💖 حلوياتي التقليدية بلمسة عصرية ولا أحلى ولا أروع 💖

chez biba · 2016-09-28, 14:15

🎀 السلام عليكم ورحمة الله وبركاته 🎀
في الحقيقة الوصفات ✨ تقليدية مع إضافات بسيطة ✨ يعني ممكن معظمكم يعرفوها ولا جربوها 😊 لكن هدفي واحد هو مشاركتم بأفكار جديدة بلمسة عصرية وبأبسط الطرق تكون في متناول الجميع 💝 واكييييد النتيجة أنو الذوق يكون هاااايل 👌
نبداو بسم الله :

👑 صابلي الأميرة بالفلان 👑

المقادير:
250غ زبدة طرية
2علب فلان بنكهة الفراولة أو الفانيليا
فنجان زيت
½ كأس سكر ناعم
فرينة حسب الحاجة

التزيين:
شوكولاتة بيضاء مذابة
ملون غذائي

طريقة التحضير:
نخلط الزبدة جيدا مع السكر ثم نضيف الزيت ونخلط.

نفرغ الفلان مع الاستمرار في الخلط ونضيف الفرينة بالتدريج حتى نحصل على عجينة طرية.

نشكل كويرة ونضغط عليها جيدا في قالب السيلكون

نضع القالب على صينية فرن ثم تطهى في فرن مسخن من قبل 180° حتى تأخذ لون ذهبي نوعا ما.

نتركها تبرد تماما.

نذيب الشوكولاتة وندهن بها نفس القالب وقبل أن تجف الشوكولاتة نضع فوقها حبات الصابلي

ندخلها المجمد حتى تجف الشوكولاتة بسرعة ثم تزال من القالب.

ونقدموها في لي كيسات 🌸

يمكن ان تستعملي الشكولاتة السوداء وهي أيضاً تعطي نتيجة رائعة

📷 الوصفة مصورة 📷

💐💐 يتبع 💐💐

chez biba · 2016-09-28, 14:16

❤️💛 قاطو الجلجلان بالبيمو 💛❤️

المقادير: (كيلة = كأس 250 سل)
2 كيلة كاوكاو محمص ومرحي خشن
1 كيلة بيمو مرحي
½ كيلة سكر عادي
فنجان صغير زبدة ذائبة
مبشور ليمونة
م ص خميرة كيميائية
فانيليا
بيض (نستعمل بيضة مقابل 2 بياض)

للتزيين:
جلجلان
عسل مضاف إليه قليل من ماء الزهر
معجون المشمش / أو كرز مجفف

التحضير:
في صحن نخلط جميع المقادير ونبدأ بإضافة البيض نضيف بيضة + 2 بياض حتى تجمع العجينة اما اذا أما إذا كانت رخوة يمكن إضافة البيمو.

نشكل كويرات بنفس الحجم.
نغطسها في بياض البيض ثم في الجلجلان ونضعها في مول السليكون ( الشكل حسب الرغبة).

أو يمكن عمل كويرات ونضعها في حاويات ورقية .

وندخلها للفرن على درجة 180° مع مراقبتها لانها خفيفة وتنضج بسرعة.

من جهة ندفئ العسل وفور خروج الحلوى من الفرن نغطسها ونسقيها بالعسل .

نزين الحلوى بمعجون المشمش أو بنصف حبة كرز.

شوفو من داخل كيفاش معسل اممممممم ويذوب في الفم وطعمتو خياااااال

📷 الوصفة مصورة 📷

💐💐 يتبع 💐💐

chez biba · 2016-09-28, 14:17

🍫 حلوى الطبقات بالمعجون 🍫

المقادير:
5 بيض
½ كأس سكر عادي
3 م ك عسل
1 م ص فانيليا
مبشورالليمون أو البرتقال
كأس مزيج من الزبدة الذائبة والزيت
1 علبة ياغورت طبيعي
قرصة ملح
3 م ك نشاء
2 خميرة كيميائية
700غ فرينة (حسب النوعية المستعملة)
مربى المشمش
شكولاتة مذوبة مع قليل من الحليب وقليل من الزيت للتزيين

طريقة التحضير:

في وعاء نخلط البيض، السكر، العسل والفانيليا بالخلاط الكهربائي حتى يتضاعف الخليط ويصبح أبيض.
أضيفي مزيج الزبدة والزيت، علبة الياغورت، قشور الليمون/أو البرتقال وقرصة الملح مع الاستمرار في الخلط.
غربلي كل من النشاء والفرينة والخميرة الكيميائية وأضيفي بالتدريج حتى تتحصلي على عجينة طرية.
اقسمي العجينة إلى 3 كريات متساوية.

ادهني صينية الفرن بالزبدة ورشيها بالفرينة

افردي الكرية الأولى وضعيها في الصينية مع ثقبها بالشوكة ونضع فوفها المربى دون الوصول إلى الحواف.

ونفعل نفس الشيء مع الكرة الثانية ونضعها فوق الطبقة الاولى وندهن فوقها المربى.

ونفس الشيء مع الاخيرة لكن بدون مربى .

ندخلها الفرن على درجة حرارة 180° لمدة 25 إلى 30 دقيقة.

وعندما تطهى نقلبها فوق شبك ونتركها حتى تبرد تماما.

نذوب الشكولاتة ونضعها فوقها ونزينها بخطوط من الشكولاتة البيضاء

ونقطعها الى معينات.

عن قرررررررب

📷 الوصفة مصورة 📷

اذا عجبوكم الوصفات ما تنساوش التقييم ⭐️ ودعوة خير عن ظهر الغيب ولكم بالمثل 💐💐

om obaida · 2016-09-28, 14:24

رائعة يعطيك الصحة

imanaz · 2016-09-28, 14:36

رائعة شكراااااااااااااااااا

زينب 83 · 2016-09-28, 15:47

ما شاء الله تسلم الايادي شي بيبا
يثبت الموضوع تشجيعا لك باه ماتزيديش تهربي ههههه
و كذلك باه يستفادو الاخوات خاصة المبتدئات لانه وصفاتك موثوقة

chez biba · 2016-09-28, 15:54

الله يسلمك om obaida
الشكر ليك imanaz على مرورك العطر

chez biba · 2016-09-28, 15:57

اقتباس:

المشاركة الأصلية كتبت بواسطة زينب 83

ما شاء الله تسلم الايادي شي بيبا
يثبت الموضوع تشجيعا لك باه ماتزيديش تهربي ههههه
و كذلك باه يستفادو الاخوات خاصة المبتدئات لانه وصفاتك موثوقة

بارك الله فيك زينوبة على التثبيت وشهادتك اعتز بيها
والله كانت ظروف فقط لي منعتني والحمد لله

كوثر التائبة · 2016-09-28, 15:58

فن ماشاء الله عليك عجبني بزاف تاع الحلجلان والبيمو راح نجربو عن قريب

chez biba · 2016-09-28, 16:08

اقتباس:

المشاركة الأصلية كتبت بواسطة كوثر التائبة

فن ماشاء الله عليك عجبني بزاف تاع الحلجلان والبيمو راح نجربو عن قريب

ان شاء الله حبيبة ربي يخليك وراح تلاحظي انو كل ما يطول كل ما يزيد في البنة والطراوة المهم حطيه في بوغت مونجي وأغلقي عليه وبما انو الجو بارد ما راحش يفسد