استغلال الخطيبة لخطيبها ماديا

*سندوسة* · 2015-05-10, 17:30

اصبحنا نسمع ونرى الكثير من القصص عن استغلال الخطيبة لخطيبهاماديا بمعنى"تبروفيتي فيه قد ماتقدر" يعني جيبلي لبسة اشريلي عطور

راني شفت بورطابل شباب جيبهولي .......

انا اراها قلت ادب ان تطلب الفتاة شيئا من خطيبها ولو حتى على سبيل المزاح

هل يؤثر هذا على علاقتها في تلك المرحلة ؟اذا كان لا فهل سؤثر مستقبلا بعد الزواج ؟

كيف يرى الرجل هذا النوع من النساء ؟

هل هو مستعد ان يخسرها بمجرد استغلالها له ؟ برغم من انه تعب حتى وجدها يعني متفاهمين نوعا ما ولكن مشكلة الاستغلال فالوسط

اسعد بتدخلاتكم في الموضوع

jiji17 · 2015-05-10, 18:13

كما قلتي أختي اسمو استغلال وابنة فاميليا متدرهاش والمادية راهي تبان من فترة الخطبة باه ما تخدعوش مباعد ويوجد روحو اذا فرغ جيبو
المهم ربي يبعد علينا هذي الصفة ويبعد علينا الناس لفيهم هذي الصفة ومنضنش الدار تبنى بالاستغلال لانو يكون فيه انانية وتخرب البيت
شكرا اختي على الموضوع

*سندوسة* · 2015-05-10, 18:28

اقتباس:

المشاركة الأصلية كتبت بواسطة jiji17

كما قلتي أختي اسمو استغلال وابنة فاميليا متدرهاش والمادية راهي تبان من فترة الخطبة باه ما تخدعوش مباعد ويوجد روحو اذا فرغ جيبو
المهم ربي يبعد علينا هذي الصفة ويبعد علينا الناس لفيهم هذي الصفة ومنضنش الدار تبنى بالاستغلال لانو يكون فيه انانية وتخرب البيت
شكرا اختي على الموضوع

كاين الراجل لي يرضى بهاد الامور باش يكسب رضى خطيبته ولكن بعد زواج يقلبلها حياتها غربة وهكذا يدخلو في مشاكل واذا كانت المراة عنيدة يمكن يوصلو حتى للانفصال

اللهم امين اختي وربي يجيب لخير
ويوفق الجميع

محظور · 2015-05-10, 18:32

لوصبرت لظفرت به العمر كله

*سندوسة* · 2015-05-10, 18:44

اقتباس:

المشاركة الأصلية كتبت بواسطة محظور

لوصبرت لظفرت به العمر كله

لم توضح ردك اخي بخصوص الموضوع ماذا تقصد رانا نشوفوهم يتقلشو ويطلبو ورجال يرضو فيهم ومن بعد يقولك زوجتي امراة متطلبة

HODHOD HADAHID · 2015-05-10, 18:52

أنا نعرف جارتنا كي خطبها ولد خالها جابولها المهيبة ولا العيد كيما نقولو حنا وزاد فارسالها دراهم وقالها ماتقوليش لدارنا

وبلامانحكيو بالاك هو لب مجهزلها كلش بويسك على حساب هدرتها ماتقدر دير والو وهي راهي تشري غير في الحوايج الغاليين

ربي يسترنا

انا خويا مانطمعش فيه ومستحيل نقولو اعطيني ولا اشريلي فمابالك ولد الناس كي يتزوجو ثم عندها الحق هو المسؤول ولازم يسرف عليها

*سندوسة* · 2015-05-10, 19:06

اقتباس:

المشاركة الأصلية كتبت بواسطة HODHOD HADAHID

أنا نعرف جارتنا كي خطبها ولد خالها جابولها المهيبة ولا العيد كيما نقولو حنا وزاد فارسالها دراهم وقالها ماتقوليش لدارنا

وبلامانحكيو بالاك هو لب مجهزلها كلش بويسك على حساب هدرتها ماتقدر دير والو وهي راهي تشري غير في الحوايج الغاليين

ربي يسترنا

انا خويا مانطمعش فيه ومستحيل نقولو اعطيني ولا اشريلي فمابالك ولد الناس كي يتزوجو ثم عندها الحق هو المسؤول ولازم يسرف عليها

لواحد يلا اهدى خطيبته فالمناسبات هدية ماعليش لكن باش الخطيبة هي لي تطلب والله عيب ووقاحة

اما اذا كانت الفتاة ماتقدرش تجهز نفسها واهلها الله غالب وحب خطيبها يساعدها ممكن لكن ماتكلفش عليه

كيما قلتي خوك وتحشمي منه وين عاد ولد الناس ومرات والله ربي مايتممش بيناتهم على خاطرش ناس راهي تخطب وتفسخ
اما بعد الزواج اكيد على الزوج ان يصرف على زوجته
اللهم امين اختي وربي يهدي الجميع

optimism · 2015-05-10, 19:08

السلام عليكم
لاوجود لكلمة الاستغلال,,,,,,,الا كان طرف اخر راضي ,,,,,,,وان كان راضي ,,,,,,,,,اين المشكل ,,,,,,,قلتطلب ,,,,,,ماتشاء
سلام

*سندوسة* · 2015-05-10, 19:15

اقتباس:

المشاركة الأصلية كتبت بواسطة optimism

السلام عليكم
لاوجود لكلمة الاستغلال,,,,,,,الا كان طرف اخر راضي ,,,,,,,وان كان راضي ,,,,,,,,,اين المشكل ,,,,,,,قلتطلب ,,,,,,ماتشاء
سلام

وعليكم السلام ورحمة الله وبركاته

مرات يكون الطرف الاخر راض رغما عنه ولاسبابه وظروفه الخاصة
المشكل في الفتاة التي تتجرا وتطلب من خطيبها ان يشتري لها
هل انت بالنسة لك المر عادي ان تطلب الفتاة من خطيبها ان يصرف عليها ؟؟

مسك القعدة · 2015-05-10, 19:29

لو يهديها بإراته شي عادي هو لي حب بصح باه هي تظل موراه جيب جيب نشوفها حاجة عيب
وكاين رجال يعجبهم هداك النوع من النسا ( الطلابات )

*سندوسة* · 2015-05-10, 19:32

اقتباس:

المشاركة الأصلية كتبت بواسطة مسك القعدة

لو يهديها بإراته شي عادي هو لي حب بصح باه هي تظل موراه جيب جيب نشوفها حاجة عيب
وكاين رجال يعجبهم هداك النوع من النسا ( الطلابات )

كلام صواب اختي
والله ضحكتيني بكلمة طلابات

صح راه منهم بزاف بصح لوكان لقاو لي يوقفهم عند حدهم مايتماداوش
الله يجيب لخير

ivaoran · 2015-05-10, 19:37

ماتخافيش اختي
يلا بروفيتات فيه يامات الخطبه
ياو راه يخرجها منها نهار يتزوجو

*سندوسة* · 2015-05-10, 19:39

اقتباس:

المشاركة الأصلية كتبت بواسطة ivaoran

ماتخافيش اختي
يلا بروفيتات فيه يامات الخطبه
ياو راه يخرجها منها نهار يتزوجو

كاين لي يقلشها في ايام الخطبة بعد الزواج تتمرد عليه وتولي عنيدة ارواحي نتي وسلكيها هههه
غادي يحصل بصح هو لي دارها روحه يقولو الطمع يفسد الطبع

وكاين لي يقلبهالها غربة ويوريلها النجوم في عز الظهر

لمسة ابداع · 2015-05-10, 19:46

والله يااختي طليتيلي على قلبي بالموضوع تاعك
عنبلك انا نحبس من راسي نعرف واحد يمشي مع وحدة شحال من عام ايماجيني كل شهر يعطيها مصروفها و كل عيد 2 ملاين
وبلا ليكادو في لالفلاين تاين كيما يقولو لاني فارسار ووووووو...
وذرك مد كلمة باه يخطبها كل سملتة يخرجو مع بعض
وقاعد يقتل في روحو ودارلها ذهب فوق 50 مليون و براسك كامل الشورة على ظهرو و ماعنبلناش وش رايحة تشرط عليه باه يجيبلها نهار يروحو
وزيد على الشيئ هذا كامل يماها عنبالها و راضية
و هو والديه على قد روحهم ساشي سباقيتي مايدخلهاش و يضل يلوم فيهم علاه ماتعاونونيش
و انا حابسة من راسي و مانيش فاهمة لا بروبلام فيه و لا في المراة تاعو

chouchou w · 2015-05-10, 19:52

السلام دلولة المنتدى انا الحمد لله مبروفتيت ماستغليت
اما هذو ليستغلو فالخطيب تاعهم مهمش اخمو لبعيد وخمو غير علا المضهر.الخطيب او الزوج مهوش عفريت المصباح السحري تعريه قبل الزواج وبعد الزواج تولي تعاير فيه كيمايجيبلها والو ربي يهديهم سلام