دورة خطواتي الواثقة لأصبح ربّة بيت متألّقة

[omelbanin]

ام متين ضرك نبعتلك لخياطة ما تخميش

[حياتي كلها امل]

اللهم بك اصبحنا وبك امسينا وبك نحيا وبك نموت واليك النشور
يارب نور لنا ايامنا لطاعتك واسعدنا بقربك اللهم فرج هم كل مهموم واشفي كل مريض

[جهينة اليقين]

اصبحنا واصبح الملك لله وحده لاشريك له له الملك وله الحمد وهو على كل شيء قدير

[جهينة اليقين]

ام متين هل تم الوضوء وقراءة سورة الملك نذكرو بعضانا حتى تتثبت عندنا هذه العا دة فيما يخص الخياطة ام متين تشد بلصة لالالا انت تفوتي ديراكت بيسطو

[جهينة اليقين]

اسيل ما يكون غير الخير حبيبتي روحي عند الطبيب وما تستهرايش كيم قالت لك لجين

[mariamalak]

أَصْبَـحْـنا وَأَصْبَـحْ المُـلكُ للهِ رَبِّ العـالَمـين ، اللّهُـمَّ إِنِّـي أسْـأَلُـكَ خَـيْرَ هـذا الـيَوْم ، فَـتْحَهُ ، وَنَصْـرَهُ ، وَنـورَهُ وَبَـرَكَتَـهُ ، وَهُـداهُ ، وَأَعـوذُ بِـكَ مِـنْ شَـرِّ ما فـيهِ وَشَـرِّ ما بَعْـدَه.

[~اسيل ريحانتي~]

//////////////////////////////////////////////

[جهينة اليقين]

بالاكي تروحي غير لطبيب واحد راكي عارفة بلادنا روحي لثنين او ثلاثة هذي صحتك باش تتاكدي مليح واش عندك وما تتقلقيش على العملية

[mariamalak]

اسيل حنونة ان شاء الله ما يكون غير الخير علاش عليك قاع هذا الشي روحي لطبيب يطمنك و ما تتسرعيش و ديري عملية

[mariamalak]

بالنسبة للاولاد اللي عندهم صعوبات القراءة
هوما من النوع اللي يصعب عليهم التركيز و ما يحبوش القراءة لانها تاخذ منهم مجهود و تلقايهم يقراو سطر و لا 2 و. يولي ينهج لذلك لازم نوفرولهم جو هادىء بعيد عن الصراخ و التلفاز ...و لازمهم متابعة مستمرة اي درس يديروه تعاوديهلو فالدار لانو يعتمد على الفهم اكثر من الحفظ و التمارين المنزلية مثلا درس في الرياضيات حول القسمةيريلو تمارين حتى تتاكدي بلي فهم مليح
بالنسبة للقراءة ما تخليهش يقرا وحدو يمل و ما يقراش مليح اقعدي معاه هو يقرا صفحة و انتي صفحة و مع الوقت يوالف و يولي يقرا وحدو
التاريخ لازم تقسميلو الدرس كل مرة يحفظ شوي ما تخليش الدروس يتراكمو عليه
القران اكتبيلو السورة في سبورة و لا لوحة غير يحفظ اية امسحيها و هكذا حتى يكمل قاع السورة
على الاشياء هذي تاخذ. وقت بصح اذا ما خدمتيش معاه صغير كي يكبر تزيد تصعاب عليه القراية و ما تقدري ديريلو والو
تتعبي معاه ديريلو لاباز و مبعد تشوفي كيفاش يتبدل و يتعلم يركز

[ام شمسو محمد]

المشاركة الأصلية كتبت بواسطة mariamalak

بالنسبة للاولاد اللي عندهم صعوبات القراءة
هوما من النوع اللي يصعب عليهم التركيز و ما يحبوش القراءة لانها تاخذ منهم مجهود و تلقايهم يقراو سطر و لا 2 و. يولي ينهج لذلك لازم نوفرولهم جو هادىء بعيد عن الصراخ و التلفاز ...و لازمهم متابعة مستمرة اي درس يديروه تعاوديهلو فالدار لانو يعتمد على الفهم اكثر من الحفظ و التمارين المنزلية مثلا درس في الرياضيات حول القسمةيريلو تمارين حتى تتاكدي بلي فهم مليح
بالنسبة للقراءة ما تخليهش يقرا وحدو يمل و ما يقراش مليح اقعدي معاه هو يقرا صفحة و انتي صفحة و مع الوقت يوالف و يولي يقرا وحدو
التاريخ لازم تقسميلو الدرس كل مرة يحفظ شوي ما تخليش الدروس يتراكمو عليه
القران اكتبيلو السورة في سبورة و لا لوحة غير يحفظ اية امسحيها و هكذا حتى يكمل قاع السورة
على الاشياء هذي تاخذ. وقت بصح اذا ما خدمتيش معاه صغير كي يكبر تزيد تصعاب عليه القراية و ما تقدري ديريلو والو
تتعبي معاه ديريلو لاباز و مبعد تشوفي كيفاش يتبدل و يتعلم يركز

بارك الله فيك اختي مارياملك على الافادة ،الحق انو كثير من مشاكل التمدرس عند الابناء سببها اخطاء الاهل في التلقين ،يعني مكانش نسق واحد ،كل طفل راهو حالة تعامل بشكل خاص،مش كي يعجز الطفل نزيدو عليه بالصراخ والاهانة.
وكاين مشاكل ايضا عند التلميذ الذكي ،بحيث يعود اتكالي في مراجعتو كي تخليه وحدو ما يعرفش منين يبدا و تدهور نتائجو
احسن طريقة لتدريس ابناءنا هي اعطاءهم منهج يعتمدو عليه في المراجعة وفق حالتهم الذهنية

[جهينة اليقين]

راني كي نضت الصباح نحيت الغلافات تاع المخاد ولا اوس باش ينغسلو مع الريدوات ماشي اليوم وبقالينخرج الماطلا ننفضها ونمسح الخشب ونمسح التاقة بدون ما نسيح الماء بزاف كيم قالت ملاك ومن بعد نشوف سلام

[~اسيل ريحانتي~]

شكرا فراشاتي ربي يخليكم

انا ليوم باذن الله راح نغسل ستائر غرفة النوم ولفراش تاع السرير والمخايد ونمسح الغبرة
ماريا ملاك عندك الحق لازم نشوف طبيب شكرا حبيبة
سلااااام

[غزالة1]

السلام عليكم
اسيل ربي يشفيك و يعافيك اختي و كيما قالو الاخوات زيدي شوفي راي طبيب اخر و لا تلجئي للجراحة خليها اخر المطاف

[omelbanin]

السلام عليكم، حبيبتي أسيل ما يكون غير الخير، ان شاءالله.
ماريا ملاك، صحيتي ختي.
ام متين اليوم المدارس راهم في إضراب،ما قراوش الأولاد، ابروفيتي كاشما تخدمي. ههه.

انا اليوم، غسلت لي صوندولي، ووحد لفراش خفيف.
وراح نمسح النافذة، ونسرج جهة من الخزانة،
لفطور راهو يطيب، درت شربة فريك. ومبعد نزيد سلطة. وربي ورحمتو.