تارت التفاح طريقة مختلفة تفضلو شوفو

lمنال · 2015-10-31, 19:03

بسم الله الرحمن الرحيم السلام عليكم ورحمة الله وبركاته
انا من متتبعي منتدى الجلفة ومعجبة كثيرا بالوصفات اللي يحطوها الاخوات ربي يجعلها في ميزان حسناتهم المهم اليوم جربت تارت بالتفاح بطريقة مختلفة عن العادة شفتها في واحد السيت فرنسي وعجبتني خاصة انه فيه القرفة وانا من محبي القرفة في الحلويات حاولت اني انصورلكم المراحل زعما كيفكم ههههههه الان انخليكم مع المقادير و الصور

المكونات / ل8 أشخاص:

بات بريزي
4 التفاح
120 غرام من السكر
35 غ نشا الذرة
3 صفار البيض
250 مل من الحليب
2 ملاعق قهوة من القرفة

للتزيين من فوق;

60 غرام لوز ايفيلي
20 غرام من الزبدة
2 ملاعق طعام من السكر

انا لا بات انتاعي درت فيها
300 غ فرينة
150غ زبدة تكون مثل البوماد اي كالمرهم هشة
ثلاث ملاعق كبار سكر
قرصة ملح
ماء او حليب تلمي بيه العجينة شويا برك
لميها و خليها ترتاح من بعد قرصيها في المول انتاعك تاع لاتارت و اثقبيها بالشوكة لكي لا تنتفخ اثناء الطهي

نرجعو للطريقة

اخلطي صفار البيض مع السكر و النشاء و القرفة و الحليب و خليه في جهة
قشري التفاح وقصيه شرائح رقيقة ووزعيه فوق العجينة انتاعك ثم صيي فوقو هاداك الخليط السائل و ضعيه في الفرن حتى يحمار يقعد ما بين 30 -35 د و كل واحد و الفرن انتاعها

الان بعد ما تنضج التارت انتاعنا ناخذ الزبدة 20 غ نذوبهم في مقلاة ثم نضيف السكر فوقهم و اللوز ايفيلي على نار قاوية و ننحرك حتى يصبح لونو اكاجو ونوزعها على التارت مباشرة و نخليها تبرد

ان شاء الله تنال اعجابكم وتجربوها بالصحة و الراحة

ام سهام 02 · 2015-10-31, 19:17

اممممممممممم يعطيك الصحة

lمنال · 2015-10-31, 19:57

الله يسلمك شكرا على مرورك

robine nouna · 2015-10-31, 20:00

هايلة يعطيك الصحة

lمنال · 2015-10-31, 20:03

اقتباس:

المشاركة الأصلية كتبت بواسطة robine nouna

هايلة يعطيك الصحة

شكراااا ان شاء الله اتجربيها لانها فعلا لذيذة

robine nouna · 2015-10-31, 20:11

اقتباس:

المشاركة الأصلية كتبت بواسطة lمنال

شكراااا ان شاء الله اتجربيها لانها فعلا لذيذة

نجربها ان شاء الله في افرب وقت باينة تشهي

آسيا 27 · 2015-10-31, 21:13

ممممممممممم تبان بنينة ان شاء الله نجربها

lمنال · 2015-10-31, 21:24

اقتباس:

المشاركة الأصلية كتبت بواسطة آسيا 27

ممممممممممم تبان بنينة ان شاء الله نجربها

شكراااااا اختي على المرور كي تجربيها وتعجبك ادعيلي بتفريج همي ومن ناحية البنة راهي ما نوصفلكش امممممممممممم

lمنال · 2015-11-01, 17:59

ما عجبتكمش لا تارت ما كاش تشجيع ما والو انا فاشلة زدتو فشلتوني

أم محمد علي · 2015-11-01, 18:05

روووووووووووووووووووووووعة

lمنال · 2015-11-01, 18:59

اقتباس:

المشاركة الأصلية كتبت بواسطة أم محمد علي

روووووووووووووووووووووووعة

شكرا اختي على التشجيع

sousoubella · 2015-11-01, 19:11

alah yabark chbab bzf ya3tik el saha
tkadar twarili khoti kifach tal3i l photo ana jdida w man3raftch kifac

lمنال · 2015-11-01, 19:45

اقتباس:

المشاركة الأصلية كتبت بواسطة sousoubella

alah yabark chbab bzf ya3tik el saha
tkadar twarili khoti kifach tal3i l photo ana jdida w man3raftch kifac

شوفي هاد الرابط اختي لتحميل الصور ان شاء الله اكون افدتك وشكرا على مرورك
https://www.djelfa.info/vb/showthread.php?t=941739

شمس الملوك · 2015-11-01, 22:12

تبان بنينة بارك الله فيك

اسمهان79 · 2015-11-01, 23:00

روعةةةةةةة روعةةةةةةة تسلم ايدك حبيبتي قتلتيني بالسخفة حراااااام
شفتي كاين وصفات في ليسيت نتاع الغرب والله روعةةةةةةة انا مجربا شحال من وصفة تخرج تهبل
بارك الله فيك على كل شيء تقدمي فيه
وأحلى تقييم من عندي