تحلية بالموز والشوكولا

[إلهام07]

البسملة1


اليوم راني ناس ملاح غير أبروفيتيو قد ما تقدرو


الأخت اللي طلبت التحلية تفضلي أختي ، فقط دعوة خير برك في هذا رمضان بالاكي تنساي

كالعادة ، مانحطش وصفة غير لاكانت مضمونة ونقوللكم والله عائلتي مايحبوش وماياكلوش التحليات بصح هذي يلحسو الصحن
ببساطة لأنها تحلية بنينة وخفيفة وحتى سهلة وسريعة

كي تحطي فيها الفرشيطة وتبداي تاكلي ماتفيقيش حتان تلقاي روحك وصلتي للنص نتاع التارت خخخخخخخ

بصح شوفو تاكلو بزاف منها وترجعو دبدوبات انا راني خاطية كل وحدة تتحمل مسؤوليتها


المقادير بسيطة جدا ( هذي المقادير ديرلكم زوج تارت كيما اللي في الصور اللي تحب تعمل تارت وحدة تقسم المقادير على زوج ):

- زوج حبات موز
- 8 ملاعق كبار معمرين ومكومين غبرة الشانتيي
- حليب بارد للشانتيي
- شوية حليب بارد للبيسكوي
- علبة بيسكوي CROUSTIS
- علبة جبن طبيعي للتحليات
- شوية شوكولا مذوبة في شوية حليب للتزيين

الطريقة سهلة وبسيطة :

- نطلع الشونتيي مع الحليب البارد ( وممكن طلعوها بياووغت طبيعي تحتاجي علبتين تقريبا ) .... لازم الكريمة تكون عاقدة مليح كي تزيدولها جبن تزيد تطرى شوية تولي مليحى برك
- نضيف الجبن ونخفق جيدا ونترك الكريمة تبرد في الثلاجة
- في صحن مسطح نغطس البيسكوي في الحليب ونستفو في الصحن ( نحط الحبة نتاع البيسكوي في الحليب ونقلبها بسرعة ونحيها راهو رقيق مالازمش يقعد يطول في الحليب يتعجن )
- ندير طبقة بيسكوي ثم طبقة شانتيي ثم طبقة من شرائح الموز ( الموز مانقطعوش مسبقا باش مايكحالش نقطعو مباشرة ونحطو فوق الشانتيي
- نكمل بنفس الطريقة لما نوصل للطبقة الرابعة نتاع البيسكوي نزيد فوقها شانتيي ونزين بخطوط من الشوكولا .
- لازم التحلية تبرد عدة ساعات لازم لازم لازم تبرد عدة ساعات قبل ماتاكلوها والأحسن تخلوها تبات
- تقدم باردة يامامي على خفتها وبنتها ممممممممممم اللي مدايرة ريجيم غير تخرج قبل ما تشوف الصور خخخخ :


- ملاحظاتي :
- ممكن فوق كل طبقة موز تزيدو طبقة شوكولا ذايبة يعني خطوط فقط للبنة






ومن داخل ممممممممممممممممم هذي زعمة حبيت أنا وأختي نذوقوها خخخخخ


جربوها إن شاء الله تعجبكم كيما عجبت أسرتي وبصحتكم مسبقا


نونونونو مانيش ناس ملاح

حطيت الوصفة باش نستفاد دعاوي الخير



تحياتي ............... لهلوبة