شركة نصاااااااااااااااااااااابة الله لا تربح لي دخلني فيها راني داخلة لها في 7 اشهر و دخل معي عمي و والله كلامهم يلعبلك بعقلك انا سجلت معهم ب 20 مليون و كله دين و لازم تجيب معك شريكين و كل شريك يجيب زوج اذا عندك لي يدخل معك راك ربحت اذا حالتك مقحطة و مكانش لي دخل معاك راك مربحت والو في الاول يقولولك كاين سيستام يسهل عليك تجيب الشركاء و متخممش في شركاء و رح تربح و في غضون 3 اشهر ترجع مالك و ربحك و ترجع رتبتك ليدر و تربح عملات اسبوعية و جابولي دلائل بلي حلال و انا من ناحية الشرع مقتنعة انها حلال لكن هي مغامرة و زيد حاليا اذا بغيت تسجل رح تسجل ب 25 مليون و لما تقول المبلغ كبير يقولك المبلغ قليل مقارنة بالمشروع انا ندمت علاش دخلت راسي ودعني و راني نخمم ليل مع نهار 20 مليون دين كيفاش نرجع لناس دراهمهم و زيد انا طالبة فقط اي معنديش دخل ثاني يعني اذا حالتك كي حالتي غير متغامرش و متدخلش اما اذا عندك اصحاب و كنت موظف احتمال تدخل و تنجح او اذا منجحتش على الاقل عندك مصروف ثاني و عندك من وين ترجع دينك و زيد كاين ناس نجحو فيها لكن فئة قليلة مقارنة بالي منجحوش و مكان حتى تدريبات عالمية تدريب عالمي يروحله لي يكون ليدر و يكون عنده دخل مليح اما اذا كنت اي ار او ابلاين او كنترولر عمرك متحلم تسافر و في تدريبات الوطنية و المؤتمرات تخلص من عندك اخر مؤتمر كان عندنا في تلمسان بالنسبة لي انا مرحتش اولا مفلسة عندي 20 مليون دين وين نروح و نخلص 1500 حق المؤتمر بلا اكلك و زيد تخلص الفندق لي راح تنام فيه بحكم نحن من ولاية اخرى يعني اذا كنت ليدر 1500 تبانلك 1 دينار اما حنا في هذ الحالة تبانلي مليارد بحكم تجربتي لا انصح اي احد بالدخول لهذ الشركة 25 مليون روح دير بها مشروع خاص و حكم في روحك و زيد منتجات طاقة و غيرها غير متوفر في الجزائر المنتجات المتوفرة في الجزائر هي الفندقة تشري بدراهمك اقامة فندقية او هوم بيور home pure و هي الة لتصفية الماء بعدة مراحل يصبح ماء حيوي صالح للشرب او ديبلوم تشري تخصص و تقراه عن طريق النت هذا واش كاين
و بالنسبة لي كلامهم فيه مبالغة و خداع و اي شيء خاص بالشركة يجي يشرحلك يبالغ فيه حتى تقول عليه واااااااو و كل كلامهم مبالغ فيه و تلاعب بالعقول
اخيرا انا نقول اكثر حاجة ندمت عليها هي كيونت و مننصح حتى واحد باش يدخل لها
( تقرير عن مشاركة سيئة )، و الموجودة أسفل كل مشاركة .
2014-12-26, 19:26
العرض العادي
