كتف خروف في الفرن من مطبخي بخلطة سحرية رااااائعة

[هدوء الصمت]

حيااااااااكن الله اخواتي الغاليات البارح درت كتف خروف في الفرن وكانت البنة رااااااااااااائعة والسر كان في الخلطة السحرية ...فحبيت نفيدكم بهاد الطريقة لمن ارادت التطبيق








اليكن الطريقة

باطة يؤورت طبيعي مشي بتي سويس+زريعة القصبر+زريعة البسباس +حب الرشاد مرحيين +كمون+عكري+فلفل اسود+ثوم مرحي+راس الحانوت+ملح+لاموتارد+ملعقة طماطم مصبرة+ملعقة خل+ملعقتين زيت+زعيترة+اكليل الجبل تخلطي الكل مليح وتطلي بيه الكتف
واعملي فتحات صغيرة في الكتف وحطي فيها ثوم حب...خليه يتشرب هاد الخلطة مليح ادا كان عندك الوفت خليه ليلة كاملة في الثلاجة ولا ماعندكش الوقت خليه من نصف ساعة فما فوق بعدها حطيه في كيس شواء كما درت انا او غطيه بورق المنيوم وخليه يطيب في الفرن على درجة 200 مدة ساعة ونصف حتى لساعتين ويكون طاب مليح

[0ibtissam]

يعطيك الصحة روعة

[ام احمدي]

هاااااااااااااااااااااايل زمحمر على الكيف يسلمووووووووووووووووووو

[فايزة1207]

خرج هااااااااااايل بصحتكم اختي
ماكيش هدوء الصمت نتاع المسلمة الجزائرية؟

[هدوء الصمت]

شكككككككرا اخواتي على المرور العطر

نعم اختي فايزة انا تع المسلمة الجزائرية

[idron0]

جزاك الله خيرا

[توكل]

الله يعطيك الصحة اختي هدوؤ خرج لك هايل

[x ام رحاب x]

يعطيك الصحة تبارك الله هايل ايبان بنين تسلم ايدك اختي

[ام سهام 02]

هااااااااااااااايل يعطيك الصحة

[fatisousou]

يعطيك الصح منضره رائع باين بلي بنين اول مرة نسمع الخلطة فيها حب الرشاد واش هو د ور اديالوا في الخلطة ؟ شكرا لك مع تحياتي

[هدوء الصمت]

ربي يفرحكم غالياتي....ختيfatisousou...حب رشاد مليح في الخلطة يستعملوه بزاف المشارقة

[*فاتن*]

راه يشهي بصحتكم

[youyou19]

خرج هايل بالصحة والهنا اختي

[sabrina+imen]

يعطيك الصحة دووودوووو شهيتيني انا تان درت الكتف في الفرن تقريبا نفس طريقتك
تاكلوه بالصحة والراحة ونجرب الخلطة السحرية ان شاء الله حقا معك نونو

[هدوء الصمت]

الله يحفظكم لبنات
نونو شحال توحششششتك..