|
قسم المقبلات و السلطات و الشوربات وصفات المقبلات و السلطات و الشوربات حصرية من عضواتنا |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
|
أدوات الموضوع | انواع عرض الموضوع |
2015-05-27, 11:04 | رقم المشاركة : 1 | ||||
|
جاري فريك من تبسة==مساعدة==
السلام عليكم ورحمة الله وبركاته
كيف احوالكن اخواتي عساكن بخير اخواتي حبيت نطلب منكن معروف بخصوص وصفة جاري فريك الحار الخاص بمنطقة تبسة لحدادة مع تونس شكون لي تعرف طيبها تقولنا على سر البنة زوجي اثناء سفره للعمل في عدة مناطق جزائرية لاول مرة يقولي انو اعجب كثيرا بشوربتهم وقالي لذيذة لابعد الحدود حتى ما تقدريش تحبسي الماكله هههههههه حتى غرت منهم الحمد لله حنا منطقة اشمال لوسط معروفين بالشوربة فريك خاصة العاصميات وبنينة بزاف والحمد لله ولكن راهو يقول ياااااو هااااربة بزااااف هههههههههه المهم لي تعرفها تجيبنا الوصفة قلت بالاك نتعلمها ونفاجؤوا بيها في رمضان المبارك بحول الله ويلا كاين خير منها غير جيبو باش ينساها هههههههههههههه امزح فقط وربي يحفظ حراير تبسة وحراير الجزائر كاااامل بالتوفيق
|
||||
2015-05-27, 13:31 | رقم المشاركة : 2 | |||
|
اين انتن اخواتي
158 مشاهدة ولا رد!!!!!!!!!!!!!!!!!!!!! زعما وحدة فيكم ما تعرفش؟؟؟؟ |
|||
2015-05-27, 14:12 | رقم المشاركة : 3 | |||
|
اهم سر في جاري الفريك تاع تبسة هو التوابل تاع تونس |
|||
2015-05-27, 14:13 | رقم المشاركة : 4 | |||
|
نسيت رشة نعناع ناشف في الاخير |
|||
2015-05-27, 15:46 | رقم المشاركة : 5 | |||
|
والاهم عندي وهو الرسمي اللحم تاع جيهة تبسة سبيسيال هو اللي زادها بنة انت قوليلي يشري اللحم من ثمى ومنبعد نورولك راهي ساهلة اختي |
|||
2015-05-27, 16:27 | رقم المشاركة : 6 | |||
|
يا اختي قلي اللحم مع البصل بزاف والدبشة والكسبر والفلفل اسود وطماطم حب معاها المصبرة وديري مرة وحدة الفريك قليهم كامل على نار قليلة واذا اللحم مافيهش الشحمة ديري شويا زيت متكثريش المهم بكون لحم اخروف ومن باعد امرقي بماء سخون والبرمة تكون تاع الفخار هذا السر التاني وكي طيب اختي طفي وزيديلها النعناع اوراق طاجزة ولا مرحي يابس وزيدي زوج سنات ثوم مرحيين مع دبشة وقرن حار والله متشبعيها جربيها كيما قلت وان شلء الله تعجبك وتعجب راجلك وبالصحة والهناء |
|||
2015-05-27, 18:30 | رقم المشاركة : 7 | ||||||
|
اقتباس:
وتاني المرمز انا موالفة نديرها بالدشيشة ولا لفريك ولكن حر يجيبهولي زوجي بارك الله فيك اختي بارك الله فيك يعني كيما حنا نديرولها اقتباس:
بارك الله فيك ام ياسو اقتباس:
يعني على حساب ما راني نشوف نفس طريقتنا حنا الاختلاف يكون في التوابل والفريك واللحم وصح الفخار يمد لذة خاصة للاكل اختي ولكن لاحظت ما يدوش الزرودية والقرعة والحمص او الجلبانة انا نسكرفج زرودية وقرعة وندير حفنة جلبانة احسن من لحمص ارجو الاجابة جزاكم الله خيرا اخواتي قدها وقدود الله يبارك ما خذلتونيش شكككككرا |
||||||
2015-05-27, 22:44 | رقم المشاركة : 8 | |||
|
أهلا بك أختي العزيزة ضيفة عندنا في تبسة وأهلا بكل بنات وطننا الجزائر الحبيبة |
|||
2015-05-28, 11:25 | رقم المشاركة : 9 | ||||
|
اقتباس:
اها يعني غير حمص الله يبارك بسيطة ولذيذة جزاك الله خيرا |
||||
2015-05-28, 14:13 | رقم المشاركة : 10 | |||
|
اذا اضفتي الخضرة من زرودية وجلبان وحمض وووووتولي حريرة ماشي شربة فريك |
|||
2015-05-28, 14:31 | رقم المشاركة : 11 | |||
|
اختي المصرين يقول الفريك مايحبش الشريك وعندهم الحق القريك يمشي وحدة الخضرة تفسد الطعمة |
|||
2015-05-28, 15:22 | رقم المشاركة : 12 | ||||
|
اقتباس:
اها اختي يعني نتوما واحنا مشي كيفكيف
احنا عندنا شوربة فريك العاصمية جي كالآتي في قدرة قلي اللحم والبصل والزيت وشوية سمن كي يتقلاو شوية ضيفي الثوم مهروس والقصبر اخضر على حساب الكمية ووريقات نعناع اخضر وحبة زرودية مسكرفجة رقيقة ونصف حبة قرعة مسكرفجة صغيرة وشوية حمص او جلبانة وقلي اضيفي فلفل اسود وشوية قرفة راس الحانوت عكري وشوية فلفل دريس باش جي حارة وشوية قصبر وثوم قليهم على نار هااااااادية بعدها اضيفي كمية من الطماطم مرحية ومرقي بالماء الساخن وخليها طيب على نار متوسطة كي تشوفي اللحم دخلو الطياب اضيفي الفريك او الدشيشة بعدما تشليها فالماء اي تشمخيها اضيفيها حسب الكمية مايلزمش جي خاثرة بزاف وخليها طيب في غرضها كي تلاح؟يها طابت اضيفي شوية طماطم معلبة وشوية ثوم وقصبر وخليها على نار هادية تحكم روحها بعدها ديريلها نعناع يابس وقدميها حنا هكدا نديروها ونسموها شوربة فريك اما لحريرة تكون عبارة عن خضار يعني مشي حبة وحدة برك ومانديرولهاش لفريك اما خضار فقط او خضار وفارميسال او خضار وارز ولكن لفريك نديرو بيه الشربة فقط بارك الله فيك سبحان الله بلادنا قاااارة وين تروحي تلقاي وصفة مختلفة الحمد لله |
||||
2015-05-28, 15:25 | رقم المشاركة : 13 | ||||
|
اقتباس:
اهاااا مديتيلي معلومة جديدة
فالحق حتى حنا شوربتنا بنينة بزاااف ومعروفة جدا ولكن رايحة نجربها بلا خضار ونشوف بوركت |
||||
2015-05-28, 16:03 | رقم المشاركة : 14 | |||
|
|
|||
2015-05-28, 16:06 | رقم المشاركة : 15 | |||
|
نسيت ما قدمتش ملاحظة سيدي أم عروة,,,,,,, نحن في ولاية تبسة لا نضع أبدا الخضر في شربة الفريك..... أول مرة نسمع بيها هادي,,,,,,, نحن نركز على التوابل والحشيش ( الدبشة سر الذوق البنين) |
|||
الكلمات الدلالية (Tags) |
تبسة==مساعدة==, خارج, فرحك |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc