشوخة صافية ماتعجنش كي تجمريها

القبايلية · 2016-11-20, 15:20

رائع أم هدول يعطيك الصحة

RIMA.87 · 2016-11-20, 15:25

و عليكم السلام و رحمة الله و بركاته
بسم الله ما شاء الله عليك ام هدول ،
شرح كافي ووافي و طبق تقليدي بامتياز و يشهي رغم انو لم يحصل لي الشرف بعد ان اتذوقه لكن اكييييد رائع و من تحت اديك اختي ام هدوول راح يكوون اروع
العفو اختي رانا هنا حتى نستفيد و نفيد بما نعرفه و الحمد لله انو اعجبتك طريقة الوصفة المصورة .
و ربي يبارك فيك و يحفظك على مجهوداتك و يجعلها في ميزان حسناتك.

و بالتوفييق في المسابقة .

نور الإسلام26 · 2016-11-20, 15:27

سلام عليك
الله يبارك يعطيك الصحة بالتوفيق
ان شاء الله

ام حمزة22 · 2016-11-20, 16:15

السلام عليكم

يعطيك الصحة ام هدول طبق رائع ويشهي
شكرا على مشاركتك لنا الطبق بارك الله فيك
تحياتي
سلاااام

انا هي رزيقة · 2016-11-20, 16:33

يا مامي على ام هدول نمووووت و ندوق هذ الشخشوشة الزينة من ايديك الحلوين بارك الله فيك على الجهد الكبير لي بذلتيه في الشرح الوافي و الكافي اختي جعله الله في ميزان حسناتك و بالتوفيق اختي

أم رقية نسرين · 2016-11-20, 16:56

يعطيك الصحة ام هدول انا راجلي و خاوتي يموتو عليها
بصح ام هدول تعيشي انا مالفة كي نطيبها و نحيها من الطاجين طول نحطها في طرشونة نظيفة من بعد في ساشي باه تبقالي طرية

أم رقية نسرين · 2016-11-20, 16:57

و احلى تقييييم

حياتي كلها امل · 2016-11-20, 17:05

ام هدول وفيتي وكفيتي في الشرح رغم اني عمري ولاذقتها انحاول انسيها وكيماوتقولي يارب تعجب الجمهور

كوثر التائبة · 2016-11-20, 17:17

روعة ام هدول شخشوخة تاع حراير

ام هدول · 2016-11-20, 17:21

اقتباس:

المشاركة الأصلية كتبت بواسطة القبايلية

رائع أم هدول يعطيك الصحة

شكرا لمرروك الطيب

اقتباس:

المشاركة الأصلية كتبت بواسطة rima.87

و عليكم السلام و رحمة الله و بركاته
بسم الله ما شاء الله عليك ام هدول ،
شرح كافي ووافي و طبق تقليدي بامتياز و يشهي رغم انو لم يحصل لي الشرف بعد ان اتذوقه لكن اكييييد رائع و من تحت اديك اختي ام هدوول راح يكوون اروع

العفو اختي رانا هنا حتى نستفيد و نفيد بما نعرفه و الحمد لله انو اعجبتك طريقة الوصفة المصورة .
و ربي يبارك فيك و يحفظك على مجهوداتك و يجعلها في ميزان حسناتك.

و بالتوفييق في المسابقة .

شكرا نورتني برمروك ووشكرا على الدعاء وليك بالمثل ...

اقتباس:

المشاركة الأصلية كتبت بواسطة نور الإسلام26

سلام عليك
الله يبارك يعطيك الصحة بالتوفيق
ان شاء الله

شكرا ..لمرروك وكلامك الطيب

اقتباس:

المشاركة الأصلية كتبت بواسطة ام حمزة22

السلام عليكم

يعطيك الصحة ام هدول طبق رائع ويشهي
شكرا على مشاركتك لنا الطبق بارك الله فيك
تحياتي
سلاااام

شكرا ..منورة بطلتك ...ومرروك

اقتباس:

المشاركة الأصلية كتبت بواسطة انا هي رزيقة

يا مامي على ام هدول نمووووت و ندوق هذ الشخشوشة الزينة من ايديك الحلوين بارك الله فيك على الجهد الكبير لي بذلتيه في الشرح الوافي و الكافي اختي جعله الله في ميزان حسناتك و بالتوفيق اختي

ياريت كنت نطيبها ونجيبهالك ...الف شكرعلى مرروك وكلامك الزين

اقتباس:

المشاركة الأصلية كتبت بواسطة طالبة تاريخ

يعطيك الصحة ام هدول انا راجلي و خاوتي يموتو عليها
بصح ام هدول تعيشي انا مالفة كي نطيبها و نحيها من الطاجين طول نحطها في طرشونة نظيفة من بعد في ساشي باه تبقالي طرية

ايه مريومة ...راني شرحت انو كي نطيبها نحطها في طرشونة نضيفة ونخلها تبردبرك شويةباش ماتنديش على بعضها ..وتتعجن بويسك راهي مجمدة برك ماش طايبة مليح

اقتباس:

المشاركة الأصلية كتبت بواسطة طالبة تاريخ

و احلى تقييييم

شكرا الفشكر حبيبتي نوررتي صفحتي

اقتباس:

المشاركة الأصلية كتبت بواسطة حياتي كلها امل

ام هدول وفيتي وكفيتي في الشرح رغم اني عمري ولاذقتها انحاول انسيها وكيماوتقولي يارب تعجب الجمهور

ان شالله ام هاجر ولما لا ...شكرا لمرروك الطيب

القناعة كنز · 2016-11-20, 17:44

اممممم ام هدوى من بعد نصورلك تاعنا منشورة خخخخخخ نهار نطيبها نحطها فالكوزينة
بالتوفيق

ام مصعب111 · 2016-11-20, 18:36

ما شاء الله يعطيك الصحة
بالتوفيق

mosta*limoges · 2016-11-20, 19:15

أممممم أم هدول تسلم الأيادي شهيتيني بالتوفيق

طيور الجنان · 2016-11-20, 20:02

امممم ام هدول الشخشوخةتاع الضفر هاااايلة احنا في دارنا مانستغناوش عليها نخدموها نيبسوها و نخبيوها وقت مانحتاجو نطيبو برك و نخدموها بنفس طريقتك تماما احنا برك مانديروش معاها الكرجات في الطياب. بابتوفيق حبيبتي في المسابقة