Certificat de travail dernier employeur libre de tout engagement.

[مجيد الناجح]

السلام عليكم خاوتي
Certificat de travail dernier employeur libre de tout engagement
وانا خدام كونترا في المتوسطة
كيفاش ندير الله يحفضكم؟

[djaweb]

انت داير عقود ما قبل التشغيل بالليسانس اوكي
اذا هاك راك كيفي أنا ولازم المدير هو لي تقولو يخدملك شهادة عمل
بالتوفيق

[مجيد الناجح]

هاذيك شهادة عمل كي تكون خدام لانام
ويديرها المدير وفيها بدا من .......... الى يمنا هاذا
بصح راني نهدر على حاجة ثبت انك لست مرتبط [اي عمل وانك حر
وراني سقسيت ولقيت الجواب
لازم تروح لانام دير طلب فسخ العقد وتديه لمديرية التشغيل وراهم يخرجولك شهادة عمل من............الى
هذي هي

للأسف أصبحت المساعدة في هذا المنتدى قليلة جدا

انت تسأل حاجة ويجي واحد يحول مجرى السؤال

ربي يوفقنا اجمعين

[djaweb]

يا صاحبي انا نعرف قداه من واحد صحابي راحو وجاو ودو معاهم شهادة عمل هاذي هيا
انا هدرتلك على حاجة مجربة ما هدرتلكش حاجة من راسي
ربي يسهل ليك ان شاء الله

[مجيد الناجح]

djaweb
ـــــــــــــــــــــت
لالا ماتفهمنيش غلط
مانيش عليك انت
انت راك جاوبتني ربي يحفظك
بصح كي تشوف 170 مشاهدة ورد واحد تتأسف
+
شهادة العمل لي راك تهدر عليها صح انا خدمتها عند المدير واديتها في الملف الاول
راني نهدر كي يبعثولك الاوكي

ويبالتوفيق للجميع

[djaweb]

يا صاحبي ما فهمتش غالط راني والله حكيت معاك من باب باه نقولك برك واش راني نعرف
كي بعثولك الاكي الله أعلم خطراكش انا راهم عيطولي للمقابلة نهار 5 افريل يعني رح ندي معايا شهادة عمل
بالتوفيق للجميع

[سيبب]

الله يوفق وينجح كل الناس