جبتلكم une mousse بالخوخ بزاف بنينه تفضلوا

[MAMISSA]

السلام عليكم حبيباتي
اليوم حبيت نقدملكم une mousse بالخوخ بزاف بنينه مع رانا في وقت الخوخ و رمضان على الابواب ينفع تقدميه في السهره لعائلتك و ضيوفك لانها بنينه و presentable تانيت بدون اطاله نخليكم مع المقادير والطريقه نبداو بسم الله
المقادير
1 كغ خوخ
3 ملاعق كبار سكر عادي
نصف كاس ماء
100 غرام بودره شانتيي نطلعوها مع كاس ماء بارد
حبات خوخ للتزيين
الطريقه
نديرو الخوخ يغلي في هداك الماء و السكر بعد ما نكونو غسلناه و قطعناه قطع و نحتفظو ب حبيبات باش نزينو بيهم
بعد ما يغلي نطفيو عليه و نقطروه مليح هداك السيرو نخليوه بجيه تحبو تستعملوه com un jus كي يبرد
نميكسيو هداك الخوخ لي طيبناه بالبرا ميكسور
نطلعو الشانتيي بكاس ماء بارد نحتفظو بشويه منها نديروها في كيس حلواني للتزيين poche a douille
و الباقي نخلطوه مع هداك الخوخ لي ميكسيناه و يكون برد نخلطوه غير بالعقل ملفوق للتحت باش تكون عندنا une couleure marbréé
نعمرو الاكواب دياولنا بيها و نزين ب روزاس نتاع لا شانتيي بالكيس الحلواني ملفوق
و نحطو ابراج صغىره نتاع الخوخ و بالصحه و الهنا اسمحولي ما عرفتش نطلع الصور كيما درت والو
نتمنى تجربوها صدقوني و الله بزاف بنينه بروفيتيو رانا في وقت الخوخ
ملاحظه برك

تقدرو تحتفظو بالخوخ ميكسي في المجمد في علب التجميد وقت لي تحبو تديروها اجبدوه ديكونجليوه و زيدولو لا شانتيي
رمضان كريم انشاء الله مع قبلاتي و تحياتي الخالصه الى بيتنا الثاني لي هو هدا المنتددى الرائع
:mh92https://www.djelfa.info/vb/images/attach/jpg.gif
https://www.djelfa.info/vb/images/attach/jpg.gif

[mariana1]

جزاك الله خيرا والله جاءت في وقتها ثلاجتي فاضت بالخوخ

[أم فاطيمة]

يعطيك الصحة