ضعي بصمتك بنصيحة ام ......... - الصفحة 2

شموخ امرأة · 2015-04-23, 13:26

الام مدرسة ان اعددتها اعددت شعبا طيب الاعراق
الام تفشش بنها والي يطلبها تقلو حاضر ولما يغلط تقلك راه صغير ومايعرفش
ومن بعد تولي تتشكا منو وماتحكمش فيه
لازم الام تبدا تربية اولادها من سن الصفر يعني ملي يزيد ايه ملي يزيد
عندو وقت النوم وقت الرضاعة ماشي كل مايبكي تهزو ......الخ
والطفل الصغير راه يفهم كل شي يعني لازم تكوني انت القدوة ولازم الام والاب يتفاهمو على تربية الاولاد ماشي كل واحد يقول كلمة وهذا يكسر كلمة الاخر لانو الاب او الام لما يكسر كلمة الاخر الاولاد مارحش يديرولو قيمة لكلمتو

ربي يوفقكم في تربية اولادكم

ام مؤمن · 2015-04-23, 13:52

شكرا لكم على هذا الموضوع الرائع و نقاشاتكم الاروع

انا ام ابنت 6سنوات و نصف و طفل 3 سنوات و نصف الحمد للله نحاول نربيهم صح و نعلمهم المبادئء و الاخلاق ابني تاخر في النطق مازال مايفهمش عليا كل شيئء لكنوا يستوعب كلامي و تعاملي معه اما ابنتي الحمد لله تستوعب كلامي و تخاف من غضبي ااذا فعلت شيئء خاطئء
انا مانحبش ندلل الاولاد بزاف نعطيهم حقهم من الاكل و النوم و الرعاية و الحنان و اذا غلطوا نحاسبهم و نعاقبهم
نصيحة الحنان الزايد يفسد طباع الاولاد و ايضا نصيحة اذا ربيتي الطفل الاول تربية جيدة ماتخفيش على الاخرين تباعا يتبعوا الطفل الاكبر في كل تصرفاته
بالنسبة للمشاكل مشكل الغيرة تداركته و لكن العناد ماقدرتش عليه يعني انا بنتي ماتسمعش كلامي او بالاحرى ماتنفذنش كلامي حتى نصرخ يعني جامي تدير حاجة بالسكات و نوسع بالي معاها و لكنها عنيدة جدا و تحب تدير رايها
ابني مشيطني في موضوع الاكل عندو هواية نتاع اللعب بالاكل كلما نحطلوا طبق ياكل ملعقة و يرمي عشرة على الارض و يرفض كل انواع الطعام تقريبا عايش بالحليب و تعبت باش نخليه ينتظم في الاكل و لكن لا حياة لمن تنادي كي نديه معيا عند الاقارب نحشم بيه كي يحطولوا ياكل و يصير يلعب بالاكل و يبعثره و احيانا يستفزني حتى اني نضربوا على يديه و جرب معاه طريقة الكلام و ماجابتش نتيجة نفس الموضوع بالنسبة للكوش مايحبش يروح للمرحاض و يبقى يبكي حتى نلبسلوا لا كوش حاشاكم

راني كثرث عليكم و لكن اللي عندها تجربة مع اولادها تنصحنا لوجه الله و بارك الله فيكي اخيتي على الموضوع

شموخ امرأة · 2015-04-23, 16:32

اقتباس:

المشاركة الأصلية كتبت بواسطة دعاء القلوب

يعطيك الصحة خالتو واش حوالك
موضوع في القمة انا عندي بنت اربعسنوات وتوام عام و3شهور صراحة تعبت معاهم خصوصا من ناحية الغيرة ماعرفتش كيفاش ندير
ان شاء الله
في موضوعك نلقى النصايح اللازمة اللي تعاوني
وان شاء الله يدخلو الامهات اللي عندهم خبرة ويفيدونا

اقتباس:

المشاركة الأصلية كتبت بواسطة solis

انا عندي طفل في عمره 11شهر و انا اعمل فترة الصباح فقط والعمل قريب من البيت 10دقايق نكون في الدار و نخليه عند حماتي بصح هي تحب دير رايها و تعطيه الشوكولا و العصير مع اني نحدرها من هدا الشي و اخر حاجة حبت تديه معها عند اقاربها في فترة عملي كي قلتلها روحي وانا نقعد معاه اليوم معجبهاش الحال حبت تديه رغما عني
قولولي كيفاش اندير
ولدها مايقدر ايقولها والو
ولو كان نسكت ديما تديه معها وش يقولو عليا الناس انا امنتها فيه وهي دير في رايها
وبغات تاني يرقد معها ويخليني انت خفت يكبر يعود مايحبنيش ويقول هي لي رباتني

اقتباس:

المشاركة الأصلية كتبت بواسطة ام مؤمن

شكرا لكم على هذا الموضوع الرائع و نقاشاتكم الاروع

انا ام ابنت 6سنوات و نصف و طفل 3 سنوات و نصف الحمد للله نحاول نربيهم صح و نعلمهم المبادئء و الاخلاق ابني تاخر في النطق مازال مايفهمش عليا كل شيئء لكنوا يستوعب كلامي و تعاملي معه اما ابنتي الحمد لله تستوعب كلامي و تخاف من غضبي ااذا فعلت شيئء خاطئء
انا مانحبش ندلل الاولاد بزاف نعطيهم حقهم من الاكل و النوم و الرعاية و الحنان و اذا غلطوا نحاسبهم و نعاقبهم
نصيحة الحنان الزايد يفسد طباع الاولاد و ايضا نصيحة اذا ربيتي الطفل الاول تربية جيدة ماتخفيش على الاخرين تباعا يتبعوا الطفل الاكبر في كل تصرفاته
بالنسبة للمشاكل مشكل الغيرة تداركته و لكن العناد ماقدرتش عليه يعني انا بنتي ماتسمعش كلامي او بالاحرى ماتنفذنش كلامي حتى نصرخ يعني جامي تدير حاجة بالسكات و نوسع بالي معاها و لكنها عنيدة جدا و تحب تدير رايها
ابني مشيطني في موضوع الاكل عندو هواية نتاع اللعب بالاكل كلما نحطلوا طبق ياكل ملعقة و يرمي عشرة على الارض و يرفض كل انواع الطعام تقريبا عايش بالحليب و تعبت باش نخليه ينتظم في الاكل و لكن لا حياة لمن تنادي كي نديه معيا عند الاقارب نحشم بيه كي يحطولوا ياكل و يصير يلعب بالاكل و يبعثره و احيانا يستفزني حتى اني نضربوا على يديه و جرب معاه طريقة الكلام و ماجابتش نتيجة نفس الموضوع بالنسبة للكوش مايحبش يروح للمرحاض و يبقى يبكي حتى نلبسلوا لا كوش حاشاكم

راني كثرث عليكم و لكن اللي عندها تجربة مع اولادها تنصحنا لوجه الله و بارك الله فيكي اخيتي على الموضوع

سلام لي عودةلرد على الامهات ارجوا من جميع الامهات الفاضلات ان لا يبخلن عنا بنصيحة

~~ibtihal18~~ · 2015-04-23, 18:50

يعطيكم الصحة يا امهات صحيح لما تكون القدوة حاضرة اكيد رح تسهال التربية لانو ارى اي انسان يتاثر بتصرف ما ***سواء صالح او طالح*** ضعف ما يتاثر بالكلام و لهذا ارى انه صلاح الاولاد من صلاح الاباء ................و ايضا فيما يخص الدلال المفرط يفسد الدراري بزاف انا ضد هذا التصرف و ساحاول تجنبه باذن الله ..........لكن وش رايكم ايهما اسهل اننو الاولاد يتربباو في بيت مستقل ام عندما يكونو مع الاهل مع اني ضد الثانية لاني عشت التجربة مع بنت اختي اللي تربات معانا و مع بنت سلفي .اتمنى الافادة من ذوي الخبرة...............لي عودة للاستفادة

شموخ امرأة · 2015-04-23, 21:03

اقتباس:

المشاركة الأصلية كتبت بواسطة ام مؤمن

شكرا لكم على هذا الموضوع الرائع و نقاشاتكم الاروع

انا ام ابنت 6سنوات و نصف و طفل 3 سنوات و نصف الحمد للله نحاول نربيهم صح و نعلمهم المبادئء و الاخلاق ابني تاخر في النطق مازال مايفهمش عليا كل شيئء لكنوا يستوعب كلامي و تعاملي معه اما ابنتي الحمد لله تستوعب كلامي و تخاف من غضبي ااذا فعلت شيئء خاطئء
انا مانحبش ندلل الاولاد بزاف نعطيهم حقهم من الاكل و النوم و الرعاية و الحنان و اذا غلطوا نحاسبهم و نعاقبهم
نصيحة الحنان الزايد يفسد طباع الاولاد و ايضا نصيحة اذا ربيتي الطفل الاول تربية جيدة ماتخفيش على الاخرين تباعا يتبعوا الطفل الاكبر في كل تصرفاته
بالنسبة للمشاكل مشكل الغيرة تداركته و لكن العناد ماقدرتش عليه يعني انا بنتي ماتسمعش كلامي او بالاحرى ماتنفذنش كلامي حتى نصرخ يعني جامي تدير حاجة بالسكات و نوسع بالي معاها و لكنها عنيدة جدا و تحب تدير رايها
ابني مشيطني في موضوع الاكل عندو هواية نتاع اللعب بالاكل كلما نحطلوا طبق ياكل ملعقة و يرمي عشرة على الارض و يرفض كل انواع الطعام تقريبا عايش بالحليب و تعبت باش نخليه ينتظم في الاكل و لكن لا حياة لمن تنادي كي نديه معيا عند الاقارب نحشم بيه كي يحطولوا ياكل و يصير يلعب بالاكل و يبعثره و احيانا يستفزني حتى اني نضربوا على يديه و جرب معاه طريقة الكلام و ماجابتش نتيجة نفس الموضوع بالنسبة للكوش مايحبش يروح للمرحاض و يبقى يبكي حتى نلبسلوا لا كوش حاشاكم

راني كثرث عليكم و لكن اللي عندها تجربة مع اولادها تنصحنا لوجه الله و بارك الله فيكي اخيتي على الموضوع

سلامي اليك اخيتي وبارك الله فيك ورزقك الصبر ........
رايح ننصح من خلال تجربتي الخاصة بننسب لبنتك يلزم تكوني حازمة معها وتعاقبيها ليس بضرب بل بالحرمان من الاشياء التي تحبها كالعب او الخروج معك ...............و........

يعني تقوليلها ديري هديك الحاجة ونخرجك او نشريلك حاجة.........قربيها منك اكثر لان سبب العناد هو الغيرة ......وصحبيها وحكيلها كيفاش زيدتي وكفاش فرحتي و...........وشوفي ربما كاين شخص في العائلة عنيد وهي راها تقلده ........
اما الصغير ماتعطيهش الطعام كل وقت خليه يجوع مليح ......وما تخافيش حتى واحدة ما مات من الجوع ههههههه او عطيه الاكل على شكل سوندويش .........
يعني كي يجوع ياكل مباشرة بلا ما يلعب وهدا كله مع الهدرة معاها وتفهميه بلي ما تعطيهش الاكل يلعب بيه حتى يتعلم اداب الاكل ............
اما الحفاضات راه كبير ويلزم تنحيله الحفاظ وتعوديه يروح لتوالات اكرمك الله في البداية يعاند ودي بيبي على روحه لكن مع الوقت يتعود وخبي عليه الحفاضات واذا بكا خليه يبكي حتى يكره ويسكت وادا طلب الحفاض شمخي الحفاظة بدواء الاحمر يعني المطهر لنديروه لبيبي كي يكوم في التهاب وخوفيه قوليله شوف واش فيه ههههه
اتمنى نكون افدتك ويزيدو الاخوات يفيدوك اكثر

شموخ امرأة · 2015-04-23, 21:14

اقتباس:

المشاركة الأصلية كتبت بواسطة ibtihal18

يعطيكم الصحة يا امهات صحيح لما تكون القدوة حاضرة اكيد رح تسهال التربية لانو ارى اي انسان يتاثر بتصرف ما ***سواء صالح او طالح*** ضعف ما يتاثر بالكلام و لهذا ارى انه صلاح الاولاد من صلاح الاباء ................و ايضا فيما يخص الدلال المفرط يفسد الدراري بزاف انا ضد هذا التصرف و ساحاول تجنبه باذن الله ..........لكن وش رايكم ايهما اسهل اننو الاولاد يتربباو في بيت مستقل ام عندما يكونو مع الاهل مع اني ضد الثانية لاني عشت التجربة مع بنت اختي اللي تربات معانا و مع بنت سلفي .اتمنى الافادة من ذوي الخبرة...............لي عودة للاستفادة

سلام اسعدني مرورك العطر ..
انا شخصا نفضل تربية في بيت مستقل لا نها تسمحلك بتربية سليمة وكماتحبي انت يعني بلا تدخل من الاخرين مثلا كاين وين الاهل يدخلوا بحسن نية........... انت تعاقبي الطفل على غلطه وهم يدافعوا عليه ويرفضوا العقاب وهدا يخلي طفل يلجأ اليهم دائما للهروب من العقاب
لكن هذا لا يمنع دور الاهل والاختلاط بيهم ...........يلزم الطفل يعرف بان القرار الاول والاخير لوالديه .....

شموخ امرأة · 2015-04-23, 21:27

اقتباس:

المشاركة الأصلية كتبت بواسطة دعاء القلوب

يعطيك الصحة خالتو واش حوالك
موضوع في القمة انا عندي بنت اربعسنوات وتوام عام و3شهور صراحة تعبت معاهم خصوصا من ناحية الغيرة ماعرفتش كيفاش ندير
ان شاء الله
في موضوعك نلقى النصايح اللازمة اللي تعاوني
وان شاء الله يدخلو الامهات اللي عندهم خبرة ويفيدونا

سلام طيب مطر بكل حب واشتياق لكي حبيبتي...............:

الغيرة شيء طبيعي بين الاخوة نتي حاولي تحسي الكبيرة با لمسؤولية اتجاه الصغيرين ربي يبارك لك فيهم وخليها تعتني بيهم تحت رقابتك و فهميها بلي هي ابنتك الحبيبة لتساعدك ليلزم تعتني بخاوتهاوردي بالك في التعامل مع الصغيرين بحنان وخوف زياد........ لانها تراقبك بلا ماتشعري بيها كي تشوفك تهتمي بصغيرين تزيد في الغير وانت اهتمي بيها اكثر وجلسي معاها وحكيلها و..........

شموخ امرأة · 2015-04-23, 22:22

نصيحة ام حريصة على صلاح ابنائها

السلام عليكم و رحمة الله و بركاته
يعطيك الصحة اختي راني متبعا من الاول و انا عندي جولة طويلة و عريضة مع الاولاد عندي كل الاعمار
ولد 16 سنة و بنت 13و........و.....
............الحقيقة منين كانو صغار رغم تعب التربية لكن ماشي كيما كبرو شيبتني سن المراهقة و سوفريت معاهم العام للي فات بصح الحمد لله هاذ العام راني حاسة روحي تحكمت شوي في الامور اصعب شيء اللي يضيع الاولاد هو عدم تفاهم الابوين ........كنت نقوليهم ما تخرجوش كي يجي الاب يقوليهم خرجو نقوليهم ما تشروش الاب يقوليهم اشرو حتى فقدت السيطرة عليهم ...........لمني عقدت العزم و فكرت انهم ما زالو في ايدي و ما نخليهمش يضيعو .................جلست جلسة مغلقة مع السبع و حددت معاه نقاط الاختلاف في التربية و تفاهمنا و الحمد لله و رجعت للاولاد جلست معاهم جلسة استماع و خليتهم يقولو كل واش في قلبهم ..........الكبير قالي خاصني مساحة من الحرية و ما تزيدوش تقولولي قرا .........فرغتلو شومبرة وحدو و شريتلو خزانة و بيرو ...ووعدو ابوه ما يزيدش يقولو قرا و لله الحمد راه را متلفت لقرايتو و حارص وحدو و البنت قربت منها بزاف و قعدت نحكيلها كيفاش كنت في السن نتاعها و منحتها ايضا شويا حرية ........( كان ابوها مضيق عليها ممنوع التلفاز ..ممنوع سماع الاغاني ..ممنوع الخروج ..ممنوع الصديقات........و القائمة طويلة) .........الان راني نخليها تتفرج بحضوري و نخليها تسمع واش بغات و نخليها ترقص في الدار ........لكن الميكرو ممنوع عليهم منعا باتا الا اذا كان بحث ......او شيء نشوفوه مع بعض ......و الطفل الصغير هو للي راه ضايع ما جا مع لكبار ما جا مع الصغار ................. راني نحاول نهتم بيه اكثر و نتكلم معاه و نحسسو بلي راه عضو فعال ..خاوتو دايما مقللين من شانو و مستضعفينو و مقلشين اخته الصغير ......
التربية لا يمكن اختصارها في بعض السطور راهي بحر ............ المهم ما تهملوهمش و ما ديقوش عليهم مرة هاك و مرة هاك ........

......

شموخ امرأة · 2015-04-23, 22:28

اين انتن يا امهاااااااااااااااااااات مازلت انتظر تجاربكن لمزيد من التربية الصالحة
وخاصا الخبيرات لكبرو لولاد والبنات ونجحو وحتى لما نجحتش معاها طريقة تنبهنا ليها
ومساعدة الاخوات لطروحو بعض مشاكل التربية
سال ام مجربة ولاتسال **********************
وكل في ميزان حسناتكن انتظر المزييييييييييييييييييييييييييييد

ام مؤمن · 2015-04-25, 11:54

اقتباس:

المشاركة الأصلية كتبت بواسطة شموخ امرأة

سلامي اليك اخيتي وبارك الله فيك ورزقك الصبر ........
رايح ننصح من خلال تجربتي الخاصة بننسب لبنتك يلزم تكوني حازمة معها وتعاقبيها ليس بضرب بل بالحرمان من الاشياء التي تحبها كالعب او الخروج معك ...............و........

يعني تقوليلها ديري هديك الحاجة ونخرجك او نشريلك حاجة.........قربيها منك اكثر لان سبب العناد هو الغيرة ......وصحبيها وحكيلها كيفاش زيدتي وكفاش فرحتي و...........وشوفي ربما كاين شخص في العائلة عنيد وهي راها تقلده ........
اما الصغير ماتعطيهش الطعام كل وقت خليه يجوع مليح ......وما تخافيش حتى واحدة ما مات من الجوع ههههههه او عطيه الاكل على شكل سوندويش .........
يعني كي يجوع ياكل مباشرة بلا ما يلعب وهدا كله مع الهدرة معاها وتفهميه بلي ما تعطيهش الاكل يلعب بيه حتى يتعلم اداب الاكل ............
اما الحفاضات راه كبير ويلزم تنحيله الحفاظ وتعوديه يروح لتوالات اكرمك الله في البداية يعاند ودي بيبي على روحه لكن مع الوقت يتعود وخبي عليه الحفاضات واذا بكا خليه يبكي حتى يكره ويسكت وادا طلب الحفاض شمخي الحفاظة بدواء الاحمر يعني المطهر لنديروه لبيبي كي يكوم في التهاب وخوفيه قوليله شوف واش فيه ههههه
اتمنى نكون افدتك ويزيدو الاخوات يفيدوك اكثر

بارك الله فيكي على نصائحك و الله رايحة نعمل بيهم اان شاء الله

ربي يحفظ وليداتنا و يقدرنا عليهم و على تربية الجيل الصالح

omomnia15 · 2015-04-25, 16:46

لالسلام عليكم وشكرا عللى هذي الصفحة عندي مشكل وحابة تساعدوني
عندي 4 بنات وولد اعمارهم 19 17 13 06 4اشهر البنتين الكبار مراهقات بصح نحس راني فاقدتهم ومعنديش بنات الكبيرة حنينة وتسمع الهدرة وتعاوني في الشغل اما الي قل منها عنيدة وترجع الهدرة لي وللباباها وتخدم االضغل بالنفحة وما تتقنش الخدمة وزيد تغير من اختها الكبيره وتقولي ادافعي عليها بزاف تكرهيني وزيد لج ميخكولي والو على خصوصياتهم غير بيناتهم مرة يتهامسوا ويضحكوا مرة يتغامزوا نحس راهم على كاش واحد ونخاف يكونوا متصاحبين مع كاش واحد يتلفلهم رايهم وزيد الكبيرة نحس باباها يكرها ومهمشها شحال من مرة يضربها ويعاديها ايام وايام مايسال عليها مايشوف واش خاصها كي نقلوا راك حاقرها وانتبهلها يقولي متهمنيش والله قلبي يتعصر عليها وزيد هو يحب الي قل منها ويلبيلها كل طلباتها واذا زعف عليها يتعاقبوا كلهم معاها والله غير حرت ومالقيت واش ندير وزيد وليت مقلقة ونهدر غير بالصراخ ومنقدرش نتحكم في اعصابي كي نهدر مع الزوج اذا كان في حالو يعطيني الحق واذا كان مقلق يسبني وينارفيني ويقولي متعرفيش تربي واش ندير انصحوني جزاكم الله كل خير

~~ibtihal18~~ · 2015-04-26, 10:53

اقتباس:

المشاركة الأصلية كتبت بواسطة omomnia15

لالسلام عليكم وشكرا عللى هذي الصفحة عندي مشكل وحابة تساعدوني
عندي 4 بنات وولد اعمارهم 19 17 13 06 4اشهر البنتين الكبار مراهقات بصح نحس راني فاقدتهم ومعنديش بنات الكبيرة حنينة وتسمع الهدرة وتعاوني في الشغل اما الي قل منها عنيدة وترجع الهدرة لي وللباباها وتخدم االضغل بالنفحة وما تتقنش الخدمة وزيد تغير من اختها الكبيره وتقولي ادافعي عليها بزاف تكرهيني وزيد لج ميخكولي والو على خصوصياتهم غير بيناتهم مرة يتهامسوا ويضحكوا مرة يتغامزوا نحس راهم على كاش واحد ونخاف يكونوا متصاحبين مع كاش واحد يتلفلهم رايهم وزيد الكبيرة نحس باباها يكرها ومهمشها شحال من مرة يضربها ويعاديها ايام وايام مايسال عليها مايشوف واش خاصها كي نقلوا راك حاقرها وانتبهلها يقولي متهمنيش والله قلبي يتعصر عليها وزيد هو يحب الي قل منها ويلبيلها كل طلباتها واذا زعف عليها يتعاقبوا كلهم معاها والله غير حرت ومالقيت واش ندير وزيد وليت مقلقة ونهدر غير بالصراخ ومنقدرش نتحكم في اعصابي كي نهدر مع الزوج اذا كان في حالو يعطيني الحق واذا كان مقلق يسبني وينارفيني ويقولي متعرفيش تربي واش ندير انصحوني جزاكم الله كل خير

والله يا اختي حسيت بالمعاناة تاعك انا نشوف بلي الطفة اللي اقل من الكبيرة التفشاش تع باباها دارلها هكذا على هذي راهي تدير في رايها بصح الكبيرة اللي راه يحقر فيها و يقلل من شانها هذا رح ياثر عليها بزاف و تقدر تتعقد والله حالة صعيبة انا ما عنديش خبرة لكن حبيت نقولك ربي يفرج عليك و يهدي الزوج تاعك و يحفظلك بناتك من كل سوء ادعي ربي يصلحهم ..انا نقترح عليك ديري مشكلتك في قسم مشكلتي رح يجاوبوك و ممكن يفيدوك لانو هذا القسم ما يدخلوهش الاعضاء بزاف انا درت موضوع هنا ما لقيت حتى افادة .........اتمنى يفيدونا الامهات اللي عندهم خبرة

omomnia15 · 2015-04-26, 14:20

شكرا ليك اختي ابتهال وربي يجازيك الخير

شموخ امرأة · 2015-04-26, 22:56

اقتباس:

المشاركة الأصلية كتبت بواسطة omomnia15

لالسلام عليكم وشكرا عللى هذي الصفحة عندي مشكل وحابة تساعدوني
عندي 4 بنات وولد اعمارهم 19 17 13 06 4اشهر البنتين الكبار مراهقات بصح نحس راني فاقدتهم ومعنديش بنات الكبيرة حنينة وتسمع الهدرة وتعاوني في الشغل اما الي قل منها عنيدة وترجع الهدرة لي وللباباها وتخدم االضغل بالنفحة وما تتقنش الخدمة وزيد تغير من اختها الكبيره وتقولي ادافعي عليها بزاف تكرهيني وزيد لج ميخكولي والو على خصوصياتهم غير بيناتهم مرة يتهامسوا ويضحكوا مرة يتغامزوا نحس راهم على كاش واحد ونخاف يكونوا متصاحبين مع كاش واحد يتلفلهم رايهم وزيد الكبيرة نحس باباها يكرها ومهمشها شحال من مرة يضربها ويعاديها ايام وايام مايسال عليها مايشوف واش خاصها كي نقلوا راك حاقرها وانتبهلها يقولي متهمنيش والله قلبي يتعصر عليها وزيد هو يحب الي قل منها ويلبيلها كل طلباتها واذا زعف عليها يتعاقبوا كلهم معاها والله غير حرت ومالقيت واش ندير وزيد وليت مقلقة ونهدر غير بالصراخ ومنقدرش نتحكم في اعصابي كي نهدر مع الزوج اذا كان في حالو يعطيني الحق واذا كان مقلق يسبني وينارفيني ويقولي متعرفيش تربي واش ندير انصحوني جزاكم الله كل خير

سلامي اخيتي
حكاية اثرت فيا بزااااف .......اقول لك كان الله في عونك لان مشكلة ليست بسهلة ..........
اول نصيحة عليك بدعاء ثم الدعاء في سجودك ادعي ربي ينور طريقهم .........
الثانية ... قبل ما تحكي مع بناتك وتفاهمي معاهم يلزم اولا ديري جلسة مع زوجك وتفاهموا بان طريقة تعامله مع ابنتيه خطأ في خطأ لان تفاهمك مع الاب هو نصف حل المشكلة ........وتقول له بان دلال الصغرى يؤثر سلبا على تربيتها ويلزم عليه يعدل بين بناته حتى لاتشعر ن اخواتها بالحصرة والغيرة من اختهم وربما توصل الى الكره ......وذكريه بالحديث النبوي عن العدل بين الابناء.........
بعد ماتفاهمي مع باباهم عاد بدي مع بناتك جمعيهم حولك وفرغي لهم قلبك و قولي لهم بلي تحبيهم كيف كيف وماتفضلي حتى وحدة ويلزم تكوني حذر في التعامل معهن بعدل في كل شيء.......

وتقربي لرها بعيدة عليك اكثر من اختها لان لكبيرة راها مطمئنة بلي راكي تحبها اما الثانية هي لراها تشعر بنقص والرحمان .....،اما اسرارهن صعيييييييييب يحكو لك عليها ..........انت حكي مع الكبيرة مدامك تقولي حنينة و....... وقوليلها ردي بالك على خواتاتك وهي لتنصحهم ..........
يلزمك صبر ايوب......... يا اختي خليك قوية وقللي من العصبية
هذا واش قدرت نقولك ........وندعي لك ربي يصخر لك زوجك وبناتك و يحفظهم من كل شر و يبعد عليهم اولاد الحرام ......
عليك بدعاااااااااااااااااااااء