بيــــون تاع خضار متنوعة أو الحريرة

سيرين 5 · 2016-03-30, 11:27

اليوم درت بيون تاع خضر متنوعة صحي و بنين أنا شخصيا ما نحبش البيون بصح نحتمو علاجال الفوائد الكثيرة لي فيه

1- حطيت في قدر خضار متنوعة منقية و مقطعة حطيت من كل الخضار لي كاين ، بسباس + باذنجال + طماطم + بطاطا + كابويا + لفت + زروديا + كرمبيط + ثوم + ملح + فلفل أسود + راس الحانوت + قصبر + م ك زيت زيتون + عرف كرافس و عرف حشيش و عرف معدنوس ربطتهم بخيط باش كي يطيب البيون نحيهم ما نحبش البيون خضر لونو ؟ نقلي الخضار شويا على نار قليلة

2- كي تقلات الخضرة شويا مرقت بماء سخون و خليتها طيب

3- كي طابت ميكسيتها كانت عاقدة خففتها بالحليب و ضفتلها م ك جبن طبيعي

4- هايليك صورة الجبن

5- و قدميه بالصحة و الراحة بشويا زيت زيتون من فوق الصراحة ما نحبش البيون بصح عجبني جا بنين

منال9 · 2016-03-30, 11:35

بالصحة و الراحة بارك الله فيك

سيرين 5 · 2016-03-30, 11:47

اقتباس:

المشاركة الأصلية كتبت بواسطة منال9

بالصحة و الراحة بارك الله فيك

الله يسلمك منال شكراااا

wahibaazel · 2016-03-30, 19:53

تسلم الأيادي ،البض أنجان،يجي في البيون