ماعرفتش نضبط حرارة فرني اريستون

[ام محمّد]

عندي فرن اريستون
اللي نديرها تطيب فيه تقعد قرن
الموسكوتشو تجيب ساعة ..البيتزا كيفكيف..والدجاجة قالتلهم قاع رقدو من ثلث سوايع لفوق وحتى القراتان اللي نديره للعشا قولي يوجد قيس السحور كرهني فالكوزينة والطياب عندي عامتقريبا غي مراقي وقلي لا قاطو لا غراتان لا محمر
هو الصابلي زعم يدره بصح انا كرهته ومانقدرش نشري وحداخر ماعنديش وين نحطه كوزينتي صغيرة.

[ام صفصف]

ان شاء الله تدخل وحدة عندها نفس لامارك وتساعدك

[sihtraduct]

انا عندي ariston encastrable بصح يطيب عادي انا نديرو كيما لجاج 220 و تحبط شباك بصح ما يطولش لهذا الدرجة

[Om mimi]

عندي ariston -hotpoint هايلة في الطياب و مساعدتني البيتزا نسخن على اعلى درجة و نقص شوي و نطليب 5دقايق توجد و مانبدلهاش لاني والفتها

[فـرح]

انا تاني مرة ما تحمرتليش الجاجة وطولت فالطياب ما فهمتش علاش
الباقي البيتزا والموسكوتشو ولي غراتان يوجدو نورمال سخنيها برك مليح

[الايمان بالله]

عندي اريستو كويزنيار نفس االمشكل ثقيل في الطياب وما تحمرش الغرتان من الفوق والدجاج يطول فيها الحاجة الزينة البقلاوة طيبها روعة وما عرفتش منين يز يدلها في النار

[جهينة اليقين]

عندي اريستون بصح غير لبلاك النار تاعها هايلة مزية ما شريتش الفرن على حساب ما راني نشوف ماكان ما كان

[sidahmed13]

شكرا، شكرا، شكرا