دورة خطواتي الواثقة لأصبح ربّة بيت متألّقة

[~اسيل ريحانتي~]

راح نمحي تطبيقي للحمام وتفاصيله حتى نحلو في قسم الدردشة ان شاء الله

[غزالة1]

صباحكم 😁 😁 😁
صباح الخياطة و الكروشي
من الصباح و انا اكمل ما بداته البارحة من كتابة البرامج و الروتينات
مازال الاهداف نعدل فيها
قسمت تنظيف المطبخ على مدار 5 ايام على فكرة ام لينا
كتبت بعض المنتجات للتجميل لما تجي الشهرية نشتريها
في الجانب الديني كتبت صلاة الضحى نحاول نركز و نصليها حتى تكون عادة يومية
في جانب الخياطة خصصت يوم في الاسبوع لاقرا فيه درس من الانترنت و احاول تطبيقه هو في بداية العام تعلمت رسم الباترون لم اجد صعوبة فيه لكن للاسف التطبيق على القماش صعب قليلا
سلام يا حلوات

[تاج الهناء]

المشاركة الأصلية كتبت بواسطة ~اسيل ريحانتي~

صباح الخيرات اختي ام تغاريد

ملاحظة أخرى : نفتحو ان شاء الله صفحة في قسم الدردشة نهدرو فيها على تطبيقات الجانب الجمالي
لانو هاد القسم يشوفوه الرجال وصراحة ماجاياش يقراو واش رانا نديرو
يعني هنا في الدورة نكتبو فقط اذا تم التطبيق ام لا دون الخوض في التفاصيل
وفي قسم الدردشة نهدرو على راحتنا
موافقات
هدي النقطة بالذات خممت فيها البارح مين حطيت تطبيقي للحمام المغربي كنت نكتب تفكرت بلي هدا القسم مخلط قادر يدخلو الرجال ويقرو واش رانا نكتبو والله العظيم حطيت تطبيقي وقلبي ماشي مرتاح
عجبتني فكرة نحلو موضوع في قسم الدردشة هكدا نكتبو تطبيقاتنا وحنا مرتاحين
وبالنسبة لروتين العناية الشخصية ماعنديش مشكل عندي بعض ليماسك موالفا نستعملهم نقدر كل مرة نحط وصفة نتبعوها معا بعض ولي عندها خبرة في هدا المجال ماتبخلش علينا نتعاونو كلنا مادابينا /size]

[/center][/i][/b]

عندك الحق نسينا ارواحنا كامل و شكرا على اهتمامك

[حياتي كلها امل]

ايه غزالة انا وام البنين خواتات
الي سقسات على ماركة الكابتن انا وليد لوستي كان يبيع هذو الزيوت والاعشاب كان دايمن ينصحنا بماركة الكابتن ويقول انها هي المليحة

[~اسيل ريحانتي~]

[center][/center]

المشاركة الأصلية كتبت بواسطة حياتي كلها امل

ايه غزالة انا وام البنين خواتات
الي سقسات على ماركة الكابتن انا وليد لوستي كان يبيع هذو الزيوت والاعشاب كان دايمن ينصحنا بماركة الكابتن ويقول انها هي المليحة

حبيبتي بارك الله فيك على المعلومة حتى منتجات شركة هيماني نظن مليحة قالهالي العطار قال منتجات هيماني تاع باكستان معروفين عالميا وقالي شوفي في اليوتيوب تعرفي عليها شريت من منتجاتهم والصراحة عجبوني وحبيت نزيد نتأكد لا كلامه صح ولا تبلعيط هههههه

والكابتين شكرتهم تاني وحدة صيدلانية كانت دايرة موضوع في قسم لجمال العروس
تسما كان عندي شوية معلومات عليهم غير حبيت نزيد نشارشي ههههه وشكرا زدتي طمنتيني

[جهينة اليقين]

بسم الله الذي لايضر مع اسمه شيء في الارض ولا في السماء وهو السميع العليم

[حياتي كلها امل]

اللهم راني اسالك خير هذا اليوم وخير مابعده واعوذ بك من شر هذا اليوم وشر مابعده

[جهينة اليقين]

ام تغاريد بالطبع انا هوايتي الخياطة ما شي نتعلم وانما نكمل حوايج الناس الي بقات لي من الصيف لاني مرات اتكاسل واتحجج بشغل المنزل وكذلك احب الكروشي في الشتاء نموت عليه كل عام نشوف الجديد فالنت ونبدا نخدم

[ام شمسو محمد]

اللهم اني اصبحت منك في نعمة و عافية و ستر فاتم علي نعمتك و عافيتك و سترك في الدنيا و الاخرة

[~اسيل ريحانتي~]

اصبحنا واصبح الملك لله ما اعذب الصباح حين يتنفس بذكر الله

[ام شمسو محمد]

ام تغاريد بالعقل على روحك مزلت حتى نافس.وهذا العام كامل التاي غير بابنك وماتخليش هذاك الاحساس بالذنب يسيطر عليك .اعظم وظيفة في الدنيا هي الامومة .هي اللي تخلينا نجريو هكذاك ونخدمو و نقضيو هي اللي تعطي لكل شي معنى
تقبلي بانك في هذي المرحلة موظفة في خدمة رضيع وهي مهمتك الرئيسية وباقي المهام بعدها .عندنا مثل يقول ..ام اليشير مبطولة ولو كان تكون غولة....استغلي اوقات فراغك منو في العمل المنزلي و ارضاي بالقليل مش لازم الكمال ماهي الا فترة قليلة و تجوز وترجعي للاعمال الكادحة .استعيني بمن حولك باباه يقدر يحكمو كيكون في الدار .وماتنساوش الاستعانة بالاذكار اللي لقنها الرسول صلى الله عليه و سلم لسيدنا علي .
ورغم كل ذلك رايحة تتعبي بشدة .لكن ماتضيعيش المتعة العظيمة تاع الوقت اللي تقضيه مع ابنك فهو لايقدر بثمن

[جهينة اليقين]

نعم يا غزالة هما اختان صرحت لنا في الدردشة واخيرا اكتشفنا السر الي كان مخبي سنين ههههههههه

[غزالة1]

المشاركة الأصلية كتبت بواسطة جهينة اليقين

نعم يا غزالة هما اختان صرحت لنا في الدردشة واخيرا اكتشفنا السر الي كان مخبي سنين ههههههههه

انا لم اكن اطلع على الدردشة كثيرا خاصة لما مرضت
لكن لاباس راني نسالهم صحن قالو باش نرضى :-p و الا نزعف :@ هههه

[oum rahma]

نهاركم طيب حبيباتي
الله يبارك نشاط وحيوية
اختي اسيل ربي يبارك فيك على افكارك وعلى مشاركاتك كلها قيمة
آمس الحمد لله عملت كل التطبيقات ووفي اشغال البيت روعة
بصح ليوم صبحت لا علاقة ..
يومكم موفق فراشاتي

[~اسيل ريحانتي~]

تطبيقي لروتين الصباح
النهوض باكرا تم
غسل الوجه والاسنان ومشط الشعر وماكياج خفيف وووو تم والحمد لله
رتبت كالعادة غرفة النوم وغرفة الاطفال مسحت الغبرة ومسحت ادراج البلاستيك الخاصة للأطفال كانت في حالة ههههه
الغذا كاين من امس وغسلت الاواني وسيقت ونظفت الحمام والدوش تنظيف خفيف
والحمد لله