|
|
|
|||||||
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
حمزة المجتهد مستعد للاجابة على استفساراتكم ~ الى التميز ~ متجدّد ~
 |
|
|
أدوات الموضوع | انواع عرض الموضوع |
2015-04-27, 07:20
|
رقم المشاركة : 1606 | |||||
|
اقتباس:
صباحك سعادة تملا الكون وفاء
عمبالك كتبت رد طووووووووووووويل وخلاص كملت كلش فيه حكيت كل صغيرة وكبيرة فيه ومبعد وين جيت راح نبعثوا لقيتوا ضاع  بصاح ماشي مكتوبتلك تقرايه وكتبتوا نهار الي رديتي عليا نسيت كامل مقتلكش معدلي للفصل الثاني ديت 10.08  انا مكانش هامني المعدل اصلا كانت هامتني العلوم والحمد الله وصلت لواش نحوس والمعدل جا اكبر من 8 وهاذي الحاجة الزاوجة الي حبيتها حبيبتي وفاء ربي يحفظك على كل نصايحك وربي يوفقك ان شاء الله صدقيني القلوب عند بعضاها نتي ثاني كنتي في بالي وكنت دايمن حاطه في بالي نصايحك ونطبق فيهم درك رايحه نروح نقرا ومبعد ما نرجع نعاود نكتب حاجة طويلة على امل هاذي المرة متروحش باش نحكيلك محصلتي لحد الان مع انو ضعيفة بركا بالنسبة للعلوم مع انو في اليوم الثالث ليها لكنني مع النشاط 1 و2 هاذون خلصتهم وخرجت بحوايج واسئلة سخيفة اليوم النشاط الثالث نبداه في الليل طبعا الوتيرة نتاعي في مراجعة العلوم حاليا بطيئة جدا لانو انا معنديش فكرة على وحدة الاولى والثانية ولا حتى الثالثة ولا حتى حليت فيهم تمرين من قبل ودخلت دروس الخصوصية برك في وحدة دور البروتينات في الدفاع عن الذات ووقتها وين دلت القلب وعدت عارفه روحي وش راني نقرا وحليت تمارين وراجعت وفهمتهم بصاح بعد ما ضاع الفصل الاول في العلوم بصاح الحمد الله على كل حال النتيجة في الاخير كانت جيدة وكنت نطبق في نصائحك وخرجت عليا مثلما ترين اما الشريعة نحفظ ونعاود ونحفظ ونعاود والانطلاقة الرسمية راهي اليوم مع انو بديت قبل اربع ايام بصاح راني نعاود فيها وحدة وحدة نضت اليوم على 5 والان مع درس الصحة الجسمية والنفسية وراني نحفظ دون ايات اما الادلة ذوك قلت منحفظهمش ندي فكرة برك عليهم سؤال بركا نحفظ الحديث ؟ المهم في الاخير نتمنى تكوني بخير واحوالك زينة وربي يوفقك مرة اخرى . ساعود مساءا وفاء دمت بود سلام
|
|||||
|
|
2015-04-27, 12:02
|
رقم المشاركة : 1607 | ||||
|
اقتباس:
صباح الفل والياسمين حبوبتي هاجر ... كيف حالك يا غاليتي ؟؟؟؟؟؟؟ يوووووووو حبيبتي والله بصراحة امر مؤسف ويغيظ ...وانا كنت دائما يصرالي هك ...ساعات تروحلي التريسيتي ..وساعات الكونيكسيو ...ومرات يطفا الميكرو المهم لعدة اسباب ويختفي كل مااكتبه ..ولكن وجدت طريقة لتجنب هذا الامر ..هو انني اصبحت اكتب الرد على الوورد word..وكل مااكتب كلمة ندير حفظ ههههه ..والله وليت نخلع لا كلش يروحلي .... المهم نتي ثاني ديري هك ..والحاجة لتعجبني كي نكتب في الوورد نولي براحتي نقدر نكتب جزء لنقدر عليه من الرسالة واذا كاش ما صرا ولا عيطتلي ماما مثلا وكان لازم عليا نروح ..عادي طول ..نروح ومن بعد كي نرجع نكملها ... على كل ربي حفظك حبوبتي ....وشكرا جزيلا على كل حال ....وهذا الرد راه رائع ثاني حبيبتي... مبروووووووووووووووك حبيبتي الف الف مبروك والعقوبة لمعدل اكبر في البااك ...ولكن نتي ضرك ماتخميش في المعدل ..كيما درتي طول في هذا الفصل شفتي كي ماخممتيش في المعدل هاكي ديتيه مليح وهاو ربي سبحانه جزاك خيرا على عملك..نتي دائما اقراي وابذلي جهدك ومن بعد وكلي امرك لرب العالمين... حبيبتي انا بصراحة ماتعجبنيش الطريقة انو تراجعي الدروس لانو دروس العلوم طويييييييييييييييييييلة جدا ..ومهما قريتي مش راح تكملي ..بصح كون تبداي في التمارين رايح يكون خييير ..لخطراه كي تحلي تمرين مثلا في المشابك وماتفهميش السؤال روحي شوفي الحل ..وكان مافهمتيش الحل ارجعي للدرس وافهميه ..انا نشوف انو هاذي افضل طريقة والله اعلم ... واتمنى لك حبيبتي ان تحققي نتيجة رائعة في العلوم خاصة وانك تدرسينها بجد باذن الله راح تجيبي فيها ...فقط تابعي هكذا .... بالنسبة للشريعة والله اعطيك الصحة هاذي افضل حاجة انك تحفظي وتعاودي ...وزيدي قومي بحل كاش بكالوريات فيها وباذن الله راح تضمنيها .. بالنسبة للاحاديث لا لليس شرط وانما في الادلة ...تقدري تجمعي الايات والاحاديث لحافظتهم لانك كون تلاحظي انو عندك ثروة من الادلة ...على سبيل المثال كون نقولك اعطيني دليل في التعاون ..راح تقوليلي **وتعاونو على البر والتقوى ولا تعانوا على الاثم والعدوان **..كون نقلك على الاحسان او العدل ..**ان الله يامر بالعدل والاحسان **..كون نقلك على الربا ...**واحل الله البيع وحرم الربا **....وهي رايحا ..عندك ياسر ياسر ادلة برك ممكن مايجيش في بالك لذلك حاولي تجميعهم من ضرك .. والله ربي يخليك صحوبتي راني الحمد لله والحمد لله بالف خيير.. في انتظار عودتك حبيبتي في المساء ان شاء الله...ومع السلامة وبالتوفيق ....   في حفظ الرحمان... |
||||
|
|
|
2015-04-27, 12:28
|
رقم المشاركة : 1608 | ||||
|
اقتباس:
اهلا وفاء يستما راكي هنا شوف المكتوب
الحمد الله الي راكي بخير , دايمه ان شاء الله حبيبتي بالنسبة لموضوع العلوم منكذبش عليك نجربوا في الوحدات الي ضاعتلي برك اما الاخرى راني حاكمتها بصاح كي شغل الوحدات الاولى قتلك معنديش فكرة اساسا عليها واليوم رحت للاستاذ زاد فهمني في ياسر حوايج فيها طبعا فكرة التمارين نجربها نجمع حصيلة الدرس اولا هذا لانو عقلي فارغ من دروس الفصل الاول اما الشريعة قتلك نحفظ ونعاود وحتى دروس الي بعد الصحة الجسمية والنفسية حافظتهم من قبل بصاح كانو بديت ننسى لهذا اني نعاود واما المواد الاخرى بديت مع الادب البارح مع استاذتنا وفي هذي العشوة نزيدوا نكملوا وبدينا من لول والرياضيات ثاني مع استاذنا خارج الليسي والحقيقة خاطفة حاجة من كل مادة وعلى العموم الحمد الله قتلك مزالت محصلتي ضعيفة بصاح اني معوله عليها وصراحة حكاية المعدل مش هامتني المهم الباك نجيبوا وخلاص و الحقيقة انو عندك صحبتك متحبش تقرا  يعني راني قنحتم في روحي كي نتفكر بلي نعاود عام كامل تجيني صعيبة وينوض القلب ونقول منعاود وطبعا الي ربي كاتبها هاذيك هيا تفكرت فكرة الحوليات نصحتيني بيها في لول وجربتها الفصل الثاني من 7.25 في الاجتماعيات الى 12 ومن 11.30 الى 18 في الشريعة والمشكل الفصل الاول المنهجية مكانتش عندي والمنهجية هي كلش واكتسبتها الفصل الثاني من وراء نصيحتك حنونتي    مش حابه نطول عليك اكثر هل من جديد من جهتك ؟ وخارج نطاق البيت يا مسكينة كشما خدمتي حاجة ؟ مذابيك بالتفاصيل  |
||||
|
|
|
2015-04-27, 14:00
|
رقم المشاركة : 1609 | ||||
|
اقتباس:
سلاااااااام هجورتي ..... بدون مقدمات ندخل طول في الرد ههههه.. بالنسبة حبوبتي للعلوم ...هاني حاولت نحوس على ملخص شامل ومفيد ..لقيت هذا شوفييه باذن الله يعجبك ويفيدك ... بالنسبة للشريعة ..انا العام لفات اتبعت نفس طريقتك نحفظ ونحس روحي نسيت مالا نعاود نحفظ وبقيت هك لاخر لحظة والحمد لله كانت نتيجتي 20 في الشريعة وان شاء الله نتي ثاني تجيبي هك ..ومادام يا فحووووووولة جبتي 18 في الفصل الثاني راني متفائلة يعني 20 مش مستحيلة ... الادب راها عندها اهمية كبيرة وماتنسايش معاملها 3 ...ماذابيك تركزي فيها ...والادب عليك وعلى حل المواضيع ... ومادام انك كيما قتلي خاطفة شوي من كل حاجة هذا هو الصح يعني ماتخفيش وكيما قتلك ضرك بقالك غيير تحلي البكالوريات ... والمعدل على ربي سبحانه ...راح تدي المعدل لراه ربي سبحانه شايفلك فيه خيير... وماتقوليش مانحبش نقرا ...ضرك علابالك كي تغوصي مع القراية وحدك وحدك تولي تحبيها فهي متعة حقيقية ...صدقيني ...المهم وعلى كل حال اقراي برك وحتى ولو تكرهيها وباذن الله راح تنجحي وتهناي منها ... ضرك حبوبتي ماتخميش خلاااااااااااص في الاعادة ...خمي كيما قتلك باه تقراي فقط وتفائلي خيير ..وكيما قلتي راكي عجبتيني صح لكاتبة راه تجي ..كلشي بالمكتوب ...وحنا برك علينا نخدموا وندعو ربي وهو اعلم بالخير لنا ... وحقيقة حبيبتي انا لا فضل لي عليك بل انت سبب نجاح نفسك ...بعد فضل الله طبعا ..لانك قوية وذات ارادة صلبة فعندما عزمتي ان تدرسي و ترفعي مستواك استطعتي ..انت مؤمنة انه لا شئ مستحيل بالعمل ...وبما انك تعملين وكلك ثقة بالله فلم يخيبك جل في علاه .لانك تعبتي حقا فانت تستحقين كل الخير وان شاء الله القادم اعظم.. بالنسبة ليا حبيبتي كعادتي في منزلي هههه والله حقيقة عاجبني الحال لانني ارى ان الجلوس في المنزل لهذا العام خير كبير لي ..اولا استفدت من الكثير من الاشياء وثانيا ارتحت نفسيا وفكريا وجسديا كون تشوفيني ربي بارك هزيت صحتي وزينت اكثر احم احم هههههه.... انا مرتاحة لانني اعلم حق العلم ان هذا خير لي باذن الله والعام القادم راح تكون بداية جديدة... كذلك انا ازور من حين الى حين صديقة لي تسكن قربي واساعدها في الدراسة قليلا ..وكذلك ازور اقاربي ...فلا اشعر بالملل ..وغدا باذن الله ساذهب مع اختي للجامعة ..لكلية البيولوجيا اين سادرس باذن الله العام المقبل ...روح نقرعج شوي ههههههه ... حبيبتي اظن انني اطلت الكلام وراه وقتك ضيق ...نخليك ضرك مع قرايتك وراني ديما ندعيلك حبوبتي .. بالسلامة وربي يحفظك ... |
||||
|
|
|
2015-04-27, 17:26
|
رقم المشاركة : 1610 | |||
|
راني مجاهدا غير نسرق ههههههههههه مرسي حبوبة ربي يعيشك
|
|||
|
|
|
2015-04-27, 18:46
|
رقم المشاركة : 1611 | ||||
|
اقتباس:
اهلين وفاء شكراااااااااااااااااا على ملخص العلوم عجبني وعولت نطبعوا تقدري تقولي كملت النشاط الثالث ومبقاش ياسر وندخل النشاط الرابع وهذي الوحدة ان شاء الله نكملها اليوم وبعدها نحل عليها تمرين بكالوريا
المهم تلقاي اجوبتي كامل في الاقتباس نزيدك حاجة برك ميهمكش وقتي ضيق ولا لالا راني كي شغل ندخل المنتدى قعلجال الصفحة هاذي برك وغير اليوم انظميت لمجموعة تحفظ لقيت بلي روح التنافس غايب في المحيط نتاعي وحبيت نبدل شوي وتاكدي راني قهنا ندور مرة على مرة على خيتي وفاء في التالي ربي يحفظك ياسر وربي يوفقك نتي ثاني متخميش اني ندعيلك انا ثاني ربي يجيبها زينة ان شاء الله تهلاي في روحك سلام |
||||
|
|
|
2015-04-28, 05:07
|
رقم المشاركة : 1612 | |||
|
سلام شباب |
|||
|
|
|
2015-04-28, 12:23
|
رقم المشاركة : 1613 | |||
|
صباح الخييييير اختي وفاء ان شاء الله تكون احوالك مليحة |
|||
|
|
|
2015-04-28, 20:12
|
رقم المشاركة : 1615 | ||||
|
اقتباس:
مرحبا حبيبتي هاجر كيف حالك؟؟؟..ان شاء الله بالف خيير ... ارجو المعذرة هجورة لتاخري في الرد .لانو البارح راحتلنا الكونكيسيو واليوم علابالك خرجت ... المهم اول شئ الحمد لله انو الملخص عجبك ..وكاش ماحتجتي راني هنا ..وانا بدروي كي نلقا حوايج ملاح راني نحطهملك .. بالنسبة للخوف حبيبتي .هو امر طبيبعي فمعظم التلاميذ او لنقل 90 بالمئة من التلاميذ يخافوا ..لكن كاين لي يخاف وفي المقابل يقرا مليح ..وكاين لي يخاف والخوف هذاك يحطمو ويخليه ديما في الوراء ... معليهش نخافوا مي المهم نخدمو ونقراو مليح وما نخلوش الخوف يتغلب علينا ..وراني نشوف بلي راكي ماشاء الله المعنويات طالعة والايمان والتوكل على الله عز وجل كبير ...انت رائعة غاليتي ... والله راني فرحانة انو نصائحي المتواضعة افادتك ومستعدة اقدم اكثر فكلنا معا باذن الله يد واحدة .. ههههههههه باذن الله اكيد راح تولي اكثر من بياض الثلج ضرك تشوفي وكأنو جبل ازيح عن ظهرك ....ازربي برك اقراي باه تفوت الايام ثم ثم وتعقبي الباك وترتاحي ان شاء الله ...وتزيان طبعا... بالنسبة لقرايتي الحمد لله باذن الله باذن الله نكون العام القادم مستعدة للدراسة تماما ..والتوفيق من الله تعالى.. الحمد لله مالا هكا تفرحيني ..المهم ديري وش يريحك حبوبتي ...والله انا كي نشوفك لاباس نرتاح ... وصح لازم شوي العبد يبدل الجو ..كي يكون ديما في نفس الروتين راه يكره ويمل ..واعطيك الصحة كي دخلتي لمجموعة تع حفظ ماكانش كيما التنافس ...هو ليخليك تقراي في اكبر وقت .. شحال نفرح كي نلقى عبد يدعيلي شكرا جزيلا ياغالية ..ربي يخليك.. ونتمنى تكون امورك دائما تماااااام ...وهانا مرة على مرة نضربوا على بعضانا طلة وكاش ماحتجتي راني هنا ... مع السلامة حبيبتي فليحفظك الله عز وجل ... وتلاي في روحك ياسر حبيبتي .. سلام .. |
||||
|
|
|
2015-04-28, 20:22
|
رقم المشاركة : 1616 | ||||
|
اقتباس:
السلام عليكم ورحمة الله تعالى وبركاته .. بالنسبة لملخص المتتاليات هاهو ان شاء الله يعجبك... و و وهذا ايضا ملخص على شكل فيديو .. واذا كان هناك اي سؤال او اشكالية تفضل ...وباااذن الله سنحاول اجابتك بالنسبة للتحويلات النقطية اذا ممكن تقول بالضبط اين الاشكالية ...وان شاء الله راح نعاونك .. بالنسبة للجدول ارجو منك ان تنتظرني بعض الوقت وساحاول ان افكر في جدول جيد ان شاء الله ... اما الشريعة حقيقة كنت نحفظ من ملخص عطاهولنا الاستاذ مي المشكلة راني مديتو يعني ماراهش عندي ...ولكن على كل حال الشريعة تعتمد على حفظ الدروس من اي مرجع يكون منطقي ...ثم حل البكالوريات الخاصة بها ..انا العام الماضي اشتريت حوليات سلسة مستقبلي في الشريعة وقد افادتني كثيرا .. شوف اخي هاذو النقاط في الشريعة ان شاء اله يفيدوك راهم مهمين جدا .. |
||||
|
|
|
2015-04-28, 20:32
|
رقم المشاركة : 1617 | ||||
|
اقتباس:
اهلا وسهلا غاليتي ...لاداعي ابدا لقول هذا والله راني فرحانة معاكم ومش مقلقيني خلاص ...اسئلي وش تحبي وانا بدوري راح نجاوب على ما استطيع وبكل ما املك من معلومات والله المستعان ...
اولا حبيبتي اقول لك لاتخافي مطلقا ....خذي الامر ببساطة فليس هنا مايخيف وانا ارى ان حصيلتك ممتازة ما شاءالله انت تبلين بلاء حسنا فلا تقلقي واكملي فقط هكذا ..بالنسبة للجدول ساحاول ان انجزه لك في اقرب وقت ..وهو بصراحة امر صعب او شبه مستحيل ان تكملي كل الدروس قبل البكالوريا البيضاء ..فالعلم كما نعلم بحر ومهما درسنا ودرسنا فلن نكمله لكن نحن ماعلينا فعله هو القيام بوجابنا ..فلو سألتي مثلا الذين اخذو معدلات عالية جدا لاخبروك انهم لم يكملو كل الدروس لكن شاء القدر ان تطرح الاسئلة في الاشياء التي يعلمونها ...فمثلا واحد يحضر نص في الادب ويفهمو مليح **ويكتبلو ربي يدي مليح **راه يجيه نفس هذاك النص في الباك وكاين العكس يحلو وش يحلو والله غالب مايطحلهمش وكيما قتلك حنا برك نديرو الواجب ونتوكلو على ربي سبحانه .. انا راح نحاول نديرلك الجدول بصح شوي ضرك مخلطتلي لانو عندي خرجات هاذ الايام ..مي باذن الله راح ندير كل ما يمكنني باه نحطلك الجدول في اقرب وقت ولكن اعذريني ان تأخرت حبيبتي ... واذا كان عندك اشكالية في اي حاجة تفضلي راني باذن الله مستعدة للاجابة ..وبالتوفيق سلام.. |
||||
|
|
|
2015-04-28, 20:34
|
رقم المشاركة : 1618 | ||||
|
اقتباس:
هههههههه بلا مزية حبي ادي وش تحبي ....بالتوفيق ...
|
||||
|
|
|
2015-04-28, 20:36
|
رقم المشاركة : 1619 | ||||
|
اقتباس:
وعليكم السلام ورحمة الله تعالى وبركاته
مرحبا حبوبتي وصديقي سوزي ..كيف حالك يا حلوتي ؟؟؟ان شاء الله راكي بالف الف خيير اما عن حالتي فانا الحمد لله بخير ..ربي يعيشك حنونة ...والله انا ثاني توحشتك ياااااااااااسر ...اخبريني عن احوالك مع الدراسة واين وصلتي وهل تواجهك مشاكل ؟؟؟وبالتوفيق يا غالية .. |
||||
|
|
|
2015-04-28, 21:16
|
رقم المشاركة : 1620 | ||||
|
اقتباس:
و على التوقيت معليش منتعبكش معايا ذك نكمل بنفس التوقيت لي راني ندرس بيه منذ شهر لانو انا كنت نظن انو حصيلتي متاخرة جدا مي الحمد الله نكمل نقرا كيما بديت باه نوصل ان شاء اللله شكرااااا بزاااااف بزاف حبوبتي ربي يحفضك و يعطيك ما تتمنااااي سلاممم |
||||
|
|
|
| الكلمات الدلالية (Tags) |
| 2015, مجموعة, لطلاب, التسائلات, اجابة, بكالوريا, نصائح |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
حمزة المجتهد مستعد للاجابة على استفساراتكم ~ الى التميز ~ متجدّد ~
العرض العادي
