مساعدة حول التسجيلات ارجوووووووووكم

[samalg]

واش راكم لاباس خوتي؟؟؟
عندي مشكل مع الوثائق نتاع التسجيل رهي مخلطة عليا
اولا في ملف التسجيل كاتبين شهادة النجاح وبين قوسين كشف النقاط وانا عندي شهادة وعندي كشف كل واحد وحدو وينهو منهم لي نديه وهل صحيح نعطوهم الاصلية ولا غي النسخ
ثانيا تعهد الطالب بعدم تسجيله في الجامعة ببكالوريا ثانية واش نكتب في هاذ التعهد اعطوني نموذج لي عندو فكرة عليه
ثالثا في ملف الاقامة دايرين نسخة من شهادة التسجيل هاذي ما فهمتهاش وينهي الشهادة لي راهم يحوسو عليها ودايرين تعهد الولي للتكفل بالمستحقات المالية هاذا تاني واش يكتبو فيه واعطوني نموذج ارجوكم وهل صحيح ندفعو دراهم على الغرفة لي ندوها قالو لي يخلصو 460 دج
رابعا ملف المنحة مازال ما وجدتش الاوراق كاملين الشاك مازال ما وصلنيش عاوني غي وحد الرقم نتاع سي سي بي لازم نحط الملف غدوا ولا معليش يتأجل ودايرين فيه نسخة من الشهادة المدرسية للسنة الجامعية الحالية وهاذ الورقة ما عنديش

هاذو هوما سمحولي كثرت عليكم الاسئلة بصح راهي مخلطة عليا ونتوما راكم حاسين بيا لانو كامل رانا غارقين فاالاوراق فالجزائر باش تحاول تبني المستقبل نتاعك لازم لك صندوق نتاع اوراق باش تبدا الله غالب
راني نستنى فالاجابات نتاوعكم بسرعة لو سمحتم

[minoucha 15]

لوثائق المطلوبة للتسجيل النهائي :
– كشــف النقــاط الأصــلي للباكالوريا (استخــرج عــدة نســخ لاستعمــالها لاحقــا)
– 02 صور شمسية
– وصل دفــع حقــوق التسجيــل بقيمــة (200 د.ج) التسجيل
ملف المنحة:
1- استمارة المعلومات تسلم من طرف الإدارة
2- نسخة من شهادة البكالوريا
3- نسخة من شهادة التسجيل للسنة الجامعية الحالية
4- شهادة الميلاد
5- ظرفان بريديان باسم وعنوان الطالب
6- صورتان شمسيتان
7- صك مشطوب للحساب البريد الجاري للطالب
8- شهادة عدم عمل للطالب تستخرج من البلدية.
9- كشف مداخيل الأبويند
ملف الإيواء:
1– استمارة المعلومات تسلم من طرف الإدارة.
2– نسخة من شهادة البكالوريا.
3– نسخة من شهادة التسجيل في الجامعة.
4– شهادة ميلاد.
5– شهادتان طبيتان (عامة وصدرية).
6– أربعة (04) أظرفة مع الطوابع البريدية باسم وعنوان الطالب.
7– أربع (04) صور شمسية.
8– بطاقة الإقامة.
هي فيها دراهم مي والله نسيت شحال.. انتادي معاك واش خسرتي

[نان كيومي]

سارتب عليك ما تفعلين
1- دري فوتوكوبي على كشف النقاط حوالي 10 نسخ
2- وجدي في ملف التسجيل كشف النقاط الاصلي هذاك اذا مديتيه ما يرجعش ملا علابيها درنا فو توكوبي عليه
3- التعهد هوما يمدولك نسخة موجدة من عندهم تسينيي و تكتبي اسمك فيها برك و اذا ما عندهم - ربي يسامحهم هذي هي الجامعات - ادي ورقة بيضاء كي تروحي للجامعة تتلاقاي مع بنات تتفاهمو على التسجيل ولا تسقسيهم هوما كيفاش تكتبيه -هذي خدمتهم - المهم الموضوع ديالو يدور حول: أنا الممضي اسفله اتعهد بعدم التسجيل ببكالوريا ثانية و بلابلابلا
4- نسخة التسجيل في ملف الاقامة هي هاذيك لي درتي عليها فوتوكوبي من قبل
5- بخصوص الشك لا اظن انهم يطالبون به في التسجيل - يبداو بالتسجيل بسم الله و يفريوها برك و من بعد يدورو للمنحة- انا ديبوزيتو في سبتمبر و كاين حتى لاكتوبر عندك الوقت

نتي كي ديبوزيتي لا دوموند تاع الشك يعطوك ورقة مع اللول فيها نيميرو تاع الكونت
اذا خرجلك الشك في سبتمبر اللهم بارك تديه و خلاص و اذا ما خرجش تدي هذيك الورقة و اذا تبحرت تروحي للبوسطة تطلبي منهم وثيقة بلي هذاك الكونت نتاعك باسكو الجامعة يسحقو النيميرو نتاع الشك مصادق عليه هذا ماكان باش يبعتو الدراهم
ارجو اني فهمتك بيان خخخخخخخخخخخخخ

[samalg]

المشاركة الأصلية كتبت بواسطة نان كيومي

سارتب عليك ما تفعلين
1- دري فوتوكوبي على كشف النقاط حوالي 10 نسخ
2- وجدي في ملف التسجيل كشف النقاط الاصلي هذاك اذا مديتيه ما يرجعش ملا علابيها درنا فو توكوبي عليه
3- التعهد هوما يمدولك نسخة موجدة من عندهم تسينيي و تكتبي اسمك فيها برك و اذا ما عندهم - ربي يسامحهم هذي هي الجامعات - ادي ورقة بيضاء كي تروحي للجامعة تتلاقاي مع بنات تتفاهمو على التسجيل ولا تسقسيهم هوما كيفاش تكتبيه -هذي خدمتهم - المهم الموضوع ديالو يدور حول: أنا الممضي اسفله اتعهد بعدم التسجيل ببكالوريا ثانية و بلابلابلا
4- نسخة التسجيل في ملف الاقامة هي هاذيك لي درتي عليها فوتوكوبي من قبل
5- بخصوص الشك لا اظن انهم يطالبون به في التسجيل - يبداو بالتسجيل بسم الله و يفريوها برك و من بعد يدورو للمنحة- انا ديبوزيتو في سبتمبر و كاين حتى لاكتوبر عندك الوقت

نتي كي ديبوزيتي لا دوموند تاع الشك يعطوك ورقة مع اللول فيها نيميرو تاع الكونت
اذا خرجلك الشك في سبتمبر اللهم بارك تديه و خلاص و اذا ما خرجش تدي هذيك الورقة و اذا تبحرت تروحي للبوسطة تطلبي منهم وثيقة بلي هذاك الكونت نتاعك باسكو الجامعة يسحقو النيميرو نتاع الشك مصادق عليه هذا ماكان باش يبعتو الدراهم
ارجو اني فهمتك بيان خخخخخخخخخخخخخ

هههههههههه وي اكيد فهمت مليح ربي يحفظك

[Rencover]

في ملف الاقامة نسخة من شهادة التسجيل
هادي شهادة التسجيل يمدوهالك كي تخلصي تسجلي في الجامعة
يعني بعد ما تحطي ملف التسجيل للغدوة و لا ما نعرف شحال من الوقت يمدولك بطاقة الطالب و شهادة مدرسية و شهادة التسجيل
هادي شهادة التسجيل ديري عليها فوتوكوبي تسحقيها في ملف الاقامة و ملف المنحة ايضا

[oussamaleo]

هل تفتح الجامعات يوم الجمعة و السبت

[أم سلوى]

المشاركة الأصلية كتبت بواسطة oussamaleo

هل تفتح الجامعات يوم الجمعة و السبت

الجمعة اضن لا..اما السبت نعم...رايي فقط

[brahim59]

اكيد يوم السبت فيها

[oussamaleo]

نعم حتى الجمعة و فيها

[hakou96]

تحويل جامعي