البيام !!!!!!!!كابوس ام حلم اود تحقيقه

[*آية*]

المشاركة الأصلية كتبت بواسطة nesrine01

كلنا وفي بعض الاحيان ننسى امر الامتحان لكننا عندما نتذكره تقشعر له ابداننا واذا استمرت هذه الحالة عفاكم الله لم نجيب اسئلة الشهادة بشكل صحيح وسوف ننسى كل الحفظ لذا يجب علينا ان نضع فكرة في راسنا انني سوف انجح وسوف افرح وسوف انجح الف مرة ان شاء الله ولا تنسو ذكر ربي في كل دقيقة والصلاة ثم الصلاة والدعاء فيها فاذ كنتي قريبة من الله سوف يساعدكي وييسر لكي كل شيء ارجو انني افدتكي .......
وشكرا

شكرا لكي تعجز الكلمات عن التعبير

[ندوشةة]

ياخي نتي حافظة
مراجعة ؟
فاهمة ؟
و لم القلق
حطي في بالك بلي البيام راهو يجي اسهل من الاختبارات الفصلية
خلي اصعب المواضيع و دوك يجيك سااهل ماا
موفقة

[Amira 09]

لا لا ماتخافي ما والو ختي بربي نشاء الله تديه و بممتاز كيما بغيتي ، اقراي و اتعبي برك و ربي ما راحش يخيبك و تعبك مايروحش هكاك ، مام انا كنت نخاف ، كنت فالتلاتي نجيب 14 و ساعات 15 و فالبيام قريت مليح و جبتو 17 و الحمد لله

[chaima funy]

المشاركة الأصلية كتبت بواسطة ندوشة ღ

ياخي نتي حافظة
مراجعة ؟
فاهمة ؟
و لم القلق
حطي في بالك بلي البيام راهو يجي اسهل من الاختبارات الفصلية
خلي اصعب المواضيع و دوك يجيك سااهل ماا
موفقة

شكرا ندوش كلامك ريحني بزاف

المشاركة الأصلية كتبت بواسطة amira 09

لا لا ماتخافي ما والو ختي بربي نشاء الله تديه و بممتاز كيما بغيتي ، اقراي و اتعبي برك و ربي ما راحش يخيبك و تعبك مايروحش هكاك ، مام انا كنت نخاف ، كنت فالتلاتي نجيب 14 و ساعات 15 و فالبيام قريت مليح و جبتو 17 و الحمد لله

بورك فيكي

[ahlem chrd]

اختي شيما كامل لي راح يجوزو البيام و الباك راهم خايفين و يخممو و و . حاجة طبيعية تخافي و تتقلقي لكن بمعدل طبيعي ساعة متتحطلك ورقة الاسئلة و تشوفيها يروح الخوف و تبداي تخدمي اتوكلي على ربي و ديري لي عليك اقراي مليح برك
ربي يوفقنا اجمعين

[chaima funy]

امين
نشالله يجي ساهل اختي احلام

[black dark knight]

اختي لا تقلقي من الانجليزية
ما هي الا قواعد و ربما ثقافة عامة فيها
و رصيد لغوي مليح
مام اناكانت استاذتنا فيالانجليزية كارثة لانو هي كانت تقري قسم اخر في العام 3 و كي طلعنا خلطو الاقسام و حطو معانا الممتازين لي كانت تقريهم ...مالا عادت تخدم غير معاهم و هي طريقتها عجيـــــــبة هوما برك لي يفهمولهاو تهدر لهجة ماريكان يعني ماعادش تفهميلها طول و تلاميذها موالفين بيها
المهم في هاديك الحالة اناايست و مقريتش الانجليزية طول و جبت فيها 15 في البيام
اذن كي تقراي انتي شوية برك ....ان شاء الله تجيبي 18 ..19

[chaima funy]

شكرا
امل ذلك باذن الله