الي عندهاغسالة الاواني اريستون

mon espoir · 2015-10-03, 09:24

صباح الخير يا الحبابات..حبيت نشاوركم..في الحقيقة راني شريت و خلاص كنت مزروبة و مقلقة.. كرهوني الماعن ياخي اول محل دخلتلوا و شريت غسالة اواني اريستون lfb 5b010 الله يرحم والديكم اللي عندها تقولي اذا مليحة و لا.

اسماء الصيدلانية · 2015-10-04, 11:55

انا البارح طلبت واحدة قالي هي الأفضل هي و ويربوول

mon espoir · 2015-10-05, 23:04

اقتباس:

المشاركة الأصلية كتبت بواسطة اسماء الصيدلانية

انا البارح طلبت واحدة قالي هي الأفضل هي و ويربوول

مساء الخير. أختي. أسماء.. شكرا عل ردك. انا كي سقسيت قالولي احسن ماركة lg و الثمن. 9 ملاين..قلت غالية..نشري واحدة موافقة..المهم كي دخلت للمحل لقيت اريستون ب 5 و كوندور ب 4،5 قلت اريستون ماركة ايطالية. عولت على ربي و شريتها..و توسوست..في وقت اللي كنت نحوس على مواد التنظيف تاعها، اليوم شريتهم و جربتها و غير ندعي يارب. ما تحشمنيش قدام راجلي. على خاطر ماكانش موافقني..لكن انا تعبت.. الخدمة و الدار و الاولاد..و نجيبها بساعة. و انا واقفة على الماعن..عيييت..ساعات نحب عل حاجة حلوة نتفكر الماعن نقول بناقص.
المهم. جربتها و نوعت فيها الماعون..زجاج على فخار على بلاستيك علي لوح..و النتيجة
رووووووووعة.. واو خرجوا يلمعوا و شايحين..بقيت غير نقلب فيم بالحاجة..الله يبارك..و ربي يهنيني بيها و تكون ذراعي اليمين قولي امين..العقوبة ليك حنونتي..دمتي سالمة

اسماء الصيدلانية · 2015-10-06, 19:33

الحمد لله فرحتيني قبل متوصلني
بالهنا أن شاء الله
واش شريتي منظمات

mon espoir · 2015-10-07, 08:45

اقتباس:

المشاركة الأصلية كتبت بواسطة اسماء الصيدلانية

الحمد لله فرحتيني قبل متوصلني
بالهنا أن شاء الله
واش شريتي منظمات

الله يسلمك.. تقصدي منظفات..كي شريت الغسالة نلقا في داخلها كيس فيه 2 مربعات الي هو الصابون والملمع يخص الملح، كيما العادي لكن خشين.. واش نقولك اكيد الغسالات يختلفوا من حيث الثمن كيما lg راهي ب 9 لكن تعقم الماعن و من حيث السعة، الوقت و اقتصاد الماء.. تأخذ وقت لكن النتيجة روعة.