هذه قصة قديمة بمثابة حكمة
حالنهار حالمراة كانت حابة تجوز الواد باش تروح عند مواليهاو ما قدرتش ديك الساع جا الصيد و ركّبها فوق طهرو و جاز بيها الواد شكرتو المرا ة و راحت للدار نتاع مواليها و الصيد تبعها بلا ما تحس و كيوصلت قالولها مواليها كيفاش قطعت الواد قالتلهم سيدي الصيد مليح لوكان ماجاش فمّو فايح سمعها الصيد كيقالت هكذا .و حالنهار راحت المرا تحطب فالغابة شافها الصيد راح لعندها و قالها اضربني بالفاس على راسي قالتلو المرا كيفاش نضربك و انت عاونتني قالها قلتلك اضربني .ضربتو المرا على راسو جرحتو راح الصيد و عدّاو شي ليامات و رجع ليها و قالها شوف الضربة دي في راسي برات و لا ما براتش قالتلو المرا برات قالها شفت ضربة الفاس تبرا و ضربة اللسان ما تبراش و هجم عليها و قتلها
( تقرير عن مشاركة سيئة )، و الموجودة أسفل كل مشاركة .
2015-12-22, 19:55
العرض الشجري