مكنستي الكهربائية ، يدي اليمنى

[زينب 83]

هذا الموضوع عملتو للاخت راجية عفو الله و لكل الاخوات لي حابين يشريو مكنسة كهربائية ، صراحة انا حاطتها من الكماليات لكن بعد ما شريتها اكتشفت انها تساعد بزاف المرأة في البيت و تختصر عليها تعب و جهد كبير

على فكرة المكانس الكهربائية القديمة خطر على الصحة لانها عندها فلتر واحد و الهواء لي يخرج منها يخرج معاه بكتيريا و اجزاء صغيرة تأثر على الجاز التنفسي اما الان كاين مكانس جديدة بفلترين رائعة و تقضي على 99/% من البكتيريا و كل الشوائب

من هذه المكانس مكنسته من lg و هي اخر موديل لحد الان رائعة جدا جدا و ماندمتش ابدا ابدا على شراءها ، الثمن 2 ملاين







مميزات المكنسة

*قوة سحب 2000 واط يعني تسحب حتى الجزيئات الدقيقة جدا جدا

*بدون كيس

*اول موتور فى العالم يكبس الغبار و يحوله الى وبر _ تستوعب 4 مرات غبار اكثر


*قوة ضغط الأوساخ و الغبار

*على عكس المكانس الكهربائي التقليدية ،فان نظام الضغط المبتكر يقوم بجمع مقدار مضاعف بأربع مرات من الأوساخ
و ذلك قائم على وعاء الأوساخ المعتمد بسعة 1ل و يتميز هذا النظام بتسرب الشوائب الدقيقة عند تنظيف الوعاء و يضمن انه تم تجميع الأوساخ و ضغطها و هذه خاصية متميزة ان كنت تعانين من الحساسية

*ضغط الغبار: مع نظام ضغط الغبار الميكانيكي الذي يُعدّ الأول من نوعه في العالم، تقوم المكنسة الكهربائية بمهمة التنظيف جيداً، مع القدرة على شفط الغبار، والسيطرة السهلة عليه بصورة صحية، حيث تمنع الجزيئات من التسرب عند إفراغ الوعاء، وتضمن أن يتم جمع الأوساخ وضغطها بكفاءة.

*نظف أكثر، وافرغ أقل: المكانس الكهربائية من ال جي تقوم في الواقع بضغط الأوساخ عند جمعها، ولن تكون مضطرا لتفريغ المكنسة الكهربائية مرات عديدة، كما هي العادة.


هنا استعمل اكثر من شهرين و مازال كاين سعة ، و زيد سهلة التنظيف تتفرغ على شكل كبة وحدة مليحة بزاف لي يعانيو الحساسية و حتى لي لالا لآني هذاك الغبار المتطاير في الطريقة التقليدية ضار جدا جدا





*تنفس بسهولة: تتميز المكانس الكهربائية من ال جي بفلتر الكربون hepa الذي يشفط 99.95٪ من الجسيمات المجهرية


الميزة لي في المكنسة انو عندها فلترين لانو المكانس القديمة عندها فيلتر واحد كي يخرج الهواء يخرج غير طاهر و معمر بالميكروبات يعني في الظاهر تبان الدار نظيفة لكن الحقيقة أهنأ مليئة بالميكروبات




*ساني بنش: هل تعلم أنك تتقاسم سريرك مع ما يقارب أكثر من 10 ملايين عثة فراش؟ المكنسة الكهربائية ال جي مع رأس ساني بنش فرشاه تقضى على الجراثيم و الحشرات نهائي تم تصميمها خصيصا للقضاء على تلك العثة. إنها الطريقة الأكثر فعالية للمساعدة على ضمان سريرك وغيره من الأثاث خاليا من هذه المخلوقات المقرفة.

هاذي خاصة بالمفارش و الكنب و ما الى ذلك هي قد النملة لكن عمايلها كبار رائعة و تخلي المفرش هايل و زيد تنحي كل الخلايا الميتة تاع الجلد و كذا كل الكائنات المجهرية لي حنا مانشوفوهاش




.*سلك طويل 9 متر

السلك فعلا طويلا و عملي جدا تخدمي في غرضك

*فلتر قابل الحياه مدى الحياه هيبا 13

الفلاتر تاع المكانس القديمة كانت لازم تتغير كل مرة و الا تصبح غير نافعة اما في هذه المكنسة فهو مدى الحياة


*ملحقات تنظيف








*السحب من اليد


و هذه الأجزاء لي نغسلو ها كل شهر





لازم تجف يوم كاامل قبل الاستعمال

و هذا الجزء ينظف دون ماء






و هذه النقاط لتعديل الخرطوم التلسكوبي حسب الحاجة





نتمنى كل وحدة تحصل على مكنسة كهربائية من النوع الجيد لانها فعلا مفيدة و تنحي تعب كبير على ربة المنزل

[عازفة الناي]

صح المكانس الكهربائية تساعد بزاف المرأة
وايضا للصحة افضل من انك تكنسي و تستنشقي الغبار و الاتربة والحمد لله جونا كله غبار هههههههههههههههه
احنا تاعنا سامسونغ روووووووووووووعة عندها معنا تقريبا 9 سنين
يعطيك الصحة على الموضوع القيم

[ناهدوران]

انتاعي هووووفر اشريتها ب مليون وميتين عام 1996 راهي قد عمر بنتي هدي الي رايحة تعقب الباك غدوة انصورهالكم تعجبني فيها حاجة سوختوا كيما تتكسر حوايج السجاج نلم بيها هكا مانتجرح ماوالوا علكيف وعندي وحدة سبيسيال للسيارات

[رنيم79]

اختي زينب اعطني الاسم الكامل للمكنسة ...لانيى قررت ان اشتريها

[nadiatlemcenia]

جزاك الله خيرا على المواضيع القيمة اخت زينب بانتظار الصور

[ام فيفي]

بارك الله فيك على الموضوع أستاذة... واش رايك في ماركة bomann و شكراااااااا

[زينب 83]

،،،،،،،،،،،،،،للرفع

[أم ياسين الزهراء]

بارك الله فيك اختي ان شاء الله نشري وحدة

[نهلةن]

بارك الله فيك اختي قنعتيني باش نشريها جزاك الله الفردوس

[melissa lola]

اختي تعيشي نسقسيك تستعمليها للسجاد و الفراش و المناطق الضيقة فقط بالنسبة للارضية فهميني برك تستعمل في مكان المكنسة العادية والا استعملتيها في مكان المكنسة العادية تسيقي موراها بالماء ولا لا وشكرا على الرد

[اسمهان79]

بارك الله فيكي زينب
كل مواضيك ذات هدف يعطيك الصحة على النصيحة
انا المكنسة نتاعي شرعيتها سنة 2005 بصح للان راهي فعالة وتبرد القلب
لكن شوقتني باه نبدل

[ام مريم الجزائرية]

نسال الله من فضله

[ام ياسينو]

ارجوك اختي انا نحوس على وحدة تسيق بالبخار روعة شفتها في la pub تاع الخارج الماركة تاعها كارشار فعلا هايلة لكن ما لقيتهاش

[زينب 83]

المشاركة الأصلية كتبت بواسطة melissa lola

اختي تعيشي نسقسيك تستعمليها للسجاد و الفراش و المناطق الضيقة فقط بالنسبة للارضية فهميني برك تستعمل في مكان المكنسة العادية والا استعملتيها في مكان المكنسة العادية تسيقي موراها بالماء ولا لا وشكرا على الرد

حنونة ايه تعاون فوق ما تتصوري في الأرضيات ونحات عليا غمة ههههه، ندير بيها كامل الارض و اكيد فرق بينها و بين المكنسة العادية ، تنحي كلشي حتى الغبار الرقيييييييق و مباعد نعقب غير بالنشافة و شوي جافيل تبقى الدنيا تبرق و با تعب

المشاركة الأصلية كتبت بواسطة ام ياسينو

ارجوك اختي انا نحوس على وحدة تسيق بالبخار روعة شفتها في la pub تاع الخارج الماركة تاعها كارشار فعلا هايلة لكن ما لقيتهاش

راهي كاينة هنا في العلمة شارع دبي و الثمن مقبول

[راجية عفو الله]

بارك الله فيك ..... و ربي يعطيك ما تتمناي .