كروكات بالدجاج ......ورولي بالدجاج ....من اروع ما يكووووووووون

[اسمهان79]

السلام عليكم ورحمة الله وبركاته
حبيباتي اكيد طولت عليكم بالوصفات لكن والله كان رمضان وتعبو ثم العطلة والخرجات والضياف الله غالب سامحوني برك لكن نوعدكم اني كل مرة راح نحط شوية لانو الوصفات بزاف غير الوقت اللي خاني سامحوني برك
حبيت نحطلكم زوج وصفات بالدجاج لكن والله بنان ويشهو وذوقهم راااااااااائع انا متأكدة بلي راح يعجبوكم ونرجع ونقول ممكن وصفاتك جدد على بعض الاخوات وكاين اللي معروفين لدى الأخريات لكن على رأي الاخت الوهرانية الله يذكرها بالخير المنتدى فيه مبتدآت هوما يتعلمو منا واحنا نتعلمو منهم وهاذا بهاذا والدائم ربي سبحانه
لعيونك يا فايزة راني وفيت بالوعد
على بركة الله وبسم الله نبدئ
كروكات بالدجاج






رولي بالدجاج



نبدى بوصفة ليكروكات من اروع ما يكون





خذي صدر دجاج انا هنا عملت نصف صدر خرجلك 9حبات
خذي الصدر ارحيه في روبو ثم اضيفيلو معدنوس شوية شابلير ملح فلفل اسود زنجبيل مرحي ثوم بودرة 1م ص موطارد 1م ص هريسة كمية من الفرماج رابي وعصرة ليمون
خلطي كلش مع بعض بيدك ثم خذي شوية حطي فيه اي جبن تحبي فرماج طري او فرماج روج او قريار او فرماج الماعز النوع اللي تحبي اغلقي عليه وشكلي أصابع صغار





ثم لفيهم في الفرينة ثم في البيض ثم في لاشابلير وخليه مدة نصف ساعة او اكثر في الثلاجة يرتاحو



من بعد اقليهم في زيت على نار متوسطة من كل الجوانب حتى يحمارو حطيهم على ورق ماص للزيت ومقدميهم بهاذ الشكل
وممكن تمسحي الجوانب بشوية فرماج طري او مايوناز ورمديهم في بيض مغلي ومرابي ونخلط معاه شوية معدنوس مقطع رقيق يعطيلو شكل رائع وبنه أروع
صدقوني مع عصرة قارص راح تستمتعو بألذ كروكات بالدجاج ممكن تاكلوهم
رولي الدجاج بصلصة الموطارد



هاذ الوصفة تهبل تهبل وعندها ذوق رائع وبنه خاصة
خذي شرائح الدجاج (او سكالوب دو دَاند ) تبليهم مليح بالملح والفلفل الأسود والزنجبيل المرحي شوية موطارد و هريسة وعصرة قارص او خل وثوم بودرة مخلط مع الكسبرالمرحي (سبق وحطيت طريقة عملو وننصحكم جربوه لانو روعة في البنة وخاصة في وصفات الدجاج وليقراتا يعطيهم بنة رهيبة وهاذ الرابط للي تحب تطلع على طريقة خدمتو https://www.djelfa.info/vb/showthread.php?t=1805269 )نخلط مليح الدجاج بهاذيك التتبيلة ونخليه مدة 4ساعات او اقل ثم نطرح هاذوك الشرائح ونحط في كل وحدة شوية لحم مرحي متبل بالملح والفلفل الأسود افاح ثوم هريسة دبشة شوية نشاء (ملاحظة اللحم المرحي ماشي طايب) ثم نلف عليه الدجاج (مش رايح يأخذ منك لحم مرحي بزاف كمية قليلة تكفي ) ثم حطيهم في بلا مدهون بالزبدة وصبي عليهم الخليط بالملعقة





الخليط هو 2م ك لاموتارد اي الخردل و نصف كاس كرام فراش سائلة ملح وفلفل اسود وخليط الكسبر والثوم المرحي خلطيهم مليح ثم خذي ملعقة وفرغي عليهم غطي بورق الالمنيوم ودخليه للفور يطيب مرة على مرة طلي عليه حتى تشوفيه نشف نحي الالمنيوم وشعلي عليه من فوق يحمار شوية



نحيه وزينيه بكيردو فيه حبة زيتون وورقات نعناع



وقدميه بالصحة والهناء راهو روعة في البنة وكيما قلتلكم عندو ذوق خاص
نتمنى يعجبوكم وصفاتي وتدعيولي دعوة الخير
في أمان الله حبيباتي

[فايزة44]

راني اول رد ندي كل الصحون ههههههههههههه

رررررررررروائع روووائع حبيبتي بوركتي وجوزيتي الجنة وللك مني دعوات ربي يتقبلها وربي يعجل في كل خير حبيبتي وششكر الف شكر مرة اخرى
في انتظار الباقي ههه طماعة ه ربي يبارك فففففيك حبيبتي

[dorya]

يعطيك الصحة و تسلم الايادي اطباقك كلها روعة

[rahma2014]

بعطيك الصحة حبيبتي الغالية دائما متالقة ومبدعة ربي يبارك فيك وبحطها ف ميزان حسناتك ان شاء الله

[*سيرين نور عيني *]

merci chef tu es super magnifque topppp 5 etoiles
allah ybarak machaa allah

[ام افنان48]

ما شاء الله روعة ربي يبارك ويحازيك يألفحلة

[الجمان]

روااااااااااااااااااااااااااااااااااااااااااااائع
الله يبارك

[x ام رحاب x]

ماشاء الله روعة انيقة في تقديمك للمواضيع وتسلمي اختي كلش روعة كروعتك

[أم ريمة*]

ما شاء الله اسمهان اطباق رائعة ربى يشفيك ويعافيك امين

[ام هاديل وياسين]

يعطيك الصحة اسمهان والله غير توحشتك وتوحشت طيباتك الحمد الله كي راكي بخير

والاطباق الي حطتيهم روووعة ديما تفرحينا وتحمريلنا وجوهنا قدام ضيافنا ربي يحفظك يغالية

[ام احمدي]

ما شاء الله عليك والله روووووووووووووووووووووعة ما تقدمينه
وبصفتي مبتدئة نقولك ربي يجازيييك كل خير حنونة راني تعلمت منك ومن الاخوات بزاف جوايج حطي وصفاتك حتى ولو تكون معروفة عند الاخريات واكيد كل وحدة ولمستها واسرارها
طبقتلك بزاف وصفات وكانت كلها فووووووووووووووووووووووووووور

[omyouness]

ماشاء الله يعطيك الصحة وربى يبارك فيك شكرا على الشرح والصور الماتعة

[chez biba]

ما شاء الله اطباقك دائماً راقية ، يعطيك الصحة
احلى تقييم لأغلى اسمهان

[fadila34]

ما شاء الله عليك يسلم هذوك ليدين وربي يحفضك ويخليك اطباق ررررررررررررروعة تسلمي يا الزينة

[غفران 2]

ما شاء الله اطباق روعة بروعتك اختي
ربي يحفظك ويحفظ اولادك ان شاء الله