موضوع مميز مشاركتي في مسابقة طبق تقليدي بلمسة عصرية (المقروط)

om kamilia · 2016-03-29, 09:35

يسعدني للانضمام اليكم و ولهي المسابقة لي رفعت من معنوياتي نبدل الجو شوية

مقرووووط الوردة المنقوشة

المقرووط حلويات شعبية تحضر في كل مناسبة يحبوها الكبير و الصغير
تبقى دائما سيدة المائدة في معظم المناسبات تزيد رونقا وبنة لكل الحلويات وتعتبر لمسة تقليدية و مزال المقرووط من بين الحلويات المحافظة على مكانتها عبر السنوات رغم تنوعها
بمقادير بسيطة يمكن لاي سيدة تحضيرها

المقادير:

وانا درت في هذه الوصفة
3 كيلات سميد متوسط مش غليظ
ونص كيلة فرينة
وكيلة خليط سمن مع زيت ( سمن يغلب الزيت)
رشة فنيليا
ماء زهر بودرة و لآ عندك احسن
ملح
ملعقة سكر
كيلة ماء زهر وماء نضيف اذا محتاجة

وللحشو

انا في المقروووط دائما نحب الغرس مداوي بقرنفل رشة خفيفة
, قرفة
, جلجلان
بودرة زهر البرتقال
رشة خميرة كميائية تجعلها طرية
شوية زبيب مشمخ او مرنخ
وطبعا ملعقة سمن ونعجنو الخليط حتى نتحصلوا على عجين لين
تقدرو تضيفو كاوكاو مدشش

ولي يحب بعقدة اللوز

يدير3 كيلات لوز بكيلة سكر قرفة سمن ملعة صغيرة او كبيرة حسب الكمية وبودرة ماء زهر احسن ان وجدت او مستخلص ماء زهر لان الماء ييبس الحشو

طريقة ومراحل التحضير:

نخلط كل المقادير الجافة ونبسس بالزيت ونفركو ن ايدينا مدة 10 دقايق نخلوه يتشرب ليلة كاملة او 2 , في بعض الاحيان نخليه 3 ايام ثلاجة ننساه و نتيجة احسن

نرشوه بخليط ماء وماء زهر شغل نفتلو نخلوه يتشرب ثواني ونزيد نرشو على شكل فتيل ونخدمو بكميات صغيرة قيس حربوش حتى نتحصلو عل عجين سهل التشكيل

ندير االحربوش تاعنا عادي

في مرحلة التقطيع نقطع مربعات ولآ معينات , الاحسن مربع باه يجي شكل الوردة جميل
ونقش اسهل

نحطو شوية فرينة بجانبنا ونقاش تاعنا على شكل s يخرج الشكل احسن نبداو في جانب حتى في كل مرة نغمسو النقاش في الفرينة

هكا نستفو كل الحبات في صينية الى الفرن يطيبو ونسقيهم بالعسل المخفف بماء زهر

بصح في هذي المرحلة بحذر باه ما يتفتتش النقش يقطرو ونحطوهم في حاويات نرشو رشة ملمع فضي ام ذهبي غذائي مش بودرة
وزينو على طريقتكم

وبالصحة و الراحة ولآ عجبكم

فقط دعوة لاخي بالشفاء العاجل

ملاحظة

اكيد تقدرو تديرو العجينة و الحشو ا كما موالفين وبوصفتكم المفضلة

سيرين 5 · 2016-03-29, 09:46

جاك بزاف شباب هايل يعطيك الصحة
و بالشفاء على خوك ان شاء الله

Oum Habouba · 2016-03-29, 10:22

ام كامي الله اله على المقروظ والله عجبني بزااااف وخاصة انك حافظتي على شكل نتاعه والوردة خرجت شابة بزاف الله يباركلك في صحتك حنونة وربي يشافيلك خوك ويلبسه ثوب الصحة والعافية

سيرين 5 · 2016-03-29, 10:26

أم كاميليا مبروك عليك الحمل و ربي يعطيك وقفة ساهلة إن شاء الله

ام ايمان16 · 2016-03-29, 10:27

ماشاء الله اختي يعطيك الصحة على المجهود

ام حمزة22 · 2016-03-29, 10:27

السلام عليكم

ماشاء الله عليك ام كاميليا

احاى وردة من يد الوردة

بالتوفيق

ربي يشفيلك اختك عاجل غير اجل

امييييييييييين

زينب 83 · 2016-03-29, 10:53

تحفة تحفة تحفة ام كاميليا تووووب
بالتوفيق غاليتي و ربي يشفي خوك و يعافيه

سيرين 5 · 2016-03-29, 11:08

أم كاميليا راكي وحدك في لابيست ههههههه والله جاك بزاف شباب نتمنى تفوزي

omjoujou · 2016-03-29, 11:22

ام كاميليا براااافو ابدعتي تستاهلي الفوز بكل جدارة يعطيك الف صحة
ربي يشفي اخوك ويشفي جميع المرضى

أم شيماءْ · 2016-03-29, 12:07

تسلم الايادي رعة

mosta*limoges · 2016-03-29, 12:13

جاك بزاف شباب هايل يعطيك الصحة

القناعة كنز · 2016-03-29, 12:15

4444444444 بالتوفيق

ام سارة18 · 2016-03-29, 12:17

ام كاميليا المقروط رووووووووعة ربي يبارك تحفة موفقة ان شاء الله

حياة نور الدين · 2016-03-29, 12:21

تسلم الايادي خرجلك تحححححفة بالتوفيق

انا هي رزيقة · 2016-03-29, 12:33

يا يما على ام كامي ابداع ماوراءه ابداع هذا مشي مقروط بل لوحة فنية باتم معني الكلمة بوركتي حبيبتي و ماشاء االله عليك و ربي يحفظلك تلك اليدين المبدعتين . دوماج منقدروش ندوقو بصح الجواب باين من عنوانه اكيد البنة خرافية . الف شكر و بالتوفيق غاليتي و ربي يشفي اخوك يا رب يا رب يا رب